RailOne APP: Your All-in-One App by
Indian Railways
రైల్ వన్ యాప్:
ఇండియన్ రైల్వేకు సంబంధించి అన్ని సేవలూ ఒకేచోట అందించే ప్రభుత్వ సూపర్ యాప్
====================
రైల్వేకు
సంబంధించిన అన్ని సేవలూ ఒకేచోట అందించే సూపర్ యాప్ ‘రైల్ వన్’ (Railone) అందుబాటులోకి వచ్చింది. తొలుత స్వరైల్ (SwaRail) పేరిట ఈ సూపర్ యాప్ను పరీక్షించిన రైల్వే శాఖ.. తాజాగా ‘రైల్
వన్’ పేరిట పౌరులందరికీ అందుబాటులోకి
తెచ్చింది. దీని సాయంతో రిజర్వ్ అన్ రిజర్వ్ టికెట్లు, ప్లాట్ఫామ్ టికెట్లు, రైళ్ల
ఎంక్వైరీ,
పీఎన్ఆర్, జర్నీ ప్లానింగ్, రైల్ మదద్, ఫుడ్ ఆన్ ట్రైన్
వంటి సేవలు పొందొచ్చు. ఆండ్రాయిడ్, ఐఓఎస్
యూజర్లు ఈ యాప్ను డౌన్లోడ్ చేసుకోవచ్చు.
సూపర్ యాప్ లో
ప్రస్తుతానికి అందుబాటులోకి వచ్చిన సేవలన్నీ ఆన్లైన్లో, యాప్ రూపంలో వేర్వేరుగా అందుబాటులో ఉన్నాయి. ఒక్కో సేవకు
ఒక్కో యాప్ ఉంది. వీటన్నింటినీ ఒకేచోట అందించడమే ఈ సూపర్ యాప్ లక్ష్యం. దీన్ని
కొన్ని నెలలుగా పరీక్షించిన రైల్వేశాఖ.. ఎట్టకేలకు యాప్ ను అందుబాటులోకి
తెచ్చింది. మున్ముందు మరిన్ని సేవలను ఇందులో జోడించే అవకాశం ఉంది. ఈ యాప్ను
అభివృద్ధి చేసిన సెంటర్ ఫర్ రైల్వే ఇన్ఫర్మేషన్ సిస్టమ్ (CRIS) వార్షికోత్సవం సందర్భంగా రైల్వే మంత్రి అశ్విని వైష్ణవ్
లాంచ్ చేశారు.
====================
====================
0 Komentar