Salaries of doctors and health personnel should be paid in a timely manner..

వైద్యులు, ఆరోగ్య సిబ్బందికి జీతాలు సకాలంలో చెల్లించాలి..

దేశంలో కరోనా వైరస్ వ్యాప్తిని నియంత్రించేందుకు ప్రాణాలను సైతం లెక్కచేయకుండా రాత్రింబవళ్ళు విధులు నిర్వహిస్తున్న వైద్యులు, ఆరోగ్య సిబ్బందికి జీతాలు సకాలంలో చెల్లించాలని కేంద్ర ఆరోగ్యశాఖ స్పష్టం చేసింది.

ఈ మేరకు కేంద్ర ఆరోగ్యశాఖ కార్యదర్శి ప్రీతీ సూడాన్ అన్ని రాష్ట్రాలు,కేంద్రపాలిత ప్రాంతాల ప్రధాన కార్యదర్శులకు లేఖ రాశారు. కరోనా వారియర్స్‌కు జీతాలు సమయానికి చెల్లించాలని సూచించారు. ఒకవేళ వైద్యులు, ఇతర ఆరోగ్య సిబ్బందికి జీతాలు సకాలంలో చెల్లించకపోతే విపత్తు నిర్వహణ చట్టం కింద ప్రైవేట్ ఆసుపత్రులు, సంస్థలపై కఠినమైన చర్యలు తీసుకోవాలని కేంద్ర ఆరోగ్యశాఖ కార్యదర్శి లేఖలో పేర్కొన్నారు.