Warning: No part of this site may be reproduced, stored in a retrieval system or transmitted in any form without the prior permission of the website owner is strictly prohibited.

Deworming Day



జాతీయ నులిపురుగుల నివారణా దినోత్సవం (డీవార్మింగ్‌ డే)
          ఆరోగ్యవంతమైన జీవితాన్ని పిల్లలకు అందించడం తల్లిదండ్రుల కర్తవ్యం. భవిష్యతుల్లో పిల్లలు ఆరోగ్యవంతులుగా తయారైతేనే వారిలో నైపుణ్యాభివృద్ధి పెంపొందుతుంది. అందుకోసం ప్రతి ఒక్కరు కృషి చేయాల్సిన అవసరముంది. పిల్లల్లో పోషకాహార లోపం, రక్తహీనత తగ్గించడం, శారీరక, మానసిక అభివృద్ధికి తోడ్పాటునందించాలి.
       ఆరోగ్య సమాజ ఏర్పాటులో భాగంగా ప్రభుత్వం వైద్య ఆరోగ్యశాఖ ఆధ్వర్యంలో ప్రతి ఏడాది ఫిబ్రవరి 10, ఆగస్టు 10న రెండుసార్లు జాతీయ నులిపురుగుల నిర్మూలన దినోత్సవాన్ని నిర్వహిస్తోంది.
        అపరిశుభ్రతతోనే నులిపురుగులు పిల్లలకు సంక్రమిస్తాయి. ముఖ్యంగా పరిసరాలను పరిశుభ్రంగా ఉంచుకోకపోతే నులిపురుగులు వ్యాపిస్తాయి. చేతిగోర్లను శుభ్రంగా ఉంచుకోవాలి.గోర్లు పెరిగినప్పుడు వాటిని కత్తిరించుకోవాలి. అలా చేయకపోవడం వల్ల వాటిలో మట్టి చేరి అనారోగ్యానికి కారణమవుతారు. అలాగే పరిశుభ్రమైన నీరు తాగాలి. బహిరంగ ప్రవేశాల్లో మల విసర్జన చేయడం వల్ల నులిపురుగులు శరీరంలోకి ప్రవేశిస్తాయి. భోజనం చేసేటప్పుడు శుభ్రంగా చేతులు కడుకోవాలి. కూరగాయాలను శుభ్రమైన నీటితో కడగాలి. ఆహార పదార్థాలపై ఎల్లప్పుడు మూతలు కప్పి ఉంచాలి. 
        నులిపురుగుల వల్ల పిల్లలకు అనేక అనర్థాలు కలుగుతాయి. ముఖ్యంగా 1 నుంచి 19 సంవత్సరాల వయస్సు వారిలో నులిపురుగులు ఉంటే వారిలో అనేక ఆరోగ్య సమస్యలు ఏర్పడతాయి.నులి పురుగులనేవి పేగుల నుంచి పోషకాలను గ్రహించి అభివృద్ధి చెందే పరాన్న జీవులు. వీటి ద్వారా శరీరంలో రక్తహీనత, పోషకాహార లోపం, ఆకలి లేకపోవడం, బలహీనత, కడుపునొప్పి, వికారం, విరోచనాలు, బరువు తగ్గడంతో మరిన్ని ఇబ్బందులు తలెత్తుతాయి. నులిపురుగుల నిర్మూలనతో రక్తహీనత నియంత్రణ, పోషకాల గ్రాహ్యత ను మెరుగుపర్చే ప్రయోజనాలు కలుగజేస్తుంది.
       పిల్లలలో సాధారణంగా మూడు రకాల నులిపురుగులు కనబడే అవకాశం ఉంది. ఏలిక పాములు, నులిపురుగులు, కొంకి పురుగులు ఉంటాయి. వీటిని నిర్మూలించేందుకు అల్బెండజోల్‌ మాత్రలు వేసుకోవాలి. 1 నుంచి 2 సంవత్సరాల వయస్సు కలిగిన పిల్లలు 400ఎంజీలో సగం 200 ఎంజీ మాత్రను వేసుకోవాలి. మిగతా వారు 400 ఎంజీ మాత్రను వేసుకోవాలి. మాత్రను బాగా నమలాలి.
     భోజనం తర్వాత వేసుకోవచ్చు. మాత్రలు వేసుకున్న ఒకో రోజు లేదా రెండు రోజుల్లో నులిపురుగులు ఉన్నట్లయితే మల విసర్జన ద్వారా పురుగులు బయటకు వెళ్తాయి. దీర్ఘకాలిక వ్యాధిగ్రస్తులు, ఇతర వ్యాధులకు మందులు వాడుతున్న వారు వేసుకోకూడదు. నులిపురుగులు ఉన్నవారు మాత్రలు వేసుకుంటే వికారం, వాంతులయ్యే అవకాశం ఉంది. స్వల్పంగా జ్వరం వచ్చే అవకాశముంది. దాని వల్ల భయపడాల్సిన అవసరం లేదని వైద్యులు పేర్కొంటున్నారు
        ప్రధానోపాధ్యాయులకు కొన్ని సూచనలు
మాత్రలు నేరుగా మింగకూడదు.. తప్పని సరిగా మాత్రలు ముందుగా చప్పరించి తరువాత మిగిలిన మాత్రను నమిలి మింగవలెను. ప్రతీ చోట శుభ్రమైన తాగు నీరు త్రాగడానికి వుంచగలరు.
  ప్రతీ విద్యార్థి మాత్రను చప్పరించి, నమిలి మింగే విధంగా వ్యక్తిగతం గా గమనించగలరు.  ఏ విద్యార్థి మాత్ర ను ఉమ్మి వేయకుండా చూడగలరు.
ధీర్ఘ కాలిక వ్యాధులతో బాధ పడుతున్న విద్యార్థులకు మాత్రలు అందించకూడదు.
ముందు రోజున ఇంట్లో ఈ మాత్రలు వాడినప్పటికీ తిరిగి పాఠశాలలో మాత్రలు తప్పనిసరిగా ఇవ్వవలెను.
6 -19 సంవత్సరాల పిల్లలకు పూర్తి మాత్ర, 6 సంవత్సరల లోపు పిల్లలకు సగం మాత్ర గాని సిరఫ్ గానీ అందించవలెను.
కడుపులో నులి పురుగులు ఎక్కువగా వున్న విద్యార్థులకు వాంతులు, తల నొప్పి, కడుపు నొప్పి వంటి ప్రతికూల ఘటనలు కనపడవచ్చు.  అవి తాత్కాలికమే.  అటువంటి పిల్లలకు నీడ లో విశ్రాంతి ఇవ్వగలరు. 
సబ్పుతో 7అంచెల పద్దతిలో చేతులు శుభ్రం చేసుకోవడంపై అవగాహన పెంచండి.
Deworming Day
The National Deworming Day is observed on February 10 by the Ministry of Health and Family Welfare and its main objective is to deworm children between the ages of (1-19) at schools and anganwadi centres.
This year for the first time, the Ministry has decided to give the deworming tablets to the private schools children also.
The government of India had launched the initiative in 2015, making it one of the largest single-day public health initiatives in India
NECESSITY OF DEWORMING CHILDREN:
Worm infections can cause anemia, malnourishment, impaired mental and physical development; and may cause a serious threat to children's health, education, and productivity. According to a study, the infected children cannot concentrate on their studies and they find very hard to put up their daily activities.


Download...Deworming day guide lines
Download.....Deworming Day Activity Details
Deworming day,ap Deworming Day,Deworming Day details,Deworming Day activity details,
Previous
Next Post »
0 Komentar