Can eating Amla control diabetes?

Can eating Amla control diabetes?

Amla is known to be very good for health. Make it a part of your diet

ఉసిరి తింటే డయాబెటీస్ కంట్రోల్ అవుతుందా..

ఉసిరి ఆరోగ్యానికి ఎంతో మంచిదని తెలుసు. వీటిని ఇలా ఆహారంలో భాగం చేసుకోండి..

ఉసిరికాయని ఇండియన్ సూపర్ ఫుడ్ అని పిలవచ్చు. అన్ని హెల్త్ బెనిఫిట్స్ ఉన్నాయి ఈ చిన్న ఆకుపచ్చని కాయలో. డైజెషన్ దగ్గర నుండీ సిల్కీ హెయిర్ వరకూ ఉసిరికాయ చేసే మ్యాజిక్ అంతా ఇంతా కాదు. అటు సైన్స్, ఇటు ఆయుర్వేదం కూడా ఉసిరికాయ గొప్పదనాన్ని అంగీకరించిన వారే. కానీ, మనమే దీన్ని మరిచిపోయాం. కొంత మందికి దాని పుల్లని రుచి నచ్చదు, మరి కొంత మందికి ఉసిరికాయ తో పచ్చడి తప్ప ఇంకేం చేయాలో తెలియదు. దాంతో, ఉసిరికాయ కొద్దిగా వెనకబడింది. ఇదిగో, ఇక్కడ ఉసిరికాయని కొత్తగా యూజ్ చేసే రెసిపీస్ ఉన్నాయి. మీరూ ట్రై చేయండి మరి.

1. సలాడ్స్..

సలాడ్స్ లో నిమ్మరసం వాడడం అందరికీ అలవాటే. అయితే ఈ సారి మాత్రం నిమ్మరసం బదులు ఉసిరికాయ రసం వాడి చూడండి. టేస్ట్ లో ఏమీ తేడా ఉండదు కానీ, హెల్త్ కి మాత్రం సూపర్ హెల్ప్ చేస్తుంది. ఫ్రూట్ సలాడ్, వెజిటబుల్ సలాడ్ రెండింటిలోనూ నిమ్మరసం బదులు ఉసిరి రసం వాడవచ్చు.

2. పోపు..

ఉసిరికాయ తో పోపు ఎలా పెట్టాలా అనుకుంటున్నారా? ఉసిరి కాయని నీటిలో వేసి మరిగిస్తే ఆ పుల్లని రుచి పోతుంది. ఆ తరువాత ఈ ఉసిరికాయని సన్నని ముక్కలుగా చేసి రోజువారీ వంటలో వేసే పోపు లో కలిపేయండి. చెప్తే తప్ప ఇలా చేసినట్టు కూడా ఎవరికీ తెలియదు. కానీ ఆ వంట యొక్క న్యూట్రిటివ్ వాల్యూ మాత్రం అమాంతం పెరిగిపోతుంది.

3. హెర్బల్ టీ..

హెర్బల్ టీ కి మంచి ప్రాచుర్యం ఉన్న రోజులివి. హెర్బల్ టీ ఇమ్యూనిటీని పెంచుతుంది కాబట్టి అందరూ రోజులో ఒక సారైనా ఈ టీ తాగుతున్నారు. ఈ సారి హెర్బల్ టీ చేసినప్పుడు ఉసిరికాయని సన్నని ముక్కలుగా తరిగి హెర్బల్ టీ డికాషన్ లో కలపండి. అసలే హెర్బల్ టీ హెల్దీ అంటే ఇప్పుడు ఇంకా హెల్దీ గా తయారౌతుంది.

4. జ్యూస్..

ఇమ్యూనిటీ బూస్టింగ్ కే కాక జలుబు దగ్గు కి పవర్ఫుల్ హోమ్ రెమెడీగా ఉసిరికాయ జ్యూస్ ని వాడవచ్చు. కొద్దిగా తాజా ఉసిరికాయ రసం లో కొంచెం తేనె కలిపి తీసుకుంటే డిసీజెస్ మీ దగ్గరికి కూడా రావు.

5. చట్నీ..

ఉసిరికాయ చట్నీ చేయడం తేలిక, రుచిగా ఉంటుంది, రోజూ రెండు పూటలా తినచ్చు. మొదటి ముద్దలో ఉసిరికాయ పచ్చడి, నెయ్యి వేసి తింటే ఎంతో ఆరోగ్యం.

ఇప్పుడు ఉసిరికాయ లో ఉన్న ఆరోగ్య ప్రయోజనాలు చూద్దాం.

1. ఉసిరికాయ లో ఉండే విటమిన్ సీ వల్ల ఇన్‌ఫెక్షన్స్ దరి చేరకుండా ఉంటాయి. రెసిస్టెన్స్ పెరుగుతుంది.

2. ఇందులో ఉండే లాక్సటివ్ ప్రాపర్టీస్ వలన మలబద్ధకం సమస్య దూరమౌతుంది. ఇంటెస్టైనల్ ట్రాక్ట్ ని ఉసిరికాయ లో ఉండే ఫైబర్ క్లీన్ చేసేస్తుంది.

3. డయాబెటీస్ ని కూడా అదుపు చేస్తుందని కొన్ని స్టడీస్ లో తెలుస్తోంది. జీవితకాలాన్ని పెంచుతుందని కూడా కొన్ని పరిశోధనలు తెలియచేస్తున్నాయి.

4. బాడీలో ఐరన్ కంటెంట్ పెంచుతుంది. తద్వారా ఎనీమీయా రాకుండా ఉంటుంది.

5. రకరకాల కాన్సర్లకీ, సెల్ డీజెనరేషన్ కీ కారణమయ్యే ఫ్రీ రాడికల్స్ ని ఉసిరి కాయ లో ఉండే యాంటీ ఆక్సిడెంట్స్ అడ్డుకుంటాయి.

6. పింపుల్స్, యాక్నే ని క్లియర్ చేస్తుంది. ఉసిరికాయ రసాన్ని తేనె తో కలిపి తీసుకుంటే మిలమిలా మెరిసే చర్మం మీ సొంతమౌతుంది.

7. జ్ఞాపక శక్తిని పెంచుతుంది. కో-ఆర్డినేషన్ ని ఇంప్రూవ్ చేస్తుంది.

8. బాడీ న్యూట్రియెంట్స్ ని అబ్జార్బ్ చేసుకునేలాగా చేస్తుంది. అంతే కాక శరీరం లో నుండి టాక్సిన్స్ ని ఫ్లష్ ఔట్ చేస్తుంది.

9. జుట్టు కుదుళ్ళని బలపరిచి, జుట్టు ఒత్తుగా పెరిగేలా చేస్తుంది. ప్రిమెచ్యూర్ గ్రేయింగ్ కి మంచి మందు. ఉసిరికాయ రసం తో మసాజ్ చేస్తే చుండ్రు కూడా పోతుందని అంటారు.

10. లంగ్స్, లివర్, హార్ట్ హెల్త్ ఉసిరికాయ ప్రమోట్ చేస్తుంది. తద్వారా ఓవరాల్ హెల్త్ బాగుంటుంది. ఉత్సాహం గా ఉంటారు.

11. ఆకలి పెంచుతుంది. అన్నం తినమని మారాం చేసే పిల్లలకు ఉసిరికాయ మంచి మందు. పిల్లలకి చక్కని పుష్టినిస్తుంది.