UPSC Civils Prelims – Most Questions on Agriculture

UPSC Civils Prelims – Most Questions on Agriculture

సివిల్స్‌‌ పరీక్ష-2020లో ఎక్కువ ప్రశ్నలు ఈ విభాగాలపైనే..!

యూపీఎస్సీ సివిల్స్‌ ప్రిలిమ్స్‌ పరీక్షలు ముగిశాయి. ఈ పరీక్షకు సంబంధించి విద్యార్థులు, నిపుణుల అభిప్రాయం ఇలా ఉంది.

కఠినంగా సివిల్స్‌ ప్రిలిమ్స్‌ పరీక్ష

భూగోళశాస్త్రం, ఆర్థికం, పర్యావరణం, చరిత్రపై ఎక్కువ ప్రశ్నలు

వ్యవసాయం, ఐటీ రంగాలకు కూడా అధిక ప్రాధాన్యం

సివిల్‌ సర్వీస్‌ ప్రిలిమ్స్ 2020‌ పరీక్షలో ప్రశ్నలు కఠినంగా.. ఊహించని విధంగా ఉన్నాయని అభ్యర్థులు, నిపుణులు అభిప్రాయపడ్డారు. ఊహించిన ప్రశ్నలు దాదాపూ రాలేదని శిక్షణ సంస్థల నిర్వాహకులూ అంగీకరిస్తున్నారు. కరోనా వ్యాప్తి తర్వాత జరుగుతున్న పరీక్ష అయినందున కరోనా సంబంధిత ప్రశ్నలు రెండుమూడైనా రావొచ్చని అభ్యర్థులు భావించినా ఒక్కటీ కనిపించలేదనే అభిప్రాయం వ్యక్తం చేశారు.

నేరుగా వర్తమాన వ్యవహారాలకు సంబంధించి కనీసం ఒక్క ప్రశ్న కూడా రాలేదు. అత్యధికంగా ఆర్థికం, చరిత్ర, రాజనీతి శాస్త్రం తదితర అంశాలపై ప్రశ్నలు ఇచ్చారు. అభ్యర్థి విశ్లేషణ శక్తి కంటే సమాచారం ఎంత తెలుసో అన్న దానిపై లోతుగా.. సాంకేతికంగా అడిగారని నిపుణులు తెలిపారు.

వ్యవసాయానికి అధిక ప్రాధాన్యం:

దేశవ్యాప్తంగా వ్యవసాయ సంస్కరణలపై చర్చ జరుగుతున్న తరుణంలో.. సివిల్స్‌ ప్రాథమిక పరీక్షలో ఈ అంశంపైనే ఎక్కువ ప్రశ్నలు ఇచ్చారు. సాగు విధానం, పర్యావరణ హితమైన వ్యవసాయ పద్ధతులు, పంటల మద్దతు ధర, వాటి సేకరణ అంశాలపై ఎక్కువ ప్రశ్నలు ఇచ్చారు.

దీంతోపాటు ఈసారి ప్రశ్నలు ఎక్కువగా వినియోగ (అప్లికేషన్‌) సామర్థ్యాన్ని పరీక్షించేలా ఉన్నాయి. జనరల్‌ స్టడీస్‌ ప్రశ్నపత్రం కష్టంగా ఉందని ఎక్కువమంది అభిప్రాయపడ్డారు. గత మూడేళ్లుగా ప్రశ్నల సరళి విభిన్నంగా ఉంటోంది. కచ్చితంగా కొవిడ్‌-19పై ప్రశ్నలు వస్తాయని సన్నద్ధమైన అభ్యర్థులు.. దానిపై ఒక్కప్రశ్నా లేకపోవడంతో కొంత నిరాశ చెందారు.

  

కృత్రిమ మేధ.. బ్లాక్‌చైన్‌ టెక్నాలజీపై ప్రశ్నలు:

ఐటీకి సంబంధించి ఆధునిక సాంకేతికతలైన కృత్రిమ మేధ, బ్లాక్‌చైన్‌ టెక్నాలజీలపై ప్రశ్నలు ఇచ్చారు. కృత్రిమ మేధ ప్రస్తుతం ఏ రంగాల్లో ప్రభావం చూపుతోంది? బ్లాక్‌చైన్‌ సాంకేతికతకి సంబంధించి ఈ కిందవి ఏవి సరైనవంటూ ప్రశ్నలు అడిగారు.

Tweet