Reserve Bank of India Cancels the
Licence of Vasantdada Nagari Sahakari Bank
మరో బ్యాంక్ లైసెన్స్ రద్దు చేసిన ఆర్‌బీఐ.. కస్టమర్ల డబ్బు సంగతేంటి?
దేశ కేంద్ర బ్యాంక్ రిజర్వు బ్యాంక్ ఆఫ్ ఇండియా తాజాగా మరో బ్యాంక్ లైసెన్స్‌ను రద్దు చేసేసింది. దీంతో ఇకపై ఈ బ్యాంక్ కార్యకలాపాలు నిర్వహించదు. దీంతో కొంత మంది బ్యాంక్ కస్టమర్లపై ప్రతికూల ప్రభావం పడొచ్చు.
రిజర్వు బ్యాంక్ ఆఫ్ ఇండియా RBI మరో బ్యాంక్‌కు షాకిచ్చింది. బ్యాంక్ లైసెన్స్ రద్దు చేస్తున్నట్లు ప్రకటించింది. ఆర్‌బీఐ తాజాగా వసంతదా నగరి సహకారి బ్యాంక్ లైసెన్స్‌ను రద్దు చేసేసింది. జనవరి 11 నుంచి బ్యాంక్ లైసెన్స్ రద్దు నిర్ణయం అమలులోకి వచ్చిందని ఆర్‌బీఐ తెలిపింది.
వసంతదా నగరి సహకారి బ్యాంక్ మహరాష్ట్రలోని ఉస్మానాబాద్ కేంద్రంగా బ్యాంకింగ్ కార్యకలాపాలు నిర్వహిస్తోంది. అంతేకాకుండా కోఆపరేషన్ అండ్ రిజిస్ట్రార్ ఆఫ్ కోఆపరేటివ్ సొసైటీస్‌కు ఆదేశాలు వెళ్లాయి. బ్యాంక్ కార్యకలాపాలు నిర్వహించకుండా ఉండేలా చూడాలని, బ్యాంక్‌కు లిక్విడేటర్‌ను నియమించాలని ఆర్‌బీఐ ఆదేశాలు జారీ చేసింది.
బ్యాంక్ నిబంధనలను అనుగుణంగా కార్యకలాపాలు నిర్వహించడం లేదని, పరిస్థితులు ఇలాగే కొనసాగితే బ్యాంక్ డిపాజిటర్లపై ప్రతికూల ప్రభావం పడొచ్చనే ఉద్దేశంతో ఆర్‌బీఐ ఈ బ్యాంక్ లైసెన్స్‌ను క్యాన్సిల్ చేసింది. అందువల్ల బ్యాంక్ కస్టమర్లు అలర్ట్‌గా ఉండాలి.
వసంతదా నగరి సహకారి బ్యాంక్ ప్రస్తుత పరిస్థితుల్లో డిపాజిట్ దారులకు పూర్తిగా డబ్బులు కట్టే స్థితిలో కూడా లేదు. బ్యాంక్ లైసెన్స్ రద్దు నేపథ్యంలో ఈ బ్యాంక్ ఇక కస్టమర్ల దగ్గరి నుంచి డిపాజిట్లు తీసుకోవడం లేదంటే డిపాజిట్లు చెల్లించడం వంటివి చేయకూడదు.
బ్యాంకులో డబ్బులు దాచుకున్న
వారికి వచ్చే ఇబ్బంది ఏమీ ఉండకపోవచ్చు. డీఐసీజీసీ చట్టం ప్రకారం వసంతదా నగరి
సహకారి బ్యాంక్‌లో డబ్బులు దాచుకున్న వారికి వారి డబ్బు వెనక్కి వస్తుంది.
గరిష్టంగా రూ.5 లక్షల వరకు డబ్బులు వస్తాయి. ఆపైన రావు. 99 శాతం మంది డిపాజిటర్లకు వారి డబ్బులు అందుతాయి.
0 Komentar