Whatsapp Introduced Disappearing
Messages Texts Will Be Automatically Deleted In 7 Days
డిలీట్ చేయకుండా మెసేజ్‌లు మాయం
చేయవచ్చు.. అదిరిపోయే ఫీచర్ తీసుకొచ్చిన వాట్సాప్!
ప్రపంచ నంబర్ వన్ మెసేజింగ్ యాప్ వాట్సాప్ తన కొత్త ఫీచర్‌ను లాంచ్ చేసింది. అదే Disappearing Messages. దాని వివరాలు ఇవే.
వాట్సాప్ ఎప్పట్నుంచో ఊరిస్తున్న డిజప్పియరింగ్ మెసేజెస్ ఫీచర్‌ను లాంచ్ చేసింది. ఈ నెలలోనే ఇది అందుబాటులోకి కూడా రానుంది. దీనికి సంబంధించిన వివరాలు గతవారంలోనే వాట్సాప్ ఎఫ్ఏక్యూ పేజీలో కనిపించాయి. ఈ ఫీచర్‌ను మొదటగా స్నాప్ చాట్ అందించింది. గత నెలలో బీటా వెర్షన్ ద్వారా వాట్సాప్ దీన్ని మొదట పరిచయం చేసింది. ఏడు రోజుల తర్వాత మెసేజ్‌లు ఆటోమేటిక్‌గా డిలీట్ చేసే అవకాశాన్ని ఈ ఫీచర్ అందిస్తుంది.
ఈ ఫీచర్ ఒకేసారి ఆండ్రాయిడ్, ఐవోఎస్, కైవోఎస్ డివైస్‌లకు అందుబాటులోకి రానుంది. దీంతో పాటు వెబ్, డెస్క్ టాప్ ప్లాట్‌ఫాంలకి కూడా రానుంది. టెలిగ్రాం కంటే కొంచెం వేరుగా ఈ ఫీచర్ ఇందులో ఉండనుంది. టెలిగ్రాంలో మెసేజ్ ఎప్పుడు మాయం అవ్వాలో టైమింగ్ మనం ఎంచుకోవచ్చు. అయితే వాట్సాప్‌లో వారం తర్వాత ఈ మెసేజ్‌లు ఆటోమేటిక్‌గా డిలీట్ అవుతాయి.
దీన్ని ప్రత్యేకంగా ప్రతి చాట్ విండోకు మనమే ఎనేబుల్ చేసుకోవాలి. ప్రత్యేక కాంటాక్ట్ లేదా గ్రూప్‌లను ఎంచుకోని వీటిని యాక్సెస్ చేయవచ్చు. వీటిని ఎనేబుల్ చేసినప్పుడు మీరు పంపిన మెసేజ్‌లు అవతలి వ్యక్తి చాట్‌లో వారం రోజుల తర్వాత డిలీట్ అవుతాయి. అయితే మీ మెసేజ్‌లను వారు వేరే వారికి ఫార్వర్డ్ చేస్తే వాటిని డిలీట్ చేయడం కుదరదు. అలాగే మీ మెసేజ్‌ను వారు కోట్ చేసి రిప్లై ఇస్తే ఆ కోటెడ్ మెసేజ్ మాయం కాదు.
ఏడు రోజుల లోపు ఈ మెసేజ్‌లను కాపీ చేసుకోవడం, స్క్రీన్ షాట్ తీసుకోవడం వంటివి చేసుకోవచ్చు. ఇవి బ్యాకప్ కూడా అవుతాయి. అయితే రీస్టోర్ అయ్యాక మళ్లీ డిలీట్ అవుతాయి. రహస్యంగా ఉంచాలనుకున్న చాటింగ్‌ను ఈ పద్ధతిలో చేస్తే ఏడురోజుల్లో ఆటోమేటిక్‌గా ఆ మెసేజ్‌లు డిలీట్ అయిపోతాయి.
స్నాప్ చాట్, టెలిగ్రాం,
వాట్సాప్ మాత్రమే కాకుండా ఫేస్‌బుక్ మెసెంజర్‌లో కూడా దాదాపుగా
ఇటువంటి ఫీచరే అందుబాటులో ఉంది.
0 Komentar