Ola Electric Launches S1 X+ 5.2 kWh
Scooter With 320 km Range – Details Here
ఓలా ఎలక్ట్రిక్
కొత్త వెర్షన్ - సింగిల్ ఛార్జింగ్ తో 320 కిలోమీటర్లు – ధర & ఫీచర్ల వివరాలు ఇవే
===================
ఓలా
ఎలక్ట్రిక్ కొత్త స్కూటర్ ను మార్కెట్ లోకి లాంచ్ చేసింది. సొంతంగా అభివృద్ధి
చేసిన 4680 భారత్ సెల్ తో తయారు చేసిన ఎస్1 ఎక్స్+ 5.2 kWh వేరియంట్ ను (Ola s1 x+) సోమవారం విడుదల చేసింది. దీని ధరను రూ. 1,29,999గా నిర్ణయించింది. ఇన్ హౌస్ లో రూపుదిద్దుకున్న సెల్
టెక్నాలజీ సాయంతో తయారు చేసిన స్కూటర్ కావడంతో అందుబాటు ధరలో తేవడం సాధ్యమైందని
ఓలా ఎలక్ట్రిక్ ఓ ప్రకటనలో పేర్కొంది.
ఏప్రిల్ 15 వరకు ప్రారంభ ధర కింద రూ.1.29 లక్షలకు విక్రయించనున్నట్లు ఓలా తెలిపింది. ఇందులో 11kW మిడ్ డ్రైవ్ మోటార్ ను అమర్చినట్లు వెల్లడించింది. సింగిల్
ఛార్జింగ్తో 320 కిలోమీటర్లు (IDC రేంజ్) ప్రయాణించొచ్చని పేర్కొంది. ఈ స్కూటర్ టాప్ స్పీడ్
గంటకు 125 కిలోమీటర్లు. బ్రేకింగ్ సామర్థ్యాన్ని మరింత మెరుగుపరుస్తూ
బ్రేక్ బై వైర్, ఫ్రంట్ డిస్క్ బ్రేక్ సదుపాయంతో
తీసుకొచ్చినట్లు ఓలా వెల్లడించింది.
Big launch! S1 X+ 5.2 kWh powered by our 4680 Bharat Cell. 320 km range for just ₹1,29,999 - offer ends 15th April!
— Bhavish Aggarwal (@bhash) April 13, 2026
Taking 4680 cells to the mass market and resetting range expectations for every Indian. While others push overpriced low-range scooters, only Ola can do this!… pic.twitter.com/EEwZObETBn
ఓలా
ఎలక్ట్రిక్ ఎస్1 ప్రో స్కూటర్లతో పాటు రోడ్లర్
విద్యుత్ మోటార్ సైకిళ్లను విక్రయిస్తోంది. ఎస్1 థర్డ్ జనరేషన్లో ఎస్1 ప్రో+ (5.2kWh, 4kWh), ఎస్ 1ప్రో (4 kWh, 3kWh) పేరుతో ప్రీమియం స్కూటర్లను విక్రయిస్తోంది. మాస్ మార్కెట్ ను
దృష్టిలో పెట్టుకుని ఎస్1 ఎక్స్+ (4kWh), ఎస్ 1 ఎక్స్ (2, 3, 4 kWh) విక్రయిస్తోంది. రోడ్లస్టర్ ఎక్స్+ను 4.5kWh, 9.1 kWh కాన్ఫిగరేషన్ తోనూ, రోడ్డర్
ఎక్స్ ను 2.5, 3.5, 4.5 kWh బ్యాటరీ
సామర్థ్యంతోనూ విక్రయిస్తోంది. ఎస్1 ఎక్స్+ 5.2 kWh ఈ శ్రేణిలో కొత్తగా చేరింది.
===================
0 Komentar