Tokyo Olympics 2020 Neeraj Chopra Wins
GOLD MEDAL in JAVELIN Throw
టోక్యో ఒలింపిక్స్ 2020: 100 ఏళ్లకు అథ్లెటిక్స్‌లో భారత్‌కు పతకం - స్వర్ణం ముద్దాడిన నీరజ్‌
భారత యువ ఆటగాడు నీరజ్‌ చోప్రా సరికొత్త చరిత్ర సృష్టించాడు. అఖండ భారతావనిని ఆనందంలో ముంచెత్తాడు. ఒకటి.. రెండు.. మూడో కాదు ఏకంగా వందేళ్ల కలను నిజం చేశాడు. అథ్లెటిక్స్‌లో శతాబ్దం తర్వాత తొలి పతకం అందించాడు. జావెలిన్‌ త్రోలో స్వర్ణ పతకం ముద్దాడాడు. స్వత్రంత్ర భారత దేశంలో.. వ్యక్తిగత క్రీడల్లో అభినవ్‌ బింద్రా తర్వాత పసిడి పతకం అందుకున్న వీరుడిగా నిలిచాడు.
అందరూ ఊహిస్తున్నట్టుగానే నీరజ్‌
చోప్రా అద్భుతం చేశాడు. ఈటెను విసరడంలో తిరుగులేని ఆధిపత్యం ప్రదర్శించాడు.
మహామహులు.. అనుభవజ్ఞులు.. పతకాలకు ఫేవరెట్లను వెనక్కి నెట్టాడు. భారత కీర్తిపతాకను
అత్యున్నత శిఖరాలలో రెపరెపలాడించేలా చేశాడు. అందరికన్నా మెరుగ్గా ఆడుతూ.. ఈటెను
87.58 మీటర్లు విసిరి నయా చరిత్రను సువర్ణాక్షరాలతో లిఖించాడు.
ఆసియా, కామన్వెల్త్‌లో
స్వర్ణ పతకాలు ముద్దాడిన నీరజ్‌ ఒలింపిక్స్ అర్హత పోటీల్లోనూ అగ్ర స్థానంలో
నిలిచాడు. అతడు 2021 మార్చిలో 88.07మీ, 2018, ఆసియా క్రీడల్లో 88.06మీ, 2020జనవరిలో
దక్షిణాఫ్రికాలో 87.87 మీ, 2021 మార్చిలో ఫెడరేషన్‌ కప్‌లో
87.80మీ, 2018, మేలో దోహా డైమండ్‌ లీగ్‌లో
87.43 మీ, 2021 జూన్‌లో కౌరెటనె గేమ్స్‌లో 86.79మీటర్లు
ఈటెను విసిరి రికార్డులు సృష్టించాడు.
0 Komentar