AP Govt to Implement Dress Code for
Village and Ward Secretariat's Staff
ఏపీలో సచివాలయాల సిబ్బందికి డ్రస్
కోడ్.. ఏ రంగు అంటే, వాలంటీర్లకు కూడా!
సచివాలయాల్లో డ్రస్ కోడ్‌‌లో ఏ
క్యాడర్‌కు చెందిన సిబ్బంది ఎవరన్న విషయాన్ని ప్రజలు సులువుగా తెలుసుకునేందుకు
ఐడెంటిటీ కార్డుల ట్యాగ్ కలర్‌లను ప్రత్యేకంగా రూపొందిస్తోంది. ఇటు వాలంటీర్లకు
కూడా డ్రస్ కోడ్ అమలుచేసే విషయమై కసరత్తు జరుగుతున్నట్లు తెలుస్తోంది.
ఏపీలో సచివాలయాల ఉద్యోగులకు ప్రత్యేకంగా డ్రెస్ కోడ్ అమలు చేసేందుకు జగన్ సర్కార్ సిద్ధమైంది. సచివాలయాల్లో పనిచేసే వారు ప్రజలతో నిత్యం సత్సంబంధాలు కలిగి ఉంటున్నారు. అందుకే సచివాలయాల్లో పనిచేసే సిబ్బంది ప్రత్యేకంగా కనిపించాలనే ఉద్దేశంతో ఈ నిర్ణయం తీసుకుంది. అందుకుగాను వారికి కూడా డ్రస్ కోడ్ అమలు చేసేందుకు సన్నద్ధమవుతోంది. పైలెట్‌ సచివాలయాల కింద కొన్నింటిని గుర్తించి ముందుగా అక్కడి సిబ్బందికి డ్రస్ కోడ్ అమలు చేయాలని నిర్ణయించింది. అక్కడి సిబ్బంది నుంచి, ఆ సచివాలయాల పరిధిలోని ప్రజల నుంచి వచ్చే ఫీడ్‌ బ్యాక్‌ను ఆధారం చేసుకొని మిగిలిన సచివాలయాల్లో కూడా అమలుచేయాలని ప్రభుత్వం భావిస్తోంది.
ప్రకాశం జిల్లాలో సిబ్బంది కోసం డ్రస్‌లు సిద్ధం చేస్తున్నారు. జిల్లాలోని పట్టణ ప్రాంతాల్లో 179 వార్డు సచివాలయాలు ఉండగా, గ్రామీణ ప్రాంతాల్లో 884 గ్రామ సచివాలయాలున్నాయి. దాదాపు 8535 మంది పనిచేస్తున్నారు.. వేలాది మంది పనిచేస్తుండటంతో వారందరినీ యూనిఫామ్‌గా ఉంచాలన్న ఆలోచనలో ప్రభుత్వం ఉంది. పురుష ఉద్యోగులకు స్కై బ్లూ షర్ట్, బిస్కెట్‌ కలర్‌ ప్యాంట్.. మహిళా ఉద్యోగులకు స్కై బ్లూ టాప్, బిస్కెట్‌ కలర్‌ లెగిన్‌ డ్రస్ కోడ్‌ను అమలు చేసేందుకు ప్రభుత్వం కసరత్తు చేస్తోంది.
సచివాలయాల్లో డ్రస్ కోడ్‌‌లో ఏ క్యాడర్‌కు చెందిన సిబ్బంది ఎవరన్న విషయాన్ని ప్రజలు సులువుగా తెలుసుకునేందుకు ఐడెంటిటీ కార్డుల ట్యాగ్ కలర్‌లను ప్రత్యేకంగా రూపొందిస్తోంది. వార్డు సచివాలయాల్లో దాదాపు పది విభాగాలకు చెందినవారు కార్యదర్శులుగా విధులు నిర్వర్తిస్తున్నారు. సిబ్బందికి ఇప్పటికే ఐడెంటిటీ కార్డులు ఇచ్చారు.. ఐడెంటిటీ కార్డులు ధరించేందుకు ట్యాగ్‌లను వినియోగిస్తారు. ఒక్కో కార్యదర్శికి ఒక్కో కలర్‌ ట్యాగ్ ఇచ్చేందుకు సిద్ధమైంది. పట్టణ ప్రాంతాల్లోని అడ్మిన్‌ సెక్రటరీ, గ్రామ సచివాలయాల్లోని పంచాయతీ కార్యదర్శులకు ఎల్లో ట్యాగ్.. డిజిటల్‌ అసిస్టెంట్‌కు రెడ్‌ ట్యాగ్, హెల్త్‌ సెక్రటరీకి వైట్‌ ట్యాగ్, మహిళా పోలీసుకు ఖాకి ట్యాగ్, వీఆర్‌ఓకు బ్రౌన్‌ ట్యాగ్, అగ్రికల్చరల్‌/ హార్టీ కల్చరల్‌ సెక్రటరీకి గ్రీన్‌ ట్యాగ్, ఎడ్యుకేషన్‌ సెక్రటరీకి ఆరంజ్‌ ట్యాగ్, ఇంజినీరింగ్‌ అసిస్టెంట్‌కు గ్రే ట్యాగ్ ఇవ్వనున్నారు.
ఇటు వాలంటీర్లకు కూడా డ్రస్ కోడ్
అమలుచేసే విషయమై కసరత్తు జరుగుతున్నట్లు తెలుస్తోంది. వాలంటీర్లకు ఎలాంటి డ్రస్
కోడ్ అమలు చేయాలనే విషయమై చర్చ నడుస్తోంది. వాలంటీర్లు సామాజిక భద్రత పింఛన్ల
పంపిణీని ప్రతిష్టాత్మకంగా తీసుకొని అమలు చేస్తున్నారు. ఆ సమయంలో డ్రస్ కోడ్
పాటించడం ద్వారా ఎవరైనా కొత్తవారు కూడా వారిని వెంటనే గుర్తించి తమ పింఛన్ల విషయమై
మాట్లాడే వీలు కలగనుంది.
0 Komentar