New home delivery system of LPG gas cylinder
November 1, 2020
గ్యాస్ సిలిండర్ బుక్ చేసే వారికి
హెచ్చరిక.. నవంబర్ 1 నుంచి కొత్త రూల్స్..
గ్యాస్ సిలిండర్ బుక్ చేయాలని చూస్తున్నారా? అయితే మీకు కొన్ని విషయాలు కచ్చితంగా తెలుసుకోవాలి. వచ్చే నెల నుంచి కొత్త డెలివరీ రూల్స్ అమలులోకి వస్తున్నాయి. దీంతో మీరు కచ్చితంగా కోడ్ చెప్పాల్సి ఉంటుంది.
గ్యాస్ సిలిండర్ రూల్స్‌లో మార్పు
వచ్చే నెల నుంచి అమలులోకి
దీంతో కోడ్ కచ్చితంగా చెప్పాల్సిందే
గ్యాస్ సిలిండర్ బుక్ చేయాలని చేస్తున్నారా? అయితే మీకు ఒక విషయం తెలుసుకోవాలి. వచ్చే నెల నుంచి గ్యాస్ సిలిండర్ రూల్స్ మారబోతున్నాయి. నవంబర్ 1 నుంచి గ్యాస్ సిలిండర్ హోమ డెలివరీ నిబంధనల్లో మార్పు చోటుచేసుకోబోతోంది. ఆయిల్ మార్కెటింగ్ కంపెనీలు వచ్చే నెల నుంచి కొత్త రూల్స్ తీసుకువస్తున్నాయి.
కన్సూమర్ హక్కులను కాపాడేందుకు, అలాగే గ్యాస్ సిలిండర్లలో మోసాలకు అడ్డుకట్ట వేసేందుకు కంపెనీలు ఈ మేరకు నిర్ణయం తీసుకున్నాయి. కొత్త డెలివరీ సిస్టమ్ ఎలా ఉండబోతోందో ఒకసారి తెలుసుకుందాం. గ్యాస్ సిలిండర్ కొత్త హోమ్ డెలివరీ వ్యవస్థకు డీఏసీ అని పేరు పెట్టారు. డీఏసీని డెలివరీ అథంటికేషన్ కోడ్ అని పిలుస్తారు.
గ్యాస్ సిలిండర్ బుక్ చేస్తే ఇంటికి గ్యాస్ సిలిండర్ వచ్చేయదు. మళ్లీ మీరు ఈ కోడ్‌ను తెలియజేయాలి. గ్యాస్ సిలిండర్ బుక్ చేసిన తర్వాత రిజిస్టర్డ్ మొబైల్ నెంబర్‌కు డీఏసీ మెసేజ్ వస్తుంది. డెలివరీ బాయ్‌కు ఈ కోడ్ చెప్పాలి. అప్పుడే మీకు సిలిండర్ డెలివరీ అవుతుంది. అంతవరకు కోడ్ మీ వద్దనే ఉంటుంది.
ఒకవేళ గ్యాస్ సిలిండర్ వినియోగదారులు వారి మొబైల్ నెంబర్‌ను గ్యాస్ డిస్ట్రిబ్యూటర్ వద్ద రిజిస్టర్ చేసుకోకపోతే.. డెలివరీ బాయ్ వద్ద ఉన్న మొబైల్ ఫోన్‌లో ఒక యాప్ ఉంటుంది. దీని ద్వారా వినియోగదారులు అప్పటికప్పుడు మొబైల్ నెంబర్‌ను అప్‌డేట్ చేసుకోవచ్చు. తర్వాత కోడ్ వస్తుంది.
అయితే ఇక్కడ ఒక విషయం గర్తు పెట్టుకోవాలి. మొబైల్ నెంబర్ తప్పుగా ఇచ్చిన వారు లేదంటే అడ్రస్ తప్పుగా ఇచ్చిన వారు గ్యాస్ సిలిండర్ డెలివరీ సమయంలో ఇబ్బందులు పడాల్సి వస్తుంది. వీరికి గ్యాస్ సిలిండర్ డెలివరీ ఆగిపోవచ్చు. ఆయిల్ మార్కెటింగ్ కంపెనీలు తొలిగా 100 పట్టణాల్లో ఈ వ్యవస్థను అందుబాటులోకి తీసుకురానున్నాయి. తర్వాత క్రమంగా ఇతర పట్టణాలకు కూడా ఈ సేవలను విస్తరిస్తారు. అయితే ఈ కొత్త వ్యవస్థ వంట గ్యాస్ సిలిండర్లకు మాత్రమే వర్తిస్తుంది. కమర్షియల్ గ్యాస్ సిలిండర్లకు వర్తించదు.
0 Komentar