Finance Minister Nirmala Sitharaman Sets
Out Bank Account Aadhaar Linking Deadline
ఆధార్ తో బ్యాంక్ అకౌంట్
లింక్ చేయాల్సిందే.. డెడ్‌లైన్ ఇదే!
బ్యాంక్ కలిగిన వారికి ముఖ్యమైన అలర్ట్. కచ్చితంగా బ్యాంక్ అకౌంట్‌ను ఆధార్ కార్డుతో అనుసంధానం చేసుకోవాలి. మోదీ సర్కార్ తాజాగా ఆధార్ బ్యాంక్ అకౌంట్ లింక్‌కు డెడ్‌లైన్ కూడా నిర్ణయించింది.
ఆధార్‌తో బ్యాంక్ అకౌంట్ లింక్
తప్పనిసరి
కేంద్రం కొత్త డెడ్‌లైన్
బ్యాంకులకు ఆదేశాలు
మీకు బ్యాంక్ అకౌంట్ ఉందా? అయితే మీరు కచ్చితంగా ఒక విషయం తెలుసుకోవాలి. కేంద్ర ప్రభుత్వం బ్యాంక్ అకౌంట్లను ఆధార్‌తో లింక్ చేయాల్సిందేనని స్పష్టం చేసింది. కేంద్ర ఆర్థిక మంత్రి నిర్మలా సీతారామన్ ఈ విషయాన్ని వెల్లడించారు. అన్ని బ్యాంకులు వారి కస్టమర్ల అకౌంట్లను ఆధార్ నెంబర్లతో లింక్ చేయాలని ఆదేశించింది.
కేంద్ర ప్రభుత్వం బ్యాంక్ అకౌంట్, ఆధార్ నెంబర్ అనుసంధానికి గడువును నిర్దేశించింది. 2021 మార్చి 31లోపు బ్యాంక్ అకౌంట్లు అన్ని ఆధార్ నెంబర్లతో అనుసంధానం అవ్వాలని బ్యాంకులకు ఆదేశాలు జారీ చేసింది. అలాగే అవసరం అనుకుంటే పాన్ కార్డుతో లింక్ చేయాలని సూచించింది. ఇండియన్ బ్యాంక్స్ అసోసియేషన్ వార్షిక సర్వసభ్య సమావేశంలో నిర్మలా సీతారామన్ ఈ విషయాలు వెల్లడించారు.
వీలైతే డిసెంబర్ చివరి నాటికే బ్యాంక్ అకౌంట్లు, ఆధార్ నెంబర్ అనుసంధాన ప్రక్రియను పూర్తి చేయాలని, కుదరకపోతే 2021 మార్చి చివరి కల్లా కచ్చితంగా ఈ పని పూర్తి చేయాలని స్పష్టం చేసింది. అలాగే అవసరం అనుకుంటే పాన్ కార్డును కూడా బ్యాంక్ ఖాతాలతో అనుసంధానం చేయాలని తెలిపింది.
అంతేకాకుండా నిర్మలా సీతారామన్
బ్యాంకులకు మరో విషయాన్ని కూడా సూచించారు. కస్టమర్లకు రూపే కార్డులను జారీ చేయాలని
తెలిపారు. నేషనల్ పేమెంట్స్ కార్పొరేషన్‌‌ను ఒక ఇండియన్ బ్రాండ్‌గా
తీర్చిదిద్దాలని ఆమె పేర్కొన్నారు. కస్టమర్లకు కార్డు జారీ చేసేటప్పుడు బ్యాంకుల
తొలి ఆప్షన్ రూపే కార్డు అయ్యి ఉండాలని పేర్కొన్నారు. వ్యవస్థలో ఆధార్‌తో
అనుసంధానం కాని ఒక్క బ్యాంక్ అకౌంట్ కూడా ఉండకూడదని తెలిపారు
0 Komentar