BRAG INTER CET 2023: Inter Admissions for Dr.B.R.Ambedkar Gurukulams and IIT-Medical Academies (Formerly APGPCET)

ఆంధ్రప్రదేశ్ సాంఘిక సంక్షేమ గురుకుల విద్యాలయాల సంస్థ (ఏపీఎస్ డబ్ల్యూఆర్ ఈఐఎస్) పరిధిలోని 167 డా.బీఆర్ అంబేడ్కర్ గురుకుల విద్యాలయాలు, డా. బీఆర్ అంబేడ్కర్ ఐఐటీ- మెడికల్ అకాడమీల్లో 2023-2024 విద్యా సంవత్సరానికిగాను ఇంటర్మీడియట్ (ఆంగ్ల మాధ్యమం) మొదటి సంవత్సరంలో ప్రవేశాలకు సంబంధించి 'బీఆర్ఎజీ ఇంటర్ సెట్-2023' నోటిఫికేషన్ విడుదలైంది. అర్హులైన బాలబాలికలు ఆన్లైన్లో మార్చి 24 లోగా దరఖాస్తు చేసుకోవాలి. ప్రవేశ పరీక్ష ద్వారా విద్యార్థుల ఎంపిక జరుగుతుంది. ఎంపికైన విద్యార్థులకు ఉచిత విద్య, వసతితో పాటు క్రీడలు/ వివిధ పోటీ పరీక్షలకు శిక్షణ అందిస్తారు.

డా.బీఆర్ అంబేడ్కర్ గురుకులం ఇంటర్మీడియట్ కామన్ ఎంట్రన్స్ టెస్ట్- 2023

ఇంటర్ గ్రూప్, సీట్లు: ఎంపీసీ - 5,650, బైపీసీ - 5,560, ఎంఈసీ - 800, సీఈసీ- 1600, హెచ్ సీ- 360.

మొత్తం సీట్ల సంఖ్య: 13,970.

అర్హత: విద్యార్ధులు తమ సొంత జిల్లాలో దరఖాస్తు చేసుకోవాలి. సంబంధిత జిల్లాల్లో 2022-23 విద్యా సంవత్సరంలో పదో తరగతి ప్రభుత్వ/ ప్రభుత్వ గుర్తింపు పొందిన పాఠశాలలో చదువు పూర్తి చేసి ఉండాలి. వయస్సు: విద్యార్ధి వయస్సు 31.08.2023 నాటికి 17 ఏళ్లు మించకూడదు.

ఆదాయ పరిమితి: విద్యార్థి తల్లిదండ్రుల వార్షికాదాయం రూ.1,00,000 మించకూడదు .

రిజర్వేషన్ల వివరాలు: ఎస్సీలకు 75%, బీసీ-సిలకు 12%, ఎస్టీలకు 6%, బీసీలకు 5%, ఇతరులకు 2% సీట్లు కేటాయించారు.

ఎంపిక విధానం: ప్రవేశ పరీక్షలో సాధించిన మార్కులు, రూల్ ఆఫ్ రిజర్వేషన్ ఆధారంగా సీటు కేటాయిస్తారు.

ప్రశ్నపత్రం: ప్రశ్నపత్రం ఆబ్జెక్టివ్ విధానంలో 100 ప్రశ్నలు ఉంటాయి. ప్రతి ప్రశ్నకు ఒక మార్కు ఉంటుంది. గణితం - 25, ఫిజికల్ సైన్స్- 15, బయాలజీ-15, సోషల్స్టడీస్- 15, ఇంగ్లిష్- 15, లాజికల్ రీజనింగ్- 15 ప్రశ్నలు అడుగుతారు. పరీక్ష వ్యవధి రెండున్నర గంటలు. ప్రశ్నపత్రం ఆంగ్ల, తెలుగు మాధ్యమాల్లో ఉంటుంది.