Warning: No part of this site may be reproduced, stored in a retrieval system or transmitted in any form without the prior permission of the website owner is strictly prohibited.

School Assembly 13th December Information

School Assembly 13th December Information

చరిత్రలో ఈ రోజు
2001: భారత పార్లమెంటు పై ఐదుగురు తీవ్రవాదులు దాడి చేసిన సంఘటనలో ఆరుగురు పోలీసులు, ఒక తోటమాలి మరణించారు. మొత్తం తీవ్రవాదులందరూ భద్రతా దళాల కాల్పుల్లో హతమయ్యారు. వీరందర్నీ పాకిస్తాన్ దేశస్తులుగా గుర్తించారు.
ఢిల్లీ మెట్రో రైల్వేను అప్పటి ప్రధానమంత్రి అటల్ బిహారీ వాజపేయి 2002 లో ప్రారంభించారు.
1968 వ సం. నాసా అంతరిక్షనౌక అపోలో 8లోప్రయాణించిన వ్యోమగాములు చంద్రుడి కక్ష్యలో ప్రవేశించి ఆ ఘనత సాధించిన తొలి మానవులుగా చరిత్ర పుటలకెక్కారు.
2000 సం. లోభారత్ కు చెందిన చదరంగం ఆటగాడు, విశ్వనాథన్ ఆనంద్ ప్రపంచ ఛాంపియన్ అయ్యాడు 
మనదేశంలో మొట్టమొదటి ఎమ్యూజ్‌మెంట్‌ పార్క్‌ 'ఎస్సెల్‌ వరల్డ్‌' 1989లో ముంబయిలో ప్రారంభమైంది.
దగ్గుపాటి వెంకటేష్ (1960) ప్రముఖ సినీ నటుడి పుట్టిన రోజు.
నేటి అంశము- సైన్సు (వృక్ష,జంతుశాస్త్రము)
 ఆహారం ఎందుకు పాడవుతుంది?
మనం తినే అన్నం, కూరలు ఇతర ఆహార పదార్థాలు నిల్వ ఉంటే పాడవుతాయి. అందులో ఉండే బ్యాక్టీరియా క్రిములే దానికి కారణం. ఇవి కంటికి కనిపించనంత చిన్నవిగా ఉంటాయి. సమయం గడిచేకొద్దీ  అసంఖ్యాకంగా పెరిగిపోతాయి. ఈ సూక్ష్మజీవుల వల్ల ఆహారంలోని ప్రోటీన్లు, పదార్థాలు మార్పు చెందుతాయి. కాబట్టే, ఆహారం  పాచిపోతుంది. అంటే పాడవుతుంది.
చెడిన పదార్థాలు తింటే ఎందుకు జబ్బు  పడతాం?
సమయం గడిచేకొద్దీ ఆహారంలోని బ్యాక్టీరియా జీవుల సంతతి వృద్ధి చెందుతుంది. అసంఖ్యాకంగా సూక్ష్మక్రిములు ఉన్న ఆహారం తింటే మనకు కడుపు నొప్పి వస్తుంది. బ్యాక్టీరియా వల్ల ఆహారంలోని పదార్థాలు విచ్చిన్నమై హానికరమైన పదార్థాలుగా  మారతాయి. ఇవి కూడా మనల్ని అస్వస్థతకు గురిచేస్తాయి. కొన్ని బాక్టీరియాలు మేలు చేస్తాయి, బ్యాక్టీరియాలు అసలు పదార్థాలను వేరే పదార్థాలుగా మార్చుతాయి. ఈ మారిన పదార్థాలు మనకు మేలు కూడా చేయవచ్చు. ఉదాహరణకు పాలని తీసుకోండి. వాటిలోని బ్యాక్టీరియా పాలను జున్ను గా మార్చుతాయి.
మంచి మాట/సుభాషితం
భర్తృహరి సుభాషితం
తివిరి యిసుమున తైలంబు దీయవచ్చు
దవిలి మృగతృష్ణ లో నీరు ద్రావవచ్చు
తిరిగి కుందేటి కొమ్ము సాధింపవచ్చు
చేరి మూర్ఖుల మనసు రంజింపరాదు

భావం - ప్రయత్నం చేయుట వలన ఇసుక నుంచి తైలం తీయవచ్చును. ఎండమావిలో నీరు త్రాగవచ్చును. తిరిగి తిరిగి కుందేటి కొమ్మునైనను సాధింపవచ్చును. కాని మూర్ఖుని మనస్సును మాత్రము సమాధాన పెట్టుట సాధ్యము కాదు
వార్తలలోని ముఖ్యాంశాలు 
తెలంగాణ రాష్ట్ర ముఖ్యమంత్రిగా కల్వకుంట్ల చంద్రశేఖర రావు గురువారం రాజ్‌భవన్‌లో  ప్రమాణ స్వీకారం చేయనున్నారు. ఐతే చత్తీస్ గఢ్, రాజస్థాన్, మధ్యప్రదేశ్ రాష్ట్రాలలో కాంగ్రెస్ పార్టీ , మిజోరం రాష్ట్రంలో ఎంఎన్ఎఫ్ (మిజో నేషనల్ ఫ్రంట్) పార్టీ ప్రభుత్వాలను ఏర్పాటు చేయనున్నాయి.
➥ తిత్లీ నుంచి తేరుకుంటున్న ఆంధ్రప్రదేశ్‌కు మరో ముప్పు పొంచి ఉంది. బంగాళాఖాతంలో ఏర్పడిన అల్పపీడనం.. మరో రెండు రోజుల్లో బలపడి తీవ్ర వాయుగుండంగా మారి రాష్ట్రం వైపుగా దూసుకొస్తుందని వాతావరణశాఖ హెచ్చరిస్తోంది. వాయుగుండ ప్రభావం ఈ నెల 15 ,16 తేదిలలో  నెల్లూరు, ప్రకాశం, చిత్తూరు, కృష్ణా, ఉభయగోదావరి జిల్లాల్లో ఎక్కువగా ఉంటుదంటున్నారు.
➥ ఆర్‌బీఐ వంటి గొప్ప సంస్థ స్వయంప్రతిపత్తి, విశ్వసనీయత, విలువను పరిరక్షించేందుకు నిరంతరం ప్రయత్నిస్తానని రిజర్వ్‌ బ్యాంక్‌ ఆఫ్‌ ఇండియా నూతన గవర్నర్‌ శక్తికాంత దాస్‌ అన్నారు. ఇదిలా ఉండగా బుధవారం దేశీయ స్టాక్ మార్కెట్లు భారీ లాభాలను పొందాయి.
➥ భారతదేశంలోనే అతి ఖరీదైన పెళ్లి భావిస్తున్న ముఖేష్ - నీతా అంబానీల గారాలపట్టి ఈషా అంబానీ , అజయ్‌ పిరమాల్ ల వివాహం బుధవారం ముంబయిలోని అంబానీల సొంతిల్లు ఆంటిల్లాలో జరిగింది. మూడు లక్షల ఖరీదుతో ఒక్కో వెడ్డింగ్‌ కార్డ్‌ తయారు చేయించారు. ఇటలీలోని లేక్‌ కోమాలో జరిగిన నిశ్చితార్ధ వేడుక మొదలుకొని పెళ్లి తరువాత చేయబోయే రిసెప్షన్‌ల వరకు ఖర్చు లెక్కిస్తే వేయి కోట్ల పైమాటే అంటున్నారు.

➥భారత అగ్రశ్రేణి బ్యాడ్మింటన్‌ క్రీడాకారిణి పీవీ సింధు బ్యాడ్మింటన్‌ వరల్డ్‌ టూర్‌ ఫైనల్స్‌ ను విజయంతో మొదలు పెట్టింది. మహిళల సింగిల్స్‌ గ్రూప్‌-ఏలో హోరాహోరీగా సాగిన మ్యాచ్‌లో డిఫెండింగ్‌ ఛాంపియన్‌ అకానె యమగూచిపై 24-22, 21-15 తేడాతో గెలుపొందింది.

School Assembly,prayer songs,Assembly information,historical events,information of the day,news of the day,golden words,today golden words,moral sentences,today's importance,headlines in the news,december month school assembly day wise,december 2018 school assembly,december 2018 school assembly information, today's topic, నేటి ప్రాముఖ్యత,చరిత్రలో ఈ రోజు,నేటి అంశము,మంచి మాట / పద్యం,వార్తలలోని ముఖ్యాంశాలు, 13th december 2018 assembly, 13th december 2018 assembly,news of the day history,news of the day highlights,13th dec 2018 assembly, dec 13th assembly, dec 13th historical events, 13th december 2018 assembly, december 13th assembly, december 13th historical events,school related today assembly,school related today news, school related december 13th information, school related december month information
Previous
Next Post »
0 Komentar