Govt Making It Easier for Everyone in India to Find Their Lost or Stolen Phones – Details Here

 

Govt Making It Easier for Everyone in India to Find Their Lost or Stolen Phones – Details Here

పోగొట్టుకున్న లేదా దొంగిలించబడిన ఫోన్‌లను కనుగొనడాన్ని కేంద్ర ప్రభుత్వ వెబ్సైట్ మరియు యాప్ – వివరాలు ఇవే

=========================

మన ఫోన్ పోతే ఎంతో బాధగా ఉంటుంది. డేటా, కాంటాక్టులు, మెసేజ్లు, ఫొటోలు / వీడియోలు, బ్యాంకింగ్ వివరాలు, పేమెంట్ యాప్ లు, సోషల్ మీడియా.. ఇలా చెప్పుకుంటూ పోతే పెద్ద జాబితా ఉంటుంది. దీంతో మనలో చాలా మంది ఫోన్ పోయిందంటే సర్వమూ పోయినట్టే బాస్తుంటారు. గతంలో ఫోన్ పోతే తిరిగి దొరికిన సందర్భాలు చాలా అరుదు.

ఈ సమస్యకు పరిష్కారంగా కేంద్ర టెలికాం విభాగం (DOT), సెంట్రల్ ఎక్విప్మెంట్ ఐడెంటిటీ రిజిస్ట్రీ (CEIR) పేరుతో ఆధునిక సేవలను మొబైల్ యూజర్లకు అందుబాటులోకి తీసుకొచ్చింది. ఈ ఫీచర్ తో పొగొట్టుకున్న ఫోన్ ను వెతికి పట్టుకోవచ్చు. 2019లోనే ఈ సేవలను ప్రయోగత్మకంగా మహారాష్ట్ర, గోవా రాష్ట్రాల్లో ప్రారంభించారు. ప్రస్తుతం మార్చి 15 నుంచి దేశవ్యాప్తంగా అన్ని రాష్ట్రాల్లో యూజర్లకు ఈ సేవలు అందుబాటులోకి వచ్చాయి. మరి, సీఈఐఆర్ ను ఎలా ఉపయోగించాలో తెలుసుకుందాం.

• ఫోన్ ఐఎమ్ఎస్ఈఐ (IMEI) ఆధారంగా సీఈఐఆర్ పనిచేస్తుంది. ఇందుకోసం దేశంలో మొబైల్ నెట్వర్క్ ఆపరేటర్లు, మొబైల్ తయారీ సంస్థలు కలిసి డీవోటీ యూజర్లకు సేవలను అందిస్తున్నాయి.

• సీఈఐఆర్ వెబ్, మొబైల్ యాప్ వెర్షన్లలో అందుబాటులో ఉంది. యూజర్ వెబ్సైట్ లేదా మొబైల్ యాప్ ను ప్లేస్టోర్ లేదా యాప్ స్టోర్ నుంచి డౌన్లోడ్ చేసుకోవచ్చు. మొబైల్ యాప్ వెర్షన్ నో యువర్ మొబైల్ (KYM) పేరుతో అందుబాటులో ఉంది.

• ఫోన్ పోయిన తర్వాత యూజర్ దగ్గర్లోని పోలీస్ స్టేషన్లో ఫిర్యాదు చేయాలి. ఎఫ్ఎస్ఐఆర్ కాపీ అందిన తర్వాత సీఈఐఆర్ పోర్టల్ ఓపెన్ చేస్తే అందులో బ్లాక్ స్టోలెన్ / లాస్ట్ మొబైల్ (Block Stolen Lost Mobile), అన్-బ్లాక్ ఫౌండ్ మొబైల్ (Un-Block Found Mobile), చెక్ రిక్వెస్ట్ స్టేటస్ (Check Request Status) అని మూడు ఆప్షన్లు కనిపిస్తాయి.

• వాటిలో బ్లాక్ స్టోలెన్/లాస్ట్ మొబైల్ ఆప్షన్పై క్లిక్ చేయాలి. అందులో డివైజ్ ఇన్ఫర్మేషన్ సెక్షన్ (Device Information)లో ఫోన్ నంబర్, ఐఎమ్ ఈఐ నంబర్, ఫోన్ బ్రాండ్ పేరు, మోడల్ వివరాలు నమోదు చేసి, మొబైల్ కొనుగోలుకు సంబంధించిన రశీదు ఫొటోను అప్లోడ్ చేయాలి.

• తర్వాత లాస్ట్ ఇన్ఫర్మేషన్ (Lost Information) సెక్షన్లో ఫోన్ పోగొట్టుకున్న ప్రాంతం, తేదీ, పోలీస్ కంప్లయింట్

నంబర్ వివరాలు నమోదు చేసి, ఎఫ్ఎస్ఐఆర్ కాపీ ఫొటోను అప్లోడ్ చేయాలి.

• ఈ ప్రక్రియ తర్వాత కింద మొబైల్ యూజర్ వ్యక్తిగత వివరాలు ((Mobile User Personal Information)).. అంటే పేరు, చిరునామా, గుర్తింపు కార్డ్, ఈ-మెయిల్ వంటి వివరాలు నమోదు చేసి సబ్మిట్ చేయాలి. తర్వాత యూజర్ ఫిర్యాదును స్వీకరిస్తున్నట్లు రిక్వెస్ట్ ఐడీ (Request ID) నంబర్ చూపిస్తుంది. దీన్ని భవిష్యత్తులో కంప్లెయింట్ స్టేటస్ తెలుసుకునేందుకు ఉపయోగించవచ్చు.

• యూజర్ సమర్పించి వివరాల ఆధారంగా సదరు మొబైల్ను 24 గంటల వ్యవధిలో సీఈఐఆర్ బ్లాక్ చేస్తుంది. ఆ వివరాలను మొబైల్ నెట్వర్క్ ఆపరేటర్లకు పంపుతుంది.

• అలా బ్లాక్ చేసిన మొబైల్లో ఇతరులు ఎవరైనా సిమ్ కార్డ్ వేస్తే, వెంటనే సీఈఐఆర్కు అలర్ట్ మెసేజ్ వస్తుంది. దాంతో యూజర్ పోగొట్టుకున్న ఫోన్ ఏ ప్రాంతంలో ఉందనేది సులువుగా గుర్తించవచ్చు. • ఒకవేళ పోగొట్టుకున్న ఫోన్ తిరిగి దొరికితే యూజర్ సీఈఐఆర్ పోర్టల్లో అన్-బ్లాక్ ఫౌండ్ మొబైల్ పై క్లిక్ చేసి రిక్వెస్ట్ ఐడీ, ఫోన్ నంబర్ వివరాలు సమర్పిస్తే.. ఫోన్ అన్-బ్లాక్ అవుతుంది.

• అలానే కొత్త ఫోన్ లేదా సెకండ్ హ్యాండ్ ఫోన్ కొనాలనుకునే వారు తాము ఎంచుకున్న ఫోన్ మోడల్ ఐఎమ్స్ఈఐ నంబర్ను వెబ్ పోర్టల్ కేవైఎమ్ సెక్షన్లో లేదా మొబైల్ యాప్లో నమోదు చేయడం ద్వారా గానీ, KYM <15 అంకెల ఐఎమ్ఎస్ఈఐ నంబర్> టైప్ చేసి14422కు ఎస్సెమ్మెస్ పంపి ఫోన్ బ్లాక్ లిస్ట్ లో ఉందా? లేదా? అనేది తెలుసుకోవచ్చు.

• మీ మొబైల్ IMEI నెంబర్ తెలుసుకోవాలంటే *#06# డయల్ చేయండి.  

=========================

KYM MOBILE APP

WEBSITE

=========================