AP Covid-19 Media Bulletin 13-04-2021
ఏపీలో 4228 కొత్త కరోనా కేసులు
ఆంధ్రప్రదేశ్‌లో కరోనా మహమ్మారి ఉద్థృతి కొనసాగుతోంది. వైరస్‌ బారినపడుతున్న బాధితుల సంఖ్య క్రమంగా పెరుగుతోంది. గడిచిన 24 గంటల్లో రాష్ట్ర వ్యాప్తంగా 35,582 పరీక్షలు నిర్వహించగా, 4,228 కేసులు నిర్ధారణ అయ్యాయి. తాజా కేసులతో కలిపి ఇప్పటివరకు రాష్ట్రంలో 9,32,892 మంది వైరస్‌ బారినపడినట్లు రాష్ట్ర వైద్యారోగ్య శాఖ వెల్లడించింది. గడిచిన 24 గంటల వ్యవధిలో కొవిడ్‌ వల్ల చిత్తూరులో నలుగురు, నెల్లూరులో ఇద్దరు, గుంటూరు, కృష్ణా, కర్నూలు, విశాఖ జిల్లాల్లో ఒక్కొక్కరు చొప్పున ప్రాణాలు కోల్పోయారు. దీంతో రాష్ట్ర వ్యాప్తంగా మృతుల సంఖ్య 7,321కి చేరింది.
24 గంటల వ్యవధిలో 1,483 మంది
బాధితులు కోలుకోవడంతో రాష్ట్ర వ్యాప్తంగా కోలుకున్న వారి సంఖ్య 8,99,721కి
చేరినట్లు వైద్యారోగ్య శాఖ తెలిపింది. ప్రస్తుతం రాష్ట్రంలో 25,850 యాక్టివ్‌
కేసులున్నాయి. రాష్ట్రవ్యాప్తంగా ఇప్పటివరకు 1,54,98,728 నమూనాలను ఆరోగ్య శాఖ
పరీక్షించింది. అత్యధికంగా చిత్తూరులో 842, అత్యల్పంగా పశ్చిమ
గోదావరి జిల్లాలో 48 కేసులు నమోదయ్యాయి.
0 Komentar