Good news for those who invest in post
office schemes
New Rules come into force!
పోస్టాఫీస్ స్కీమ్స్‌లో ఇన్వెస్ట్
చేసే వారికి గుడ్ న్యూస్.. కొత్త రూల్స్ అమలులోకి!
డిపార్ట్‌మెంట్ ఆఫ్ పోస్ట్స్
తాజాగా కీలక నిర్ణయం తీసుకుంది. సేవింగ్ స్కీమ్స్‌కు సంబంధించిన క్లెయిమ్ విత్‌డ్రా
రూల్స్‌ను సవరించింది. దీంతో స్మాల్ సేవింగ్ స్కీమ్స్‌లో డబ్బులు పెట్టేవారికి ఊరట
కలుగనుంది.
క్లెయిమ్ రూల్స్ సవరించిన
పోస్టాఫీస్
దీంతో సులభంగానే క్లెయిమ్ ప్రక్రియ
పూర్తి
నామినీ, హక్కుదారులకు
ప్రయోజనం
పోస్టాఫీస్ ఎన్నో రకాల పథకాలు
అందిస్తోంది. దాదాపు 9 రకాల స్మాల్ సేవింగ్ స్కీమ్స్ ఆఫర్
చేస్తోంది. ఇలా పోస్టాఫీస్ పథకాల్లో చేరిన వారి సంఖ్య ఎక్కువగానే ఉంటుంది.
కచ్చితమైన రాబడి, రిస్క్ లేకపోవడం ఇందుకు ప్రధాన కారణం.
అయితే పోస్టాఫీస్ స్కీమ్‌లో చేరిన వారు మరణిస్తే నామినీ లేదా హక్కుదారులు వారి
డబ్బును క్లెయిమ్ చేసుకోవచ్చు. ఇలా డెత్ క్లెయిమ్స్‌కు సంబంధించి డిపార్ట్‌మెంట్
ఆఫ్ పోస్ట్స్ ఊరట కలిగే నిర్ణయం తీసుకుంది. క్లెయిమ్స్‌కు సంబంధించిన విత్‌డ్రా
రూల్స్‌ను సవరించింది.
డిపార్ట్‌మెంట్ ఆఫ్ పోస్ట్స్
తాజాగా ఒక సర్క్యూలర్ జారీ చేసింది. నామినీల దగ్గరి నుంచి, క్లెయిమ్
చేసుకునే వారి నుంచి పలు అభ్యర్థనలు అందాయని డిపార్ట్‌మెంట్ ఆఫ్ పోస్ట్స్
పేర్కొంది. పబ్లిక్ ప్రావిడెంట్ ఫండ్ (PPF) సహా ఇతర స్కీమ్స్‌కు
సంబంధించిన డెత్ క్లెయిమ్స్‌కు పోస్టాఫీసుల్లో సాక్షులు కచ్చితంగా పోస్టాఫీస్‌కు
రావాలని చెబుతున్నాయని వివరించింది.
డెత్ క్లెయిమ్ కోసం సాక్షులు
పోస్టాఫీస్‌కు కచ్చితంగా వెళ్లాల్సిన పని లేదని డిపార్ట్‌మెంట్ ఆఫ్ పోస్ట్స్
స్పష్టం చేసింది. ఇతర క్లెయిమ్ పత్రాలతోపాటు సాక్షులు అడ్రస్ ప్రూఫ్, ఐడెంటిటీ
ప్రూఫ్‌పై సంతకం చేసి పంపించినా సరిపోతుందని తెలిపింది. దీంతో నామినీ లేదా
హక్కుదారులకు క్లెయిమ్ చేసుకోవడం సులభతరం కానుంది.
ఆధార్ కార్డు, పాస్‌పోర్ట్,
డ్రైవింగ్ లైసెన్స్, ఓటర్ ఐడీ కార్డ్, రేషన్ కార్డు, పోస్టాఫీస్ ఐడీ కార్డు, పాన్ కార్డ్, కేంద్ర రాష్ట్ర ప్రభుత్వాల పీఎస్‌యూ
ఐడీ కార్డ్, జాబ్ కార్డ్ వంటి వాటిని ఐడెంటిటీ ప్రూఫ్‌గా
పరిగణలోకి తీసుకోవాలని సూచించింది. వీటితోపాటు శాలరీ స్లిప్, ఎలక్ట్రిసిటీ బిల్, టెలిఫోన్ బిల్, గ్యాస్ బిల్, వాటర్ బిల్, బ్యాంక్
పాస్‌బుక్ వంటి వాటిని అడ్రస్ ప్రూఫ్‌గా అంగీకరించాలని పేర్కొంది.
0 Komentar