Warning: No part of this site may be reproduced, stored in a retrieval system or transmitted in any form without the prior permission of the website owner is strictly prohibited

STUDENT INFORMATION MANAGEMENT SYSTEM WEB PORTAL FOR NEW ADMISSIONS

STUDENT INFORMATION MANAGEMENT SYSTEM WEB PORTAL FOR NEW ADMISSIONS
స్కూళ్ల అడ్మిషన్ల వివరాల ఆన్‌లైన్‌ కోసం ప్రత్యేక పోర్టల్‌
ఈ విద్యాసంవత్సరం నుంచే స్కూళ్లలో విద్యార్థుల ప్రవేశాలకు సంబంధించిన రికార్డులను ఆన్‌లైన్‌లోనూ నమోదు చేసి రిజిస్టర్‌ చేసేలా https://schooledu.ap.gov.in/SIMS20/ ప్రత్యేక పోర్టల్‌ను విద్యాశాఖ రూపొందించింది. దీనిలో విద్యార్ధుల వివరాలను అప్‌లోడ్‌ చేయాలని ఆదేశాలు ఇచ్చింది.
ప్రవేశాల ప్రక్రియకు సంబంధించి పలు సూచనలు
>కోవిడ్‌19 నివారణ సూచనలు పాటిస్తూ ప్రవేశాలు చేపట్టాలి.
>విద్యార్థులను పాఠశాలకు రప్పించరాదు.
>201920లోని ఆయా తరగతుల విద్యార్థులను తదుపరి క్లాస్‌లోకి ప్రమోట్‌ చేసి వారి పేర్లు పాఠశాల అడ్మిషను రిజిష్టరులో నమోదు చేయాలి.
>ప్రాథమిక పాఠశాలల్లో 5వ తరగతి, ప్రాథమికోన్నత పాఠశాలల్లో 7వ తరగతి చదివి ఉత్తీర్ణులైన విద్యార్ధులు తదనంతరం ఏ పాఠశాలల్లో చేరాలనుకుంటున్నారో వారి తల్లిదండ్రుల్ని అడిగి తెలుసుకుని ఆ ప్రకారం ప్రవేశాలు చేపట్టాలి.  
>6వ తరగతిలో ప్రవేశాలు సంబంధిత మండల విద్యాశాఖాధికారి, 8వ తరగతిలో ప్రవేశాలు సంబంధిత ఉప విద్యాశాఖాధికారి పర్యవేక్షించాలి.  
>తల్లిదండ్రులు తమ పిల్లలను వేరే పాఠశాలలో చేర్చేందుకు వారి రికార్డు షీటు, బదిలీ సర్టిఫికెటు అడిగినట్లయితే ప్రధానోపాధ్యాయుడు విధిగా అందించాలి.
>విద్యార్థులను పాఠశాలలో చేర్చుకునేందుకు ప్రధానోపాధ్యాయుడు విద్యార్థుల రికార్డు షీటు, బదిలీ సర్టిఫికెట్ల విషయంలో నిర్బంధించకుండా విద్యార్థులను పాఠశాలలో చేర్చుకోవాలి .
>ఒకవేళ విద్యార్థి రికార్డు షీటు, ట్రాన్స్ఫర్‌ సర్టిఫికెటు ఇవ్వలేకపోతే ఆ తదుపరి కాలక్రమంలో వాటిని సమర్పించమనాలి.
>వలస వెళ్లిన కుటుంబాల పిల్లలు, తిరిగి వచ్చిన కుటుంబాల పిల్లల విషయంలో ఐడెంటిటీ నిరూపణ తప్ప మరే విధమైన ధ్రువపత్రాలూ అవసరం లేదు.
>ప్రవేశాలు పూర్తి కాగానే ఎప్పటికప్పుడు నిర్దేశించిన చైల్డ్‌ ఇన్ఫో పోర్టల్‌లో నమోదు చేస్తుండాలి. 
> అన్ని యాజమాన్యాల స్కూళ్లు ఈ మార్గదర్శకాలను పాటించాలి. 
Previous
Next Post »
0 Komentar