Warning: No part of this site may be reproduced, stored in a retrieval system or transmitted in any form without the prior permission of the website owner is strictly prohibited

India key in corona vaccine production: Bill Gates



India key in corona vaccine production: Bill Gates
కరోనా వ్యాక్సిన్ ఉత్పత్తిలో భారత్ కీలకం: బిల్‌ గేట్స్
వచ్చే ఏడాది కరోనా వైరస్ వ్యాక్సిన్ ఉత్పత్తిలో భారత్ కీలక పాత్ర పోషిస్తుందని మైక్రోసాఫ్ట్ సహ వ్యవస్థాపకుడు బిల్ గేట్స్ అభిప్రాయపడ్డారు. కరోనా వ్యాక్సిన్ ఉత్పత్తిలో భారత్ కీలక పాత్ర పోషిస్తుందని మైక్రోసాఫ్ట్ సహ వ్యవస్థాపకుడు బిల్‌గేట్స్ అభిప్రాయపడ్డారు. వ్యాక్సిన్ల ఉత్పత్తిలో ముందంజలో ఉన్న భారత్ సహకారాన్ని తాము ఆశిస్తున్నామన్నారు. బిల్ అండ్ మిలిందా గేట్స్ ఫౌండేషన్ ట్రస్టీగా ఉన్న బిల్ గేట్స్, వచ్చే ఏడాది తొలి త్రైమాసికం నాటికి చాలా వ్యాక్సిన్ క్యాండిడేట్లు తుది ప్రయోగ దశకు చేరుకుంటాయన్నారు. వచ్చే ఏడాది భారత్‌లో భారీ మొత్తంలో కోవిడ్ వ్యాక్సిన్‌ ఉత్పత్తయ్యే అవకాశం ఉందని బిల్ గేట్స్ అభిప్రాయపడ్డారు.
వ్యాక్సిన్ సురక్షితం, సమర్థవంతంగా పని చేస్తుందని తేలిన తర్వాత భారత్‌లో వ్యాక్సిన్ సత్వరమే అందుబాటులోకి రావాలని తాము కోరుకుంటున్నామన్నారు. గతంలో ఓ డ్యాకుమెంటరీలో గేట్స్ మాట్లాడుతూ.. భారత ఫార్మా సంస్థలు కేవలం ఇండియాకు మాత్రమే కాకుండా ప్రపంచం మొత్తానికి సరిపడేలా వ్యాక్సిన్లను ఉత్పత్తి చేయగలవన్నారు.

ఈ ఏడాది చివరిలోగా కరోనా వ్యాక్సిన్ అందుబాటులోకి వస్తుందని భావించడం లేదని గేట్స్ అభిప్రాయపడ్డారు. భారత్‌లో ఉత్పత్తయ్యే వ్యాక్సిన్‌ను అభివృద్ధి చెందుతోన్న దేశాలకు సరఫరా చేస్తుందని బిల్‌గేట్స్ ఆశాభావం వ్యక్తం చేశారు.

Previous
Next Post »
0 Komentar