బాలల దినోత్సవం - నవంబర్ 14 - చిన్నారులకు 14 సూత్రాలు

 

బాలల దినోత్సవం - నవంబర్ 14 -  చిన్నారులకు 14 సూత్రాలు

💁‍️ 1. క్రమశిక్షణ వీడరాదు:

అల్లరికి హద్దులు ఉండాలి. టీవీ, చరవాణి, వీడియో గేమ్స్‌ కాలక్షేపం కావాలి కాని, వ్యసనం కారాదు.

💁️ 2. ఆరోగ్యం - మహాభాగ్యం:

చిన్నారులు పిజ్జాలు, బర్గర్లు కాకుండా.. పోషకాహారం తినేలా తల్లిదండ్రులు అలవాటు చేయాలి.

💁️ 3. చదువు వ్యసనం అవ్వాలి:

కథలు, ఇతర పుస్తకాలు చదివితే ఆసక్తి పెరుగుతుంది. స్కిట్స్‌, రోల్‌ ప్లే పద్ధతిలో బోధించాలి.

💁️ 4. ప్రయోగం - ప్రయోజనం:

ప్రయోగాత్మక విద్యతోనే ప్రయోజనం చేకూరుతుంది. సైన్సు విజ్ఞాన యాత్రల్లో భాగస్వామ్యం చేయాలి.

💁️ 5. బట్టీకి స్వస్తి:

బట్టీ విధానానికి స్వస్తిపలకాలి. కొత్త అంశాలు నేర్చుకొనేలా ప్రోత్సహించాలి.

💁️ 6. విషయం ఉండాల్సిందే..:

విషయ పరిజ్ఞానమే ఓ విజ్ఞాన భాండాగారం అని మరవొద్ధు సమకాలీన అంశాలపై అవగాహన పెంచాలి.

💁️ 7. పాఠ్యపుస్తకం - ప్రామాణికం:

పాఠ్యపుస్తకంలో ఉన్న అంశాలపై పట్టు సాధించాలి. ఇవే అంశాలు పోటీ పరీక్షలకు ఉపయోగపడతాయనే విషయాన్ని తల్లిదండ్రులు, ఉపాధ్యాయులు వివరించాలి.

💁️ 8. గురుదేవోభవ:

పిల్లలు ఎక్కువ సమయం పాఠశాలలోనే గడుపుతారు. తల్లిదండ్రుల తర్వాత గురువు స్థానం ఏమిటో వారికి తెలపాలి.

💁 9. స్నేహాలు - జాగ్రత్తలు:

నైపుణ్యం ఉన్న మిత్రులతో తిరిగేలా ప్రోత్సహించాలి. స్నేహితులను బట్టే పిల్లల ఆలోచనా విధానాలు ఉంటాయి.

💁️ 10. ఆడాలి - గెలవాలి:

ఆటలు మనో ధైర్యం కోల్పోకుండా చేస్తాయి. బృంద నైపుణ్యాలు పెరుగుతాయి.

💁️ 11. నైపుణ్యమే నడిపిస్తుంది:

చదువుతో పాటు పోటీ ప్రపంచంలో అదనపు నైపుణ్యం తప్పనిసరి. కళలపై ఆసక్తి తెలుసుకుని ప్రోత్సహించాలి.

💁️ 12. నడిపించే నాయకుడు:

పాఠశాల స్థాయి నుంచే పిల్లలకు నాయకత్వ లక్షణాలు పెరుగుతాయి. పాఠశాలల్లో జరిగే ప్రతి కార్యక్రమంలోనూ భాగస్వామ్యం కావాలి.

💁️ 13. కొత్తవాటిపై ఆసక్తి:

ఎప్పటికప్పుడు కొత్త నైపుణ్యం అందిపుచ్చుకోవాలి. పాఠ్యపుస్తకానికి, లోకజ్ఞానానికి తేడా గుర్తించాలి.

💁️ 14. లక్ష్యంపైనే గురి:

గురువు ఉంటే సరిపోదు గురి ఉండాలి. లక్ష్యసాధన, బరిలోకి దిగడం, గురిచూసి కొట్టడం బాల్యంలోనే నేర్పించాలి.

*జవహర్ లాల్ నెహ్రూ బయోగ్రఫీ - టీచర్స్/పిల్లల స్పీచ్ లు*

*Children's Day Photo Frames and Video Maker APPs*

*Childrens Day Special Songs*