Government extends FY19 GST annual
return filing deadline by 1 month
GST చెల్లింపుదారులకు
శుభవార్త.. కేంద్రం కీలక నిర్ణయం!
మీరు జీఎస్‌టీ కడుతున్నారా? అయితే
మీకు శుభవార్త. కేంద్ర ప్రభుత్వం తాజాగా జీఎస్‌టీ వార్షిక రిటర్న్స్ దాఖలు గడువును
పొడిగించింది. దీంతో చాలా మందికి ప్రయోజనం కలుగనుంది.
కేంద్ర ప్రభుత్వం తాజాగా వస్తు
సేవల పన్ను (GST) చెల్లింపుదారులకు శుభవార్త అందించింది. కీలక నిర్ణయం
తీసుకుంది. జీఎస్‌టీఆర్ 9, 9సీ దాఖలుకు మరింత గడువు
ఇచ్చింది. మరో నెల రోజుల పాటు సమయం ఇచ్చింది. 2018-19 ఆర్థిక
సంవత్సరానికి ఇది వర్తిస్తుంది. అంటే అక్టోబర్ 31 వరకు ఈ
ఫామ్స్‌ను దాఖలు చేయొచ్చు.
ఎలక్షన్ కమిషన్ దగ్గరి నుంచి ఆమోదం
లభించిన తర్వాతనే కేంద్ర ప్రభుత్వం జీఎస్‌టీఆర్ 9, జీఎస్‌టీఆర్ 9సీ దాఖలుకు గడువు పొడిగించింది. 2018-19 ఆర్థిక
సంవత్సరానికి ఇది వర్తిస్తుంది. అక్టోబర్ 31లోపు ఈ ఫామ్స్‌ను
దాఖలు చేయొచ్చు. సెంట్రల్ బోర్డ్ ఆఫ్ ఇన్‌డైరెక్ట్ ట్యాక్సెస్ అండ్ కస్టమ్స్ (CBIC)
ఈ విషయాన్ని ట్విట్టర్ వేదికగా తెలియజేసింది.
కాగా ఇన్‌స్టిట్యూట్ ఆఫ్
చార్టెర్డ్ అకౌంటెంట్స్ ఆఫ్ ఇండియా (ICAI) గతంలోనే జీఎస్‌టీ
కౌన్సిల్‌కు ఒక లేఖ రాసింది. ఇందులో 2018-19 జీఎస్‌టీ
వార్షిక రిటర్న్స్ దాఖలుకు డెడ్‌లైన్‌ను మూడు నెలలు అంటే డిసెంబర్ 31 వరకు పొడిగించాలని కోరింది. కేంద్ర ప్రభుత్వం మే నెలలో 2018-19 ఆర్థిక సంవత్సరానికి గానూ జీఎస్‌టీ వార్షిక రిటర్న్స్ దాఖలుకు గడువును
సెప్టెంబర్ 30 వరకు పొడిగించింది.
అయితే ఇప్పుడు కేంద్ర ప్రభుత్వం
మరోసారి ఈ గడువును పొడిగిస్తూ నిర్ణయం తీసుకుంది. జీఎస్‌టీ చెల్లింపుదారులకు మరో
నెల రోజులపాటు గడువు ఇచ్చింది. దీంతో ఇప్పటికీ కూడా జీఎస్‌టీ రిటర్న్స్ దాఖలు
చేయని వారు వెంటనే ఈ పని పూర్తి చేయండి. పెనాల్టీల భారం నుంచి తప్పించుకోవచ్చు.
0 Komentar