EPF interest for 2019-20 pending for 4 million subscribers – Know the Reason

40 లక్షల మంది పీఎఫ్ ఖాతాదారులకు వడ్డీ డబ్బులు రాలేదు - కారణం ఇదే 

మీకు పీఎఫ్ అకౌంట్ ఉందా? అయితే మీ పీఎఫ్ అకౌంట్‌లో ఈపీఎఫ్‌వో అందిస్తున్న వడ్డీ డబ్బులు వచ్చి జమ అయ్యాయా? ఇంకా లేదా? అయితే మీరు ఈ విషయం తెలుసుకోవాల్సిందే.

ఎంప్లాయీస్ ప్రావిడెంట్ ఫండ్ ఆర్గనైజేషన్ EPFO తన సబ్‌స్క్రైర్లకు తీపికబురు అందించింది. ఇప్పటికే పీఎఫ్ ఖాతాదారులకు వడ్డీ డబ్బులు చెల్లించింది. చాలా మంది పీఎఫ్ ఖాతాల్లో ఈ వడ్డీ డబ్బులు జమ అయ్యాయి. అయితే కొంత మందికి మాత్రం ఇంకా ఈ వడ్డీ డబ్బులు రాలేదు. 

దాదాపు 40 లక్షల మందికి పీఎఫ్ వడ్డీ డబ్బులు రాలేదని తెలుస్తోంది. కేవైసీ వివరాలు తప్పుగా ఉండటం ఇందుకు ప్రధాన కారణంగా తెలుస్తోంది. 2019-20 ఆర్థిక సంవత్సరానికి సంబంధించి మీకు కూడా వడ్డీ డబ్బులు రాకపోతే మీ కేవైసీ వివరాలు ఏమైనా తప్పుగా ఉన్నాయోమో ఒకసారి చెక్ చేసుకోండి. 

డిసెంబర్ 31 నాటికే పీఎఫ్ ఖాతాదారులకు వడ్డీ డబ్బులు చెల్లిస్తామని ఈపీఎఫ్‌వో గతంలోనే ప్రకటించింది. 6 కోట్ల మంది పీఎఫ్ సబ్‌స్క్రైబర్లకు ఈపీఎఫ్‌వో 8.5 శాతం వడ్డీ మొత్తాన్ని చెల్లిస్తోంది. అయితే ఇంకా 8 నుంచి 10 శాతం మంది పీఎఫ్ ఖాతాదారులకు ఇంకా ఈ డబ్బులు అందలేదని తెలుస్తోంది. 

కాగా 8.5 శాతం వడ్డీ అనేది గత ఏడేళ్లలో అతి తక్కువ వడ్డీ కావడం గమనార్హం. 2018-19తో పోలిస్తే ఈ వడ్డీ రేటు 15 బేసిస్ పాయింట్లు తక్కువ. ఇకపోతే ఈపీఎఫ్‌వో ప్రతి ఏడాది వడ్డీ డబ్బులు పీఎఫ్ అకౌంట్లలో జమ చేస్తుంది. అయితే ఇప్పుడు కొంత మందికి ఈ వడ్డీ డబ్బులు రాలేదు.