Biennial Elections to AP&TS: Notification Released for MLA Quota MLC Elections in Telugu States
తెలుగు రాష్ట్రాల్లో ఎమ్మెల్యే కోటా ఎమ్మెల్సీ ఎన్నికల నోటిఫికేషన్ విడుదల
UPDATE 09-11-2021
తెలుగు రాష్ట్రాల్లోని ఎమ్మెల్యేల
కోటా ఎమ్మెల్సీ ఎన్నికలకు ఈసీ నోటిఫికేషన్ విడుదల చేసింది. ఎమ్మెల్యే కోటా కింద
తెలంగాణలో 6 ఎమ్మెల్సీ స్థానాలకు...ఆంధ్రప్రదేశ్ లో మూడు ఎమ్మెల్సీ
స్థానాలకు నోటిఫికేషన్ జారీ అయ్యింది.
నేటి (Nov 9) నుంచి ఈనెల 16వ తేదీ వరకు నామినేషన్లు
స్వీకరిస్తామని వెల్లడించింది. 17వ తేదీన పరిశీలన చేస్తామని
స్పష్టం చేసింది. నామినేషన్ల ఉపసంహరణకు ఈ నెల 22వ తేదీ వరకు
గడువు ఉన్నట్లు ఈసీ పేర్కొంది.
ఈ నెల 29న
ఉదయం 9 నుంచి సాయంత్రం 5 గంటల వరకు
ఎన్నికలు నిర్వహించనున్నారు. అదే రోజు యంత్రం 5 గంటల నుంచి
ఓట్ల లెక్కింపు చేస్తామని ఎన్నికల కమిషన్ అధికారులు తెలిపారు.
==================================
తెలుగు రాష్ట్రాల్లో ఎమ్మెల్యే కోటా ఎమ్మెల్సీ ఎన్నికల షెడ్యూల్‌ విడుదలైంది. తెలంగాణలో 6, ఏపీలో 3 ఎమ్మెల్సీ స్థానాలకు ఎన్నికలు జరగనున్నాయి. నవంబరు 9న నోటిఫికేషన్, 29న పోలింగ్‌.. అదే రోజు లెక్కింపు జరగనుంది. ఈ మేరకు భారత ఎన్నికల సంఘం షెడ్యూల్‌ విడుదల చేసింది. ఏపీలో ఈ ఏడాది మే 31న మూడు, తెలంగాణలో జూన్‌ 3వ తేదీన ఆరు ఎమ్మెల్సీ స్థానాలు ఖాళీ అయిన విషయం తెలిసిందే. కరోనా విజృంభణ నేపథ్యంలో ఆ సమయంలో ఎన్నికల నిర్వహణను ఈసీ వాయిదా వేసింది.
ఎమ్మెల్సీలుగా ఏపీలో చిన గోవిందరెడ్డి, మహ్మద్‌ షరీఫ్‌, సోము వీర్రాజు.. తెలంగాణలో ఆకుల లలిత, మహ్మద్‌ ఫరూద్దీన్‌, గుత్తా సుఖేందర్‌రెడ్డి, నేతి విద్యాసాగర్‌, వెంకటేశ్వర్లు, కడియం శ్రీహరిల పదవీకాలం ముగియడంతో ఆ ఖాళీలను భర్తీ చేసేందుకు ఈసీ షెడ్యూల్‌ విడుదల చేసింది.
ఎన్నికల ప్రక్రియ
నోటిఫికేషన్ : నవంబరు 9
నామినేషన్ల దాఖలుకు తుది గడువు-
నవంబరు 16
నామినేషన్ల పరిశీలన- నవంబరు 17
నామినేషన్ల ఉప సంహరణకు చివరి తేదీ-
నవంబరు 22
పోలింగ్‌- నవంబరు 29
ఓట్ల లెక్కింపు- నవంబరు 29
0 Komentar