Warning: No part of this site may be reproduced, stored in a retrieval system or transmitted in any form without the prior permission of the website owner is strictly prohibited

SYKES expands operations in India, to hire 450 Employees in Hyderabad

 


SYKES expands operations in India, to hire 450 Employees in Hyderabad

సైక్స్‌- హైదరాబాద్‌ 450 ఉద్యోగాల భర్తీకి ప్రణాళిక

సైక్స్‌ ఇండియా హైదరాబాద్‌లో తన మూడో కేంద్రాన్ని (సెంటర్‌ ఆఫ్‌ ఎక్సలెన్స్‌) ప్రారంభించింది. 

నిరుద్యోగులకు సైక్స్‌ ఇండియా శుభవార్త చెప్పింది. డిజిటల్‌ మార్కెటింగ్‌, కస్టమర్‌ సర్వీస్‌ అవుట్‌ సోర్సింగ్‌ సేవల సంస్థ సైక్స్‌ ఇండియా హైదరాబాద్‌లో తన మూడో కేంద్రాన్ని (సెంటర్‌ ఆఫ్‌ ఎక్సలెన్స్‌) ప్రారంభించింది. ఉప్పల్‌లో ఈ కేంద్రాన్ని ఏర్పాటు చేసింది. ఈ కేంద్రం ఏర్పాటుతో ఇక్కడ ఈ సంవత్సరాంతం నాటికి 450 ఉద్యోగాలు కల్పించే అవకాశం ఉందని సైక్స్‌ ఇండియా వెల్లడించింది. 

ఇప్పటికే ఉన్న రెండు కేంద్రాలకు అదనంగా ఈ 3వ కేంద్రం కూడా కలిసి తమకు హైదరాబాద్‌లో 1 లక్ష చదరపు అడుగుల ఆఫీసు స్థలం, 1,500 మంది ఉద్యోగులు ఉన్నట్లు పేర్కొంది. తద్వారా బ్యాంకింగ్‌, కమ్యూనికేషన్లు, టెలికాం, రిటైల్‌ వ్యాపార రంగాలకు చెందిన కస్టమర్లకు మెరుగైన సేవలు అందించే అవకాశం కలుగుతోందని వివరించింది. హైదరాబాద్‌ తమకు ఎంతో కీలకమైన కేంద్రంగా మారినట్లు సైక్స్‌ ఇండియా కంట్రీ హెడ్‌ దిషాంత్‌ భోజ్వాని వివరించారు. 

ప్రపంచవ్యాప్తంగా దాదాపు 2 వేల సంస్థలు సైక్స్‌ ఇండియా క్లయింట్‌లుగా ఉన్నట్లు సమాచారం. అలాగే రాబోయే కాలంలో భారత్‌లో తమ సేవలు మరింత విస్తరించే విధంగా ప్రణాళికలు రూపొందిస్తోంది.

Previous
Next Post »
0 Komentar