PMUY: Way to get a gas cylinder connection for free, 12 days remaining

PMUY: Way to get a gas cylinder connection for free, 12 days remaining

గ్యాస్ సిలిండర్ కనెక్షన్‌ను ఉచితంగా పొందడానికి సులభమైన మార్గం.. ఈ నెల 30 వరకే

కేంద్ర ప్రభుత్వం అందించే ఉచిత గ్యాస్ సిలిండర్‌ను పొందాలని భావిస్తున్నారా? అయితే మీకు పది రోజులు మాత్రమే గడువు ఉంది. సెప్టెంబర్ 30 వరకు ఈ ప్రయోజనం పొందేందుకు ఛాన్స్ ఉంటుంది. తర్వాత ఉండదు.

కోవిడ్ 19 దెబ్బకి దేశ ఆర్థిక వ్యవస్థపై తీవ్ర ప్రతికూల ప్రభావం పడింది. చాలా మంది ఉపాధి కోల్పోయారు. ఉద్యోగుల వేతనాల్లో కోతలు పడ్డాయి. ఇలాంటి ప్రతికూల పరిస్థితుల్లో కేంద్ర ప్రభుత్వం పేదలకు ఊరట కలిగే నిర్ణయం తీసుకుంది. ఉచితంగానే గ్యా్స్ సిలిండర్లు అందిస్తోంది.

ప్రధాన్ మంత్రి ఉజ్వల యోజన స్కీమ్‌ కింద కేంద్ర ప్రభుత్వం ఉచితంగా గ్యాస్ సిలిండర్లను ఆఫర్ చేస్తోంది. ఈ బెనిఫిట్ సెప్టెంబర్ 30తో ముగిసిపోనుంది. అంతేకాకుండా కేంద్ర ప్రభుత్వం అందిస్తున్న ఈ పథకంలో చేరడం కూడా సులభమే. ఈ స్కీమ్‌లో ఎలా చేరాలో ఇప్పుడు తెలుసుకుందాం.

ఉజ్వల స్కీమ్ కింద చేరాలంటే మహిళలు బీపీఎల్ కుటుంబానికి చెంది ఉండాలి. వీరికి మాత్రమే ఈ స్కీమ్ కింద కొత్త గ్యాస్ కనెక్షన్ తీసుకోవడం వీలవుతుంది. మీరు డైరెక్ట్‌గా pmujjwalayojana.com వెబ్‌సైట్‌కు వెళ్లి రిజిస్టర్ చేసుకోవచ్చు. మీరు ఈ వెబ్‌సైట్‌కు వెళ్లి ఫామ్‌ను డౌన్‌లోడ్ చేసుకోవాలి.

మీరు ఉజ్వల స్కీమ్ వెబ్‌సైట్‌కు వెళ్లిన తర్వాత కుడి వైపున పైన రిజిస్టర్ అనే ఆప్షన్ కనిపిస్తుంది. దీనిపై క్లిక్ చేయాలి. కొత్త పేజ్ ఓపెన్ అవుతుంది. ఇక్కడ మీ పేరు పేరు, ఫోన్ నెంబర్, మెయిల్ ఐడీ వంటి వివరాలు ఎంటర్ చేయాల్సి ఉంటుంది. అలాగే మొబైల్ నెంబర్‌కు ఓటీపీ కూడా వస్తుంది. దీన్ని కూడా ఎంటర్ చేయాలి. ఇలా రిజిస్టర్ చేసుకోవాలి.

లేదంటే వెబ్‌సైట్‌ కుడి వైపున పైభాగంలో మెనూ బటన్ కనిపిస్తుంది. దీనిపై క్లిక్ చేస్తే పలు ఆప్షన్లు కనిపిస్తాయి. ఇందులో డౌన్‌లోడ్ ఫామ్ అనే ఆప్షన్ కనిపిస్తుంది. దీనిపై క్తిక్ చేసి ఫామ్‌ డౌన్‌లోడ్ చేసుకొని దాన్ని ప్రింట్ తీసుకొని ఫిల్ చేసి దగ్గరిలో ఉన్న గ్యాస్ ఏజెంట్ సెంటర్‌కు వెళ్లి దాన్ని ఇతర దాక్యుమెంట్లతో కలిపి సమర్పించాలి. మీ డాక్యుమెంట్ల వెరిఫికేషన్ తర్వాత మీకు కొత్త కనెక్షన్ మంజూరు అవుతుంది.

ఇక్కడ మీరు అడ్రస్ ప్రూఫ్, జన్ ధన్ అకౌంట్ నెంబర్, ఆధార్ కార్డు వంటి డాక్యుమెంట్లు అందించాలి. వీటిని వెరిఫికేషన్ పూర్తయిన తర్వాత ఆయిల్ మార్కెటింగ్ కంపెనీలు మీకు కొత్త కనెక్షన్ జారీ చేస్తాయి. మీరు ఈఎంఐ ఆప్షన్ ఎంచుకుంటే.. ఆ డబ్బులను మీకు వచ్చే గ్యాస్ సబ్సిడీ డబ్బుల నుంచి కట్ చేసుకుంటారు. ఇప్పటి వరకు దేశవ్యాప్తంగా 8 కోట్ల కుటుంబాలకు ఉజ్వల స్కీమ్ కింద గ్యాస్ సిలిండర్లు లభిస్తున్నాయి.