Warning: No part of this site may be reproduced, stored in a retrieval system or transmitted in any form without the prior permission of the website owner is strictly prohibited

Vindam Nerchukundam IRI 27th August Radio Programme

Vindam Nerchukundam IRI 27th August Radio Programme


"విందాం - నేర్చుకుందాం"-నేటి రేడియో పాఠం
★ తేది : 27.08.2019
★ విషయము : గణితం
★ పాఠం పేరు : "తీసివేత (వ్యవకలనం)"
★ తరగతి : 3వ తరగతి
★ సమయం : 11-00 AM 
★ నిర్వహణ సమయం : 30 ని.లు
తీసివేత (వ్యవకలనం) 
బోధనా లక్ష్యాలు:
విద్యార్థినీ విద్యార్థులు :
• రెండంకెల సంఖ్యల తీసివేత ప్రక్రియల ద్వారా సమస్యలను సాధించగలరు.
• మూడంకెల సంఖ్యల తీసివేత సమస్యలు సాధించగలరు.ఫలితాన్ని అంచనా వేయగలరు.
• స్థాన విలువల ఆధారంగా ఇచ్చిన సంఖ్యల భేదాన్ని (తీసివేత) కనుగొనగలరు.
 బోధనాభ్యసన సామగ్రి:
• 0-9 సంఖ్యలు రాసిన ఫ్లాష్ కార్డులు (3 సెట్లు)
• పాఠ్యపుస్తకం
కార్యక్రమంలో నిర్వహించవలసిన కృత్యాలపై అవగాహన :
   ఎ. కృత్య నిర్వహణపై అవగాహన
   బి. ఆట నిర్వహణపై అవగాహన
కృత్యం :1
• ముందుగా పిల్లలందరిని  గుండ్రంగ కూర్చోబెట్టాలి.
• ముందుగా రేడియో టీచర్ ఒక సంఖ్య చెబుతారు. తరువాత ప్లస్ అనగానే ఐదు కలిపి వచ్చిన సమాధానం చెప్పాలి. మైనస్ అవగానే ఐదు తీసివేసి వచ్చిన జవాబు చెప్పాలి.
• తప్పుగా చెప్పిన వారు ఆట నుండి ఔట్ అయినట్లుగా భావించాలి.
• ముందుగా మామయ్య చెపుతుంటే రాజు, లతలు సమాధానాలు చెపుతారు.
• ముందుగా మామయ్య చెప్పే సంఖ్య వంద దానికి ప్లస్ అనగానే రాజు 105 అని చెపుతారు. తరవాత ప్లస్ అనగానే లత 110 అని చెపుతుంది.
• తరువాత మామయ్య మైనస్ అనగానే రాజు 105 అని ప్లస్ అనగానే లత 110 అని చెపుతుంది.
• తరవాత గుండ్రంగా కూర్చున్న తరగతి పిల్లలు ఆట ఆడాలి.
• రేడియో టీచర్ ముందుగా నూటయాభై అని సంఖ్య చెప్పగానే గుండ్రంగా కూర్చున్న పిల్లల లో నుండి ఒకరి నుండి మొదలు పెట్టి రేడియో టీచర్ ప్లస్ అనగానే 5 కలుపుతూ మైనస్ అనగానే 5 తీసివేస్తూ ఆడాలి
• టీచర్ సరిగా చెప్పిన వారిని అభినందించాలి.
కృత్యం :2 ఆట
• తరగతిలోని పిల్లలందరిని రెండు సమాన గ్రూపులు చేయాలి.
• ముందుగా రాసిన రెండంకెల సంఖ్యల చిట్టీలను ఒక డబ్బాలో మూడంకెల సంఖ్యల చిట్టీలను మరొక డబ్బాలో వేయాలి. 
• తరువాత మొదటి గ్రూపునుండి ఇద్దరు పిల్లలు వచ్చి రెండు డబ్బాల నుండి ఒక్కో చిట్టీ తీయాలి.
• తీసిన చిట్టీల నుండి పెద్ద సంఖ్యను ముందుగా నల్లబల్లపై రాసి తరువాత చిన్న సంఖ్యను దానికింద రాయాలి.
• తరువాత రెండవ గ్రూపు వారిలో ఒక విద్యార్థి నల్లబల్ల వద్దకు వచ్చి అంతకు ముందు నల్లబల్లపై రాసిన సంఖ్యల తీసివేత చేయాలి.
• లెక్క సరిగా చేసిన వారికి ఒక పాయింట్ ఇవ్వాలి.
• తరువాత రెండవ గ్రూపు నుండి ఇద్దరు విద్యార్థులు రెండు డబ్బాల నుండి చిట్టీలు తీసి ఆ సంఖ్యలను నల్లబల్లపై రాయాలి.
• తరువాత మరొక గ్రూపు నుండి మరొక విద్యార్థి నల్లబల్ల వద్దకు వచ్చి ఇంతకు ముందు మాదిరిగా తీసివేత చేయాలి.
• సరిగా చేసిన వారికి ఒక పాయింట్ ఇవ్వాలి.
• రేడియో కార్యక్రమప్రసారానంతరం ఆటను కొనసాగించండి.


➤కార్యక్రమములో ప్రసారమయ్యే పాటను చార్డుపై స్పష్టంగా రాసి తరగతి గదిలో ప్రదర్శించాలి.
పాట
పల్లవి :
తీసివేతయే వ్యవకలనం
వ్యవకలనముయే తీసివేత    //తీసివేతయే//
చరణం 1:
సమూహాలతో ఉన్న వస్తువుల
భేదమెంతో తెలియాలంటే
పెద్ద సమూహాలలో సంఖ్యలో నుండి
చిన్న సమూహము సంఖ్యను తీసేయడమే   //తీసివేతయే//
చరణం 2:
నీ దగ్గర ఉన్న మొత్తము డబ్బూ ఎంతో తెలుసూ
నీవు ఖర్చు చేసిన సొమ్ము ఎంతో
అది కూడా నీకు తెలుసూ
ఇప్పుడు మిగిలిన సొమ్మెంతో
తెలియాలంటే .... తీసివేయడమే  //తీసివేతయే//
తీసేయాలంటే ........
ఏ స్థానంలోని అంకెను
ఆ స్థానంలోని అంకె కిందనే వేయాలి
పాట ప్రసార సమయంలో
• మొదటిసారి పాట వచ్చే సందర్భములో చార్టులోని పాటను వేలితో లేదా పాయింటర్ తో చూపిస్తూ చదవాలి.
• రెండవ సారి పాటను, చార్టును చూపిస్తూ రేడియోలో వచ్చే పాటతో జతకలుపుతూ పాడించాలి.
📻'విందాం నేర్చుకుందాం' IRI కార్యక్రమాలు లైవ్ లో  వినిపించుటకు ఉపయోగపడే ఆకాశవాణి ప్రసారభారతి యాప్
Click here to download...Prasarabharathi News on Air app
Previous
Next Post »
0 Komentar

Google Tags