Warning: No part of this site may be reproduced, stored in a retrieval system or transmitted in any form without the prior permission of the website owner is strictly prohibited

Severe illness in vaccinated person - Oxford clinical trials paused



Severe illness in vaccinated person - Oxford clinical trials paused
వ్యాక్సిన్ తీసుకున్న వ్యక్తికి అనారోగ్యం.. నిలిచిపోయిన ఆక్స్‌ఫర్డ్ క్లినికల్ ట్రయల్స్

బ్రిటన్‌కు చెందిన ఆక్స్‌ఫర్డ్ యూనివర్సిటీ పరిశోధకులు అభివృద్ధి చేసిన వ్యాక్సిన్.. కీలక ప్రయోగాలు పలు దేశాల్లో సాగుతున్నాయి. ఇదిలా ఉండగా వీటిని తాత్కాలికంగా నిలిపివేశారు.

 కరోనా వైరస్ వ్యాక్సిన్ కోసం ప్రపంచవ్యాప్తంగా ముమ్మర పరిశోధనలు కొనసాగుతుండగా, వీటిలో కొన్ని ఇప్పటికే మూడో దశ క్లినికల్ ట్రయల్స్‌కు చేరుకున్నాయి. ఇదిలా ఉండగా.. ఆక్స్‌ఫర్డ్ యూనివర్సిటీ-ఆస్ట్రాజెన్‌కా వ్యాక్సిన్ క్లినికల్ ట్రయల్స్ తాత్కాలికంగా నిలిపివేశాయి. వ్యాక్సిన్ తీసుకున్న వ్యక్తి అనారోగ్యానికి గురికావడంతోనే ఈ నిర్ణయం తీసుకున్నారు. ఈ మేరకు మంగళవారం సాయంత్రం ఓ ప్రకటన జారీచేసింది. వ్యాక్సిన్ పొందిన వ్యక్తి వివరించలేని అనారోగ్యానికి గురికావడంతో దీనిపై పరిశీలన చేపట్టినట్టు పేర్కొంది. వ్యాక్సిన్ భద్రత సమాచారాన్ని సమీక్షించడానికి క్లినికల్ ట్రయల్స్‌కు విరామం ఇచ్చి ప్రామాణిక సమీక్ష ప్రక్రియ ప్రారంభించినట్టు కంపెనీ తెలిపింది. 

దీనిని ‘వివరించలేని అనారోగ్యం’ అని చెప్పడం మినహా ఎటువంటి దుష్ప్రభావం చూపిందో మాత్రం సమాచారాన్ని వెల్లడించలేదు. ఆక్స్‌‌ఫర్డ్ టీకా క్లినికల్ ట్రయల్స్‌ను నిలిపివేసినట్టు ఎస్టీఏటీ అనే ఆరోగ్య వెబ్‌సైట్ తొలుత వెల్లడించింది. తర్వాత ఆస్ట్రాజెన్‌కా అధికార ప్రతినిధి దీనిని ధ్రువీకరించారు. అమెరికా సహా ఇతర దేశాల్లో తాత్కాలికంగా నిలిపివేసినట్టు పేర్కొన్నారు.
 అమెరికాలో క్లినికల్ ట్రయల్స్ కోసం 30వేల మంది వాలంటీర్లను ఆగస్టు చివరిలో ఆస్ట్రాజెన్‌కా రిక్రూట్ చేసుకుంది. బ్రిటన్, బ్రెజిల్, దక్షిణాఫ్రికాలోనూ వేలాది మంది ముందుకొచ్చారు. అమెరికాలో ఆక్స్‌ఫర్డ్-ఆస్ట్రాజెన్‌కాతో పాటు మోడెర్నా, ఫైజర్-జర్మనీకి చెందిన బయోన్‌టెక్ వ్యాక్సిన్‌ల క్లినికల్ ట్రయల్స్ చివరి దశలో ఉన్నాయి. అయితే, ఈ రెండు వ్యాక్సిన్ పరీక్షలు ఆస్ట్రాజెన్‌కాకు భిన్నంగా కొనసాగుతున్నాయి. ఇప్పటికే మూడింట రెండొంతుల మంది వాలంటీర్లను రిక్రూట్ చేసి, ప్రయోగాలు చేపట్టాయి.

 పెద్ద వైద్య అధ్యయనాలను తాత్కాలిక నిలిపివేయడం అసాధారణమైంది కాదు.. ఏదైనా తీవ్రమైన లేదా ఊహించని ప్రతిచర్యను పరిశోధించడం భద్రతా పరీక్షలో తప్పనిసరి భాగం. సమస్య యాదృచ్చికంగా తలెత్తే అవకాశం ఉందని ఆస్ట్రాజెనెకా ప్రయోగం ఎత్తి చూపింది. వేలాది మందిపై ప్రయోగాలలో అన్ని రకాల అనారోగ్య సమస్యలు అధ్యయనాలలో తలెత్తుతాయి. ‘వ్యాక్సిన్ ట్రయల్స్ కాలపరిమితి ప్రభావాన్ని తగ్గించడానికి ఒకే దశలో సమీక్షను వేగవంతం చేయడానికి తాము కృషి చేస్తున్నాం’ అని ఆస్ట్రాజెన్‌కా ప్రకటించింది.

  కోవిడ్-19 వ్యాక్సిన్‌ అభివృద్ధిలో పాల్గొంటున్న వాషింగ్టన్ యూనివర్సిటీ శాస్త్రవేత్త డెబోరా ఫుల్లెర్ మాట్లాడుతూ.. జ్వరం లేదా కండరాల నొప్పి వంటి తేలికపాటి దుష్ప్రభావం కాదు, ఆసుపత్రిలో చేరేంతగా వివరించలేని తీవ్రమైన అనారోగ్యమని అన్నారు. అయితే, ఇది ఆందోళన చెందాల్సిన విషయం కాదు అని ఫుల్లర్ అన్నారు. ఏం జరుగుతుందో తెలుసుకోవడానికి, క్లినికల్ ప్రయోగాల్లో పాల్గొనేవారి ఆరోగ్యాన్ని జాగ్రత్తగా పర్యవేక్షించడానికి ట్రయల్స్ నిలిపివేయడం భరోసా ఇస్తుంది అని అన్నారు.

Previous
Next Post »
0 Komentar