Warning: No part of this site may be reproduced, stored in a retrieval system or transmitted in any form without the prior permission of the website owner is strictly prohibited

Whatsapp OTP Scam - 6 Things to Know About It

 

Whatsapp OTP Scam - 6 Things to Know About It

కొత్త వాట్సాప్ ఓటీపీ స్కామ్ వెలుగులోకి.. ఈ జాగ్రత్తలు పాటించకపోతే అకౌంట్ పోయినట్లే!

Whatsapp OTP Scam: ప్రపంచంలో నంబర్ వన్ మెసేజింగ్ యాప్ వాట్సాప్‌కు సంబంధించిన కొత్త స్కామ్ వెలుగులోకి వచ్చింది. 

ప్రస్తుతం ప్రపంచంలో అత్యంత ప్రజాదరణ కలిగిన మెసేజింగ్ యాప్ వాట్సాపే. దీంతో ఇప్పుడు వాట్సాప్‌లో కూడా కొత్త కొత్త మోసాలు వెలుగులోకి వస్తున్నాయి. నకిలీ మెసేజ్‌ల ద్వారా వినియోగదారులను ఆకర్షించి డబ్బులు కాజేసే కొత్త స్కామ్ ఇప్పుడు వెలుగులోకి వచ్చింది. అదే ఓటీపీ స్కామ్. దీని గురించి మీరు తెలుసుకోవాల్సిన విషయాలు ఇవే.. 

1. మీ ఫ్రెండ్ నుంచే మెసేజ్ వస్తుంది

ఈ స్కామ్‌లో మోసగాళ్లు తాము మీ స్నేహితులం అని, తమకు కాస్త డబ్బు అవసరం ఉందని మిమ్మల్ని నమ్మించే ప్రయత్నం చేస్తారు. కొన్ని సార్లు మీ స్నేహితుల్లో ఎవరో ఒకరి వాట్సాప్‌ను హ్యాక్ చేసి వారి ఖాతా నుంచే మెసేజ్ పెట్టే అవకాశం కూడా ఉంది. 

2. మాటల్లో పెట్టి ఓటీపీ అడుగుతారు

మీ స్నేహితుడిగా మాట్లాడి మీకు నమ్మకం కుదిరాక ఒక ఓటీపీ కావాలని మిమ్మల్ని వాట్సాప్‌లోనే అడుగుతారు. తమకు ఇప్పుడు డబ్బులు అవసరం అని నమ్మబలుకుతారు. 

3. ఈ స్కాం మొత్తం ఓటీపీ గురించే!

ఇందులో స్కామర్ మీకు పొరపాటున ఒక ఓటీపీ పంపానని, దాన్ని తనకు తిరిగి ఫార్వర్డ్ చేయాలని కోరతారు. నిజానికి.. ఈ స్కామర్‌కు కావాల్సింది మీ వాట్సాప్ ఖాతాకు యాక్సెస్. మీకు వచ్చే ఓటీపీ మీ వాట్సాప్ ఖాతాను వెరిఫై చేయడానికి ఉపయోగపడుతుంది. ఆ స్కామర్ మీకు నకిలీ మెసేజ్‌లు పంపి మీ వద్ద నుంచి ఓటీపీ కావాలని కోరుకుంటారు. 

4. ఓటీపీ షేర్ చేస్తే మీ వాట్సాప్ ఖాతా పోయినట్లే..

మీరు ఆ ఓటీపీ షేర్ చేస్తే మీ వాట్సాప్ ఖాతాను మీ అంతట మీరే వేరే వాళ్ల చేతిలో పెట్టినట్లు అవుతుంది. వెంటనే మీ వాట్సాప్ అకౌంట్ యాక్సెస్ మీకు లాక్ అయి.. వారికి వెళ్తుంది. 

5. మీ ఫ్రెండ్స్‌కు మెసేజ్‌లు వెళ్తాయి

మీ వాట్సాప్ ఖాతా హ్యాక్ అయ్యాక.. మీ స్నేహితులకు మీ లాగా వారు మెసేజ్‌లు పెడతారు. 

6. ఓటీపీలు చెప్పకండి

ఇటువంటి స్కామ్‌లకు దూరంగా ఉండాలంటే మీ వాట్సాప్ ఖాతాకు సంబంధించిన ఓటీపీలను ఎవరికీ చెప్పకండి. అలాగే 2-ఫ్యాక్టర్ ఆథెంటికేషన్‌ను ఎనేబుల్ చేసుకోండి.

Previous
Next Post »
0 Komentar

Google Tags