Star Air launches Kalaburagi-Tirupati
flight under UDAN scheme
స్టార్ ఎయిర్ అనే సంస్థ తిరుపతికి కొత్తగా విమాన సర్వీసులు ప్రారంభించింది. సోమవారం నుంచి సేవలు ప్రారంభమయ్యాయి. కాలబురగి నుంచి తిరుపతికి, తిరుపతి నుంచి కాలబురగికి ఫ్లైట్ సర్వీసులు అందుబాటులో ఉంటాయి.
తిరుపతికి కొత్త సర్వీసులు
ఫ్లైట్ సేవలు ప్రారంభించిన స్టార్ ఎయిర్
దేశంలోని ప్రసిద్ధ పుణ్య క్షేత్రాల్లో తిరుమల కూడా ఒకటి. తిరుపతి వెళ్లి తిరుమల శ్రీనివాసుడిని దర్శించుకొని రావాలి. చాలా ప్రాంతాల నుంచి తిరుమలకు బస్సు, రైలు, విమాన సర్వీసులు అందుబాటులో ఉన్నాయి. ఇప్పుడు తాజాగా కొత్త విమాన సర్వీసులు కూడా ప్రారంభమయ్యాయి.
స్టార్ ఎయిర్ అనే సంస్థ కలబురగి నుంచి తిరుపతికి విమాన సర్వీసులు ప్రారంభించింది. సోమవారం నుంచే ఈ సేవలు అందుబాటులోకి వచ్చాయి. కాలబురగి ఎంపీ ఉమేశ్ జాధవ్ ఈ ఫ్లైట్ సర్వీసులను ప్రారంభించారు. కాలబురగి నుంచి తిరుపతికి ప్రతి సోమవారం, బుధవారం, శుక్రవారం, ఆదివారం ఫ్లైట్ సర్వీసులు ఉంటాయి.
ఉదయం 9.55 గంటలకు ఫ్లైట్ స్టార్ట్ అవుతుంది. 11 గంటలకు తిరుపతి వచ్చేస్తుంది. రిటర్న్ జర్నీ మధ్యాహ్యం 2.25 గంటలకు స్టార్ట్ అవుతుంది. కాలబురగికి సాయంత్రం మూడున్నర గంటల కల్లా వచ్చేస్తుంది. ఇకపోతే జాధవ్ మాట్లాడుతూ.. ముంబై, హైదరాబాద్ వంటి ప్రాంతాలకు కూడా సర్వీసులు ప్రారంభించాలని స్టార్ ఎయిర్‌ను కోరారు.
సంజయ్ గౌడావత్ గ్రూప్ మేనేజింగ్ డైరెక్టర్ సంజయ్ గౌడావత్ మాట్లాడుతూ.. స్టార్ ఎయిర్ ద్వారా ఇప్పటికే కాలబురగి నుంచి బెంగళూరు, ఢిల్లీకి విమాన సర్వీసులు నడుపుతున్నామని తెలిపారు.
ఇప్పుడు కొత్తగా తిరుపతికి సర్వీసులు ప్రారంభించామని పేర్కొన్నారు.
0 Komentar