AICTE to Institutions Return Full Fee to
Students Withdrawing Admission Before November 30
ఈనెల 30లోపు
సీట్లు రద్దు చేసుకుంటే పూర్తి ఫీజు రీఫండ్‌: ఏఐసీటీఈ
AICTE Fee Refund Policy
విద్యార్థులకు వారం రోజుల్లోపు
ఫీజు,
డాక్యుమెంట్లు ఇచ్చేయాలి
తదుపరి సెమిస్టర్‌ ఫీజు డిమాండ్‌
చేయకూడదు
టెక్నికల్‌ కోర్సులపై ఏఐసీటీఈ
ఉత్తర్వులు జారీ
అకడమిక్‌ ఇయర్‌ క్యాలెండర్‌ తేదీల్లో మార్పు
ఆలిండియా కౌన్సిల్‌ ఆఫ్‌ టెక్నికల్‌ ఎడ్యుకేషన్‌ (ఏఐసీటీఈ) కీలక ఉత్తర్వులు జారీ చేసింది. న‌వంబ‌రు 30 లోపు ఇంజినీరింగ్, ఇతర టెక్నికల్‌ కోర్సుల్లో (పీజీడీఎం/పీజీసీఎం మినహా) సీట్లు రద్దు చేసుకున్న విద్యార్థులకు పూర్తిగా ఫీజు రీఫండ్‌ చేయాలని ఏఐసీటీఈ ఉత్తర్వులు జారీచేసింది. ప్రాసెసింగ్‌ ఫీజు కింద అత్యథికంగా రూ.వెయ్యి మినహాయించుకొని మిగిలిన మొత్తాన్ని విద్యార్థులకు తిరిగి చెల్లించాలని ఆదేశాలు జారీ చేసింది.
అలాగే.. టెక్నికల్‌ కోర్సుల సీట్ల రద్దుకు నవంబర్‌ 10 చివరి తేదీ కాగా ఇప్పుడు దాన్ని నవంబర్‌ 30 వరకు పొడిగించినట్లు పేర్కొంది. ప్రస్తుతం ఐఐటీ, ఎన్‌ఐటీల్లో ప్రవేశాలు జరుగుతున్న నేపథ్యంలో విద్యా సంవత్సరం క్యాలెండర్‌ను సవరించాలని వివిధ రాష్ట్ర ప్రభుత్వాల నుంచి వచ్చిన విజ్ఞప్తి మేరకు మారుస్తున్నట్లు ప్రకటించింది.
డిసెంబర్‌ 1
నుంచి క్లాసులు:
ఇదివరకు ఖాళీ సీట్లలో విద్యార్థులను చేర్చుకోవడానికి ఇదివరకు నవంబర్‌ 15 గడువుగా ఉండగా.. ఇప్పుడు దాన్ని డిసెంబర్‌ 5 వరకు పొడిగించినట్లు తెలిపింది. ఇక క్లాసుల ప్రారంభ తేదీని నవంబర్‌ 1 నుంచి డిసెంబర్‌ 1కి మార్చింది. ఈ నేపథ్యంలో నవంబర్‌ 30 లోపు సీట్లు రద్దుచేసుకున్న విద్యార్థులందరికీ పూర్తి ఫీజు తిరిగి చెల్లించడంతోపాటు.. వారి టీసీలు కూడా వెనక్కు ఇచ్చేయాలని స్పష్టం చేసింది.
ఒకవేళ విద్యార్థి నవంబర్‌ 30వ తేదీ తర్వాత సీటు రద్దుచేసుకున్నా.. ఆ ఖాళీ సీటు డిసెంబర్‌ 5 లోపు భర్తీ అయితే ప్రాసెసింగ్‌ ఫీజు కింద రూ.వెయ్యితోపాటు, ఆ విద్యార్థి కాలేజీకి వచ్చినంత మేరకు ట్యూషన్‌ ఫీజు, హాస్టల్‌ ఫీజు మినహాయించుకొని మిగిలిన మొత్తం ఫీజును తిరిగి చెల్లించాలని ఏఐసీటీఈ నిర్దేశించింది. ఒకవేళ ఆ సీటు డిసెంబర్‌ 5లోపు భర్తీ కాకపోతే సదరు విద్యార్థికి సెక్యూరిటీ డిపాజిట్, ఒరిజినల్‌ డాక్యుమెంట్లు వెనక్కు ఇచ్చేయాలని పేర్కొంది. ఎట్టిపరిస్థితుల్లోనూ తదుపరి సెమిస్టర్‌ లేదా తదుపరి సంవత్సరాలకు ఫీజు డిమాండ్‌ చేయడానికి వీల్లేదని స్పష్టంచేసింది. ఫీజు, డాక్యుమెంట్లను వారం రోజుల్లోపు విద్యార్థికి ఇచ్చేయాలని సూచించింది.
0 Komentar