Punjab National Bank Will Be Restricting
Transactions from Non EMV ATM Machines From 1 February 2021
ఫిబ్రవరి 1 నుంచి కొత్త రూల్స్.. ఆ ఏటీఎంలలో ఇక డబ్బులు తీసుకోలేం!
మీకు పంజాబ్ నేషనల్ బ్యాంక్‌లో అకౌంట్ ఉందా. అయితే మీకు ఒక విషయం కచ్చితంగా తెలుసుకోవాలి. ఈ బ్యాంక్ ఫిబ్రవరి 1 నుంచి కొత్త రూల్స్ తీసుకువస్తోంది. దీంతో ఏటీఎం ట్రాన్సాక్షన్ల నిబంధనలు మారుతున్నాయి.
దేశీ రెండో అతిపెద్ద ప్రభుత్వ రంగ బ్యాంక్ పంజాబ్ నేషనల్ బ్యాంక్ PNB కీలక నిర్ణయం తీసుకుంది. ఏటీఎం మోసాలు పెరిగిపోతున్న నేపథ్యంలో బ్యాంక్ కస్టమర్లకు ఊరట కలిగించే నిర్ణయాన్ని వెల్లడించింది. ఫిబ్రవరి 1 నుంచి కొత్త రూల్ తీసుకువస్తున్నట్లు ప్రకటించింది.
పంజాబ్ నేషనల్ బ్యాంక్‌లో అకౌంట్ కలిగిన వారు నాన్ ఈఎంవీ ఏటీఎం మెషీన్లలో నుంచి డబ్బులు తీసుకోవడం వీలు కాదు. పీఎన్‌బీ ట్వి్ట్టర్ వేదికగా ఈ విషయాన్ని వెల్లడించింది. నాన్ ఈఎంవీ ఏటీఎం మెషీన్ల ద్వారా ఫైనాన్షియల్, నాన్ ఫైనాన్షియల్ ట్రాన్సాక్షన్లు నిలిపివేస్తున్నట్లు పంజాబ్ నేషనల్ బ్యాంక్ ట్వీట్ చేసింది.
ఏటీఎం మోసాలు పెరిగిపోతున్న నేపథ్యంలో ఈ నిర్ణయం తీసుకున్నట్లు పంజాబ్ నేషనల్ బ్యాంక్ తెలిపింది. దీని వల్ల కస్టమర్ల డబ్బు సురక్షితంగా ఉంటుందని పేర్కొంది. ఫిబ్రవరి 1 నుంచి పీఎన్‌బీ కస్టమర్లు నాన్ ఈఎంవీ ఏటీఎం మెషీన్ల నుంచి డబ్బులు తీసుకోలేరు.
మీరు ఏటీఎం సెంటర్‌కు వెళ్లి మీ కార్డును
ఏటీఎం మెషీన్‌లో పెడితే.. మీ కార్డు ఏటీఎంలో లేకుండా వెంటనే వెనక్కి తీసుకోగలిగితే
ఆ ఏటీఎంలను నాన్ ఈఎంవీ ఏటీఎంలు అని పిలుస్తారు. అంటే ఏటీఎం మెషీన్ మ్యాగ్నటిక్
స్ట్రిప్ ద్వారా మీ డేటాను తీసుకుంటుంది. ఇలా కాకుండా మీ కార్డు ఏటీఎం మెషీన్‌లోనే
కొంత సేపు ఉంటే అది ఈఎంవీ ఏటీఎం. ఇందులో ఏటీఎం మెషీన్ కార్డుపై ఉన్న చిప్ నుంచి
డేటాను తీసుకుంటుంది.
0 Komentar