Key changes in the intermediate education of AP

ఆంధ్రప్రదేశ్ ఇంటర్మీడియట్ విద్యలో రానున్న కీలక మార్పులు..

వచ్చే విద్యా సంవత్సరం నుంచి ఇంటర్‌ విద్యలో సీబీఎస్‌ఈ తరహాలో అనేక సంస్కరణలను ఇంటర్‌ విద్యామండలి తీసుకొస్తోంది. అవి..

>ప్రశ్నల సంఖ్యను పెంచి, మార్కులను తగ్గిస్తారు. పుస్తకంలోని అన్ని అధ్యాయాల నుంచి ప్రశ్నలు వస్తాయి.

>విద్యార్థులు అన్ని అంశాలూ నేర్చుకోవడం వల్ల ఎంసెట్‌, జేఈఈ, నీట్‌లకు కోచింగ్‌ తీసుకోవాల్సిన అవసరం ఉండదు.

>ఒక్కో సెక్షన్‌కు 40మందికే పరిమితం, అలాగే ఒక్కో కళాశాలకు అన్ని గ్రూపులూ కలిపి గరిష్ఠంగా 9 సెక్షన్లకే అనుమతి.

>ప్రైవేటు, కార్పొరేట్‌ కళాశాలల రుసుములను కమిషన్‌ నిర్ణయించి ఆన్‌లైన్‌లో విద్యార్థులకు అందుబాటులో ఉంచుతారు.

>ఇంటర్‌ ప్రవేశాలు, ధ్రువపత్రాల పరిశీలన అంతా ఆన్‌లైన్‌లోనే. అలాగే సీట్ల కేటాయింపులో రిజర్వేషన్‌ అమలవుతుంది.

> పనివేళలు ఉదయం 8.30 నుంచి సాయంత్రం 3.30 వరకు తరగతులు, మరో గంటపాటు క్రీడలు, ఇతర కార్యక్రమాల నిర్వహణకు నిర్ణయం.

>వారంలో ఒకటి, రెండు రోజులు చర్చా వేదికలు, సెమినార్లు.

>ఎంసెట్‌, జేఈఈ, నీట్‌, ఇతరత్రా శిక్షణలకు కళాశాలలు ప్రత్యేక అనుమతి తీసుకోవాలి. ఈ శిక్షణ రుసుములను పాఠశాల విద్య నియంత్రణ, పర్యవేక్షణ కమిషన్‌ నిర్ణయిస్తుంది.

>ఎప్పటికప్పుడు తనిఖీలు నిర్వహించి నివేదికల వివరాలను వెబ్‌సైట్‌లో తల్లిదండ్రులకు అందుబాటులో ఉంచుతారు.

>ప్రభుత్వ జూనియర్‌ కళాశాలల్లో 20 మంది విద్యార్థుల కంటే తక్కువగా ఉన్న గ్రూపులను మూసేస్తారు.

>విద్యా సంవత్సరం ఆలస్యంగా ప్రారంభమైనా ఇబ్బంది లేకుండా ఉండేందుకు వీడియా పాఠాలను రూపొందిచి వెబ్‌సైట్‌లో ఉంచుతారు.