Get Rs 5 lakh, Post office scheme with daily Rs 100!
రోజుకు రూ.100తో ఈ పోస్టాఫీస్ స్కీమ్ ద్వారా రూ.5 లక్షలు పొందండి!
మీరు పోస్టాఫీస్ స్కీమ్‌లో డబ్బులు
డిపాజిట్ చేయాలని యోచిస్తున్నారా? అయితే మీకోసం రికరింగ్ డిపాజిట్
స్కీమ్ అందుబాటులో ఉంది. ఇందులో ఒకేసారి కాకుండా ప్రతి నెలా చిన్న మొత్తంలోనే
డబ్బులు ఇన్వెస్ట్ చేయొచ్చు.
ప్రతి నెలా డబ్బులు డిపాజిట్
చేసుకోవచ్చు
రోజుకు రూ.100 ఆదా చేసినా చాలు
తక్కువ మొత్తంతోనే అదిరిపోయే రాబడి
పొందాలని భావిస్తున్నారా? అయితే మీకు ఒక ఆప్షన్ అందుబాటులో ఉంది.
ప్రతి రోజూ తక్కువ మొత్తంతోనే రూ.లక్షలు పొందొచ్చు. అలాగే మీ డబ్బుకు ఎలాంటి
రిస్క్ ఉండదు. కచ్చితమైన రాబడి వస్తుంది. దీని కోసం మీరు పోస్టాఫీస్‌లో ఒక అకౌంట్
ఓపెన్ చేయాల్సి ఉంది.
పోస్టాఫీస్‌కు వెళ్లి రికరింగ్
డిపాజిట్ అకౌంట్ తెరవాలి. ఈ స్కీమ్‌లో ప్రతి నెలా డబ్బులు డిపాజిట్ చేస్తూ
వెళ్లాలి. దీని కోసం మీరు ప్రతి రోజూ కొంత మొత్తాన్ని ఆదా చేసుకోవాలి. ఇలా ప్రతి
రోజు దాచిపెట్టిన డబ్బును నెలాఖరులో పోస్టాఫీస్ రికరింగ్ డిపాజిట్‌లో డిపాజిట్
చేయాలి. ఇలా మీరు దీర్ఘకాలంలో మంచి రాబడి పొందొచ్చు.
ఇకపోతే పోస్టాఫీస్ రికరింగ్
డిపాజిట్ స్కీమ్ మెచ్యూరిటీ కాలం ఐదేళ్లు. మీరు ఐదేళ్ల వరకు ప్రతి నెలా డబ్బులు
డిపాజిట్ చేసుకుంటూ వెళ్లాలి. మీరు పెట్టే డబ్బుకు 5.8 శాతం వడ్డీ
వస్తుంది. అయితే ఇక్కడ మీరు ఒక విషయం గుర్తు పెట్టుకోవాలి. కేంద్ర ప్రభుత్వం ప్రతి
మూడు నెలలకు ఒకసారి వడ్డీ రేట్లను సమీక్షిస్తూ వస్తుంది.
మీరు అవసరం అనుకుంటే పోస్టాఫీస్
ఆర్‌డీ అకౌంట్ మెచ్యూరిటీ కాలాన్ని మరో ఐదేళ్లు పొడిగించుకోవచ్చు. ఈ స్కీమ్‌లో రూ.100 నుంచి డబ్బులు ఇన్వెస్ట్ చేయొచ్చు. ఇప్పుడు మీరు రోజుకు రూ.100 ఆదా చేసి నెల చివరిలో మొత్తం రూ.3,000 పోస్టాఫీస్
ఆర్‌డీ అకౌంట్‌లో డిపాజిట్ చేశారు. ఇలా మీరు పదేళ్ల వరకు ప్రతి నెలా రూ.3 వేలు డిపాజిట్ చేస్తూ వచ్చారు. ఇప్పుడు మీకు మెచ్యూరిటీ సమయంలో రూ.5 లక్షలు వస్తాయి.
0 Komentar