Training for engineering students on
modern technology – APSSDC with ExcelR
ఏపీ: ఆధునిక
సాంకేతికతపై ఇంజినీరింగ్‌ విద్యార్థులకు శిక్షణ
ఇంజనీరింగ్ పూర్తిచేసిన వారికి, ఇంజనీరింగ్ చదువుతున్న విద్యార్థులతో పాటు అధ్యాపకులకు కూడా ఛాన్స్.
ఆంధ్రప్రదేశ్ రాష్ట్ర నైపుణ్యాభివృద్ధి సంస్థ (ఏపీఎస్‌ఎస్‌డీసీ) ఆధ్వర్యంలో ఇంజనీరింగ్ పూర్తిచేసిన, ఫైనల్ ఇయర్ చదువుతున్న విద్యార్థులకు మార్కెట్లో డిమాండ్ ఉన్న కోర్సుల్లో నైపుణ్య శిక్షణ ఇచ్చి ఉద్యోగ అవకాశాలు కల్పించేందుకు ప్రముఖ శిక్షణా సంస్థ ఎక్స్ఎల్ఆర్ ముందుకు వచ్చింది. ఈమేరకు ఏపీఎస్‌ఎస్‌డీసీ ఎండీ, సీఈవో డాక్టర్ అర్జా శ్రీకాంత్ సమక్షంలో ఎపిఎస్‌ఎస్‌డీసీ సీజీఎం టెక్నికల్ డాక్టర్ గుజ్జుల రవి, ఎక్స్ఎల్ఆర్ సంస్థ సీఈవో రామ్ అవగాహన ఒప్పందం చేసుకున్నారు.
ఈ ఒప్పందం ప్రకారం ఎక్స్ఎల్ఆర్ (ExcelR) సంస్థ డేటా అనాలసిస్, క్లౌడ్ కంప్యూటింగ్, ఆర్టిఫిషియల్ ఇంటలిజెన్స్, బిగ్ డేటా లాంటి ఎమర్జింగ్ టెక్నాలజీల్లో ఇంజనీరింగ్ పూర్తిచేసిన వారికి, ఇంజనీరింగ్ చదువుతున్న విద్యార్థులతో పాటు అధ్యాపకులకు కూడా శిక్షణ ఇవ్వనున్నారు. రాబోయే రోజుల్లో మార్కెట్లో డిమాండ్ ఉన్న మరిన్ని కోర్సుల్లో ఇంజనీరింగ్ విద్యార్థులకు శిక్షణ ఇచ్చేందుకు ఇలాంటి సంస్థలతో కలిసి పనిచేయడం సంతోషంగా ఉందని ఏపీఎస్‌ఎస్‌డీసీ ఎండీ, సీఈవో డాక్టర్ అర్జా శ్రీకాంత్, ఎగ్జిక్యూటివ్ డైరెక్టర్ డాక్టర్ డీ.వీ. రామకోటిరెడ్డి అన్నారు. రాష్ట్రంలోని ఇంజనీరింగ్ కాలేజీల విద్యార్థులకు, అధ్యాపకులకు శిక్షణ ఇచ్చే అవకాశం ఎపిఎస్‌ఎస్‌డీసీతో భాగస్వామ్యం కావడం సంతోషంగా ఉందని ఎక్స్ఎల్ఆర్ సంస్థ సీఈవో రామ్ అన్నారు.
ఇప్పటికే ఏపీఎస్‌ఎస్‌డీసీ -
ఎక్స్ఎల్ఆర్ సంస్థ ఆధ్వర్యంలో రాష్ట్ర వ్యాప్తంగా ఇంజనీరింగ్ కాలేజీల్లోని 2500 మంది అధ్యాపకులకు డేటా సైన్స్ పై నెలరోజుల పాటు నైపుణ్య శిక్షణ
ఇచ్చామని.. అలాగేఇంజనీరింగ్ పూర్తిచేసిన వారికి, ఇంజనీరింగ్
(ECE, CSE / IT) & ఎంటెక్ (ECEస,CSE/IT)ఫైనలియర్ చదువుతున్న 3,272 మంది విద్యార్థులకు 40రోజల పాటు డేటా అనలిటిక్స్‌పై ఆన్ లైన్ ద్వారా శిక్షణ ఇచ్చారు.
0 Komentar