CBSE Class 10, 12 board exams 2021
dates, syllabus: Latest updates
సీబీఎస్ఈ పరీక్షలపై క్లారిటీ
ఇచ్చిన బోర్డు
ఎగ్జామ్స్ విషయంలో ఉన్న సందేహాలకు సీబీఎస్ఈ బోర్డు ఫుల్‌స్టాఫ్‌ పెట్టింది.
సీబీఎస్ఈ బోర్డ్ ఎగ్జామ్స్ విషయంలో
ఉన్న సందేహాలకు సీబీఎస్ఈ బోర్డు ఫుల్‌స్టాఫ్‌ పెట్టింది. సీబీఎస్ఈ పరీక్షలపై
సోషల్ మీడియాలో అనేక పుకార్లు చక్కర్లు కొడుతున్నాయి. మార్చిలోనే సీబీఎస్ఈ 10వ
తరగతి, 12వ తరగతి పరీక్షలు ఉంటాయని సోషల్ మీడియాలో పోస్టులు
వైరల్ అవుతున్నాయి. ఇదే నిజమని సీబీఎస్ఈ విద్యార్థులు నమ్ముతున్నారు. ఈ నేపథ్యంలో
సీబీఎస్ఈ క్లారిటీ ఇచ్చింది.
ఇంకా నిర్ణయం తీసుకోలేదు: బోర్డు
సీబీఎస్ఈ 10వ
తరగతి, 12వ తరగతి పరీక్షలు ఎప్పుడు నిర్వహించాలన్న దానిపై
ఇంకా నిర్ణయం తీసుకోలేదని సీబీఎస్ఈ బోర్డు స్పష్టత ఇచ్చింది. సీబీఎస్ఈ
విద్యార్థులు, వారి తల్లిదండ్రులు, సిబ్బంది
ఈ పుకార్లను నమ్మవద్దని కోరింది. అయితే.. డిసెంబర్ 10న
కేంద్ర విద్యా శాఖ మంత్రి రమేష్ పోఖ్రియాల్ నిశాంక్ విద్యార్థులతో మాట్లాడుతూ
ఈసారి బోర్డు ఎగ్జామ్స్‌లో అనేక మార్పులు ఉండొచ్చని సూచనప్రాయంగా తెలిపారు.
సీబీఎస్ఈ బోర్డ్ ఎగ్జామ్స్ ఆలస్యం కావొచ్చని.. కరోనా వైరస్ మహమ్మారి వ్యాప్తి ఇలాగే కొనసాగితే మార్చిలో జరగాల్సిన పరీక్షలు వాయిదా పడొచ్చని అన్నారు. ఇక 2021 లో నిర్వహించాల్సిన ప్రాక్టికల్స్ ఎగ్జామ్స్ విషయంలో సీబీఎస్ఈ ప్రత్యామ్నాయాలు అలోచించే అవకాశం ఉన్నట్టు రమేష్ పోఖ్రియాల్ నిశాంక్ తెలిపారు.
ఈ విషయంపై కూడా బోర్డు స్పష్టత
ఇచ్చింది. కరోనా వైరస్ మహమ్మారి సమయంలో విద్యార్థులు, వారి
తల్లిదండ్రుల పరిస్థితి సీబీఎస్ఈకి తెలుసని.. బోర్డు ఏ నిర్ణయం తీసుకోవాలనుకున్నా
ముందుగా విద్యార్థులను, తల్లిదండ్రులను సంప్రదించి నిర్ణయం
తీసుకుంటుందని పేర్కొంది.
ప్రశ్నపత్రంలో మార్పులు..?
ప్రస్తుతం కరోనా వైరస్ మహమ్మారి కారణంగా
దేశవ్యాప్తంగా స్కూళ్లు మూతపడ్డ సంగతి తెలిసిందే. స్కూళ్లు మళ్లీ ఎప్పుడు
తెరుచుకుంటాయన్న స్పష్టత కూడా లేదు. మరోవైపు 2021 లో నిర్వహించే
పరీక్షల్లో ప్రశ్నాపత్రాల్లో కూడా చాలా మార్పులు ఉండబోతున్నట్లు ఇటీవల విద్యాశాఖ
మంత్రి రమేశ్‌ ఫోఖ్రియాల్‌ తెలిపిన విషయం కూడా విధితమే. ఎక్కువగా అప్లికేషన్
బేస్డ్, ఆబ్జెక్టివ్ టైప్ లేదా మల్టిపుల్ ఛాయిస్ క్వశ్చన్స్
రూపంలో ప్రశ్నలు ఉండే అవకాశం ఉంది.
0 Komentar