Warning: No part of this site may be reproduced, stored in a retrieval system or transmitted in any form without the prior permission of the website owner is strictly prohibited

Corona is not spread by mosquitoes

Corona is not spread by mosquitoes
దోమల ద్వారా కరోనా వ్యాప్తి చెందదు
కొవిడ్-19 వ్యాధి దోమల ద్వారా వ్యాప్తి చెందదని ప్రపంచ ఆరోగ్య సంస్థ (డబ్ల్యూ హెవో) ఇప్పటికే ప్రకటించగా ఆ వాదనను తాజాగా శాస్త్రవేత్తలు ధ్రువీకరించారు. కొవిడ్-19కు కారణమవుతున్న సార్స్ కొవ్-2 వైరస్ మనుషుల్లో దోమల ద్వారా సోకదని మొదటిసారిగా ధ్రువీకరించారు. దీంతో ప్రపంచ ఆరోగ్య సంస్థ (డబ్ల్యూహెచ్) ఇప్పటికే చేసిన ఈ తరహా ప్రకటనకు శాస్త్రీయ ఆధారం లభించినట్లయింది.
అమెరికాలోని కన్సాస్ స్టేట్ విశ్వవిద్యాలయ శాస్త్రవేత్తలు ఈ పరిశోధన చేశారు. దోమల్లో విస్తృతంగా వ్యాప్తిలో ఉన్న ఏడెస్ ఈజిప్షి, ఏడెస్ ఆల్బోపిక్టస్, క్యులెక్స్ క్విన్ క్వెఫాసియాటస్ జాతుల్లో కరోనా వైరస్ తన ప్రతులను ఉత్పత్తి చేసుకోలేదని తేలినట్లు పరిశోధనకు నాయకత్వం వహించిన స్టీఫెన్ హిగ్స్ చెప్పారు. అందువల్ల, ఈ జీవుల ద్వారా మానవుల్లోకి కరోనా వైరస్ వ్యాప్తి చెందదని నిర్ధారణ అయినట్లు తెలిపారు. వైరస్ సోకిన వ్యక్తి నుంచి రక్తాన్ని పీల్చినప్పటికీ ఈ రకం దోమలు ఆరోగ్యవంతుడికి ఈ వ్యాధిని వ్యాప్తి చేయలేక పోయాయని గుర్తించామని వివరించారు. ఈ పరిశోధన ఫలితాలు జర్నల్ సైంటిఫిక్ రిపోర్ట్స్ లో ప్రచురితమయ్యాయి.
Previous
Next Post »
0 Komentar