Warning: No part of this site may be reproduced, stored in a retrieval system or transmitted in any form without the prior permission of the website owner is strictly prohibited

Unlock 5.0: The Union Ministry of Education Released Latest Guidelines on Schools and Colleges



Unlock 5.0: The Union Ministry of Education Released Latest Guidelines on Schools and Colleges
 న్ లాక్ 5.0: విద్యార్థులకు హాజరు రూల్స్‌ లేవు.. హోంవర్క్‌ లేదు..!
దేశవ్యాప్తంగా స్కూళ్లు, కాలేజీలు తెరిచేందుకు కేంద్ర విద్యా శాఖ గైడ్‌లైన్స్ విడుదల చేసింది.

తాజా గైడ్‌లైన్స్ విడుదల చేసిన కేంద్ర ప్రభుత్వం
15 నుంచి స్కూళ్ల రీఓపెన్‌ నిర్ణయం రాష్ట్రాలదే

దేశవ్యాప్తంగా స్కూళ్లు, కాలేజీలు తెరిచేందుకు కేంద్ర విద్యా శాఖ గైడ్‌లైన్స్ విడుదల చేసింది. అన్‌లాక్ 5.0 లో భాగంగా కేంద్ర ప్రభుత్వం అక్టోబర్ 15 నుంచి పాఠశాలలు, కాలేజీలు పరిమితంగా తెరిచేందుకు అనుమతి ఇచ్చింది. రాష్ట్రాలు, కేంద్ర పాలిత ప్రాంతాల్లోని కరోనా పరిస్థితులను బట్టి అక్టోబర్‌ 15 నుంచి పాఠశాలలు తెరువాలా వద్దా అన్నది ఆయా రాష్ట్ర ప్రభుత్వాలే నిర్ణయించుకోవాలని తెలిపింది. అయితే ఆన్‌లైన్‌ తరగతులు మాత్రం తప్పనిసరిగా ప్రారంభం కావాలని పేర్కొంది.

ఆన్‌లైన్‌ క్లాసులు ఎంత సేపంటే:
నర్సరీ విద్యార్థులకు క్లాసులు రోజుకు 30 నిమిషాలుండాలి.
1-8 తరగతులకు రోజుకు ఒకటిన్నర గంట ఉండాలి.
9-12 తరగతులకు అత్యధికంగా మూడు గంటలు.
ఇక ఒక్కో పీరియడ్‌ గరిష్టంగా 45 నిమిషాలు మాత్రమే ఉండాలి.

స్కూళ్లకు వెళ్లేవారికి నిబంధనలు:
- స్కూలులోని అన్ని చోట్ల పరిశుభ్రత, స్వచ్ఛమైన గాలి, కరోనా వ్యాప్తి నిరోధక చర్యలు చేపట్టాలి.
-దీని కోసం పలు బృందాలను స్కూళ్లు ఏర్పాటు చేసుకోవాలి.
-స్కూళ్లు సొంతంగానే నిబంధనలు, ప్రోటోకాల్స్‌ తయారు చేసుకోవాలి.
-తరగతి గదుల్లో విద్యార్థుల మధ్య భౌతిక దూరం ఉండేలా సీటింగ్‌ ఏర్పాట్లు ఉండాలి.
-తరగతిలో విద్యార్థులు, ఉపాధ్యాయులు మాస్కులు తప్పని సరిగా ధరించాలి.
-విద్యార్థులు, టీచర్లు, పేరెంట్స్‌, కమ్యూనిటీ సభ్యులు, హాస్టల్‌ సిబ్బంది శానిటైజ్‌ పద్ధతులు పాటించాలి.
-అన్ని తరగతుల విద్యా క్యాలెండర్‌కు మార్పులు చేయాలి.
-డాక్టర్‌, నర్సు, ఆరోగ్య సిబ్బంది అన్ని వేళలా అందుబాటులో ఉండేలా చూడాలి.
-విద్యార్థులు, స్కూలు సిబ్బందికి సిక్‌ లీవ్‌, హాజరులో వెసులుబాటు కల్పించాలి.
-విద్యార్థులకు అటెండెన్స్ నిబంధనలు వర్తించవు. విద్యార్థులు స్కూలుకు రాకుండా ఆన్‌లైన్ క్లాసులు అటెండ్ కావొచ్చు.
-స్కూళ్లు తెరిచిన రెండు నుంచి మూడు వారాల వరకు విద్యార్థులకు హోం వర్క్‌ ఇవ్వకూడదు.
-ఐసీటీ వినియోగం, ఆన్‌లైన్‌ విద్యను తప్పనిసరిగా కొనసాగించాలి.
-తల్లిదండ్రుల అనుమతితోనే విద్యార్థులు స్కూలుకు హాజరుకావాలి.
-భౌతికంగా కన్నా ఆన్‌లైన్‌ విద్యను ఎంచుకునే అవకాశం విద్యార్థులకు ఇవ్వాలి.

Previous
Next Post »
0 Komentar

Google Tags