Warning: No part of this site may be reproduced, stored in a retrieval system or transmitted in any form without the prior permission of the website owner is strictly prohibited

Joe Biden Wins US Presidential Election 2020 With Above 284 Electoral Votes on Donald Trump

 


Joe Biden Wins US Presidential Election 2020 With Above 284 Electoral Votes on Donald Trump

అమెరికా అధ్యక్ష ఎన్నికల్లో జో బైడెన్ విజయం.. ఇక కొత్త చరిత్ర

US New President: అమెరికా అధ్యక్ష ఎన్నికల్లో జో బైడెన్ విజయం సాధించారు. అగ్రరాజ్యానికి 46వ అధ్యక్షుడిగా బాధ్యతలు చేపట్టనున్నారు. ఉపాధ్యక్షురాలిగా భారత సంతతికి చెందిన కమలా హారిస్ ఎన్నికయ్యారు. 

తీవ్ర ఉత్కంఠ రేపిన అమెరికా ఎన్నికల తుది ఫలితం తేలింది. డెమొక్రాటిక్ అభ్యర్థి జో బైడెన్ అగ్రరాజ్యానికి కొత్త అధ్యక్షుడిగా ఎన్నికయ్యారు. కీలక రాష్ట్రం పెన్సిల్వేనియాలో గెలుపుతో అధ్యక్ష పీఠం ఖాయం చేసుకున్నారు. 20 ఎలక్టోరల్ ఓట్లున్న పెన్సిల్వేనియాను జో బైడెన్‌ కైవసం చేసుకోవడంతో ఆయనకు 284 ఎలక్టోరల్ ఓట్లు దక్కాయి. నెవడాలోనూ విజయ బావుటా ఎగరవేయడంతో ఆయకు మొత్తం 290 ఎలక్టోరల్ ఓట్లు దక్కాయి. అధ్యక్ష పీఠం అధిష్టించడానికి 270 ఎలక్టోరల్ ఓట్లు కావాల్సి ఉండగా.. బైడెన్ అంతకంటే 20 ఓట్లు ఎక్కువే సాధించారు. మరో రెండు రాష్ట్రాల్లో ఫలితాలు రావాల్సి ఉంది. దీంతో ఆయనకు మరిన్ని ఎలక్టోరల్ ఓట్లు దక్కనున్నాయి. స్పష్టమైన మెజార్టీతో జో బైడెన్.. అమెరికాకు 46వ అధ్యక్షుడిగా బాధ్యతలు చేపట్టనున్నారు. దీంతో డెమొక్రాటిక్ పార్టీ (Democratic Party) మద్దతుదారులు సంబరాలు చేసుకుంటున్నారు.

అమెరికా ఎన్నికల్లో జో బైడెన్ సరికొత్త రికార్డు సాధించారు. యూఎస్ ఎన్నికల చరిత్రలోనే అత్యధిక ఓట్లు సాధించిన నేతగా ఆవిర్భవించారు. గతంలో ఈ రికార్డు బరాక్ ఒబామా పేరు మీద ఉండగా.. బైడెన్ అంతకంటే ఎక్కువ ఓట్లు సాధించారు. వందేళ్ల అమెరికా ఎన్నికల చరిత్ర తిరగరాశారు. 

అమెరికా రాజకీయాల్లో కురువృద్ధుడు..

అమెరికా రాజకీయాల్లో బైడెన్‌కు కురువృద్ధుడిగా పేరుంది. 42 ఏళ్ల కిందటే ఆయన సెనెటర్‌గా విజయం సాధించారు. సుమారు 5 దశాబ్దాలుగా రాజకీయాల్లో ఉన్నారు. వివిధ హోదాల్లో పనిచేశారు. గతంలో రెండుసార్లు అధ్యక్ష ఎన్నికలకు పోటీ చేశారు. 2008లో కొన్ని ఆరోపణలు రావడంతో చివరి నిమిషంలో స్వచ్ఛందంగా పోటీ నుంచి తప్పుకున్నారు. అమెరికన్ల హృదయాలను గెలుచుకున్నారు. 

గతంలో అమెరికాకు ఉపాధ్యక్షుడిగా పనిచేసిన Joe Biden .. ఇప్పుడు సరికొత్త బాధ్యతల్లో కొలువుదీరనున్నారు. అగ్రరాజ్యానికి 46వ అధ్యక్షుడిగా (US 46th President) బాధ్యతలు చేపట్టనున్నారు. బరాక్ ఒబామా హయాంలో బైడెన్.. అమెరికా ఉపాధ్యక్షుడిగా పనిచేశారు. ప్రస్తుత ఎన్నికల్లో బైడెన్‌తో పాటు విజయం సాధించిన భారత సంతతి మహిళ కమలా హారిస్ ఉపాధ్యక్షురాలిగా బాధ్యతలు చేపట్టనుండటం విశేషం. ఇది భారతీయులకు గర్వకారణమైన విషయం. 

హోరాహోరీ పోరు.. ఆద్యంతం ఉత్కంఠగా కౌంటింగ్

జార్జియాలో ఓట్ల లెక్కింపు ఆద్యంతం ఉత్కంఠగా సాగింది. ఆధిక్యం ఇరువురు నేతల మధ్య దోబూచులాడింది. బైడెన్, ట్రంప్ మద్దతుదారులు తమ నేతలకు అనుకూలంగా నినాదాలు చేస్తూ ఆందోళన బాట పట్టారు. దీంతో పలు ప్రాంతాల్లో ఉద్రిక్త పరిస్థితులు నెలకొన్నాయి. నెవడాలోనూ ఇదే విధమైన పరిస్థితి నెలకొంది. ఈ రాష్ట్రాల్లో ఓట్ల లెక్కింపుపై ఉత్కంఠ కొనసాగుతుండగా.. పెన్సిల్వేనియా (Pennsylvania) రాష్ట్రంలో ఫలితం అమెరికా తదుపరి అధ్యక్షుడు ఎవరో తేల్చింది. 

విల్లింగ్టన్ వేదికగా కీలక ప్రసంగం..

అమెరికా కొత్త అధ్యక్షుడిగా బాధ్యతలు చేపట్టనున్న జో బైడెన్‌‌కు ఇప్పటికే భద్రతను పెంచారు. అమెరికా సీక్రెట్ సర్వీస్ సంస్థ అధికారులను పంపించింది. విల్లింగ్టన్ కన్వెన్షన్‌ సెంటర్‌ వేదికగా జో బైడెన్‌ కీలక ప్రసంగం చేసే అవకాశం ఉంది. తనకు ఓట్లేసి గెలిపించిన అమెరికా ప్రజలకు ధన్యవాదాలు చెప్పనున్నారు. ఈ నేపథ్యంలో అక్కడ కట్టుదిట్టమైన భద్రతా ఏర్పాట్లు చేశారు.

Previous
Next Post »
0 Komentar