School
Assembly 22nd January Information
చరిత్రలో ఈరోజు
➥1918:
కాంగ్రెసు పార్టీ ఆంధ్ర ప్రాంత శాఖ ఏర్పాటయింది. ప్రత్యేకాంధ్ర ఏర్పాటులో ఇదో
మైలురాయి.
➥1970:
పెద్దదైన విమానం బోయింగ్ 747 వాడుకలోకి వచ్చింది
➥1992:
సుభాష్‌చంద్రబోస్‌కు ప్రభుత్వం భారతరత్న పురస్కారాన్ని ప్రకటించింది. సాంకేతిక
కారణాల వల్ల తర్వాత ఆ నిర్ణయాన్ని ఉపసంహరించుకుంది.
➥ఆంధ్ర
పితామహ మాడపాటి హనుమంతరావు 1885 వ సం.లో జన్మించారు.
➥తెలంగాణ
రాష్ట్రానికి చెందిన సుప్రసిద్ద ఛిత్రకారుడు కొండపల్లి శేషగిరి రావు 1924 వ సం.లో
జన్మించారు.
➥సుప్రసిద్ధ
తెలుగు సినీ గీత రచయిత వేటూరి సుందరరామ్మూర్తి 1936 వ సం.లో జన్మించారు.
➥బ్రిటీషు
మహారాణిబ్రిటన్ రాణి విక్టోరియా 1901 వ సం.లో మరణించారు.
➥తెలుగు
భాషావేత్త గిడుగు రామమూర్తి 1940 వ సం.లో మరణించారు.
➥ప్రముఖ
తెలుగు నటుడు మరియు నిర్మాత అక్కినేని నాగేశ్వరరావు 2014 వ సం.లో మరణించారు.
నేటి అంశము:
సూచక భిన్నాలు
ఒక ప్రదేశపు నిజకొలతలను అనగా పొడవు, వెడల్పు లను ఒకే నిష్పత్తిలో
తగ్గించి తీసుకున్న కొలతలతో గీసిన చిన్న పటాలను పరిమాణమునకు గీయబడిన పటములు అంటాము
లేక పరిమాణ పటము లేక ప్లాను అంటాము. ప్రదేశపు నిజ కొలతలకు, పరిమాణ
పటములోని అనురూప కొలతలకు గల సంబంధాన్నే స్కేలు అంటాము.
సూచక భిన్నం = ప్లానులో దూరము/అనురూప నిజ దూరము
సూచక భిన్నములో లవము ఎప్పుడూ 1 ఉండాలి. సూచక భిన్నము ఉపయోగపడు అంశాలు
:
i.
రెండు స్థలముల మధ్య దూరమును పటములో గుర్తించుట.
ii.
పటములో ఇవ్వబడిన 2 స్థలముల మధ్యనున్న దూరమును బట్టి అసలు దూరమును
కనుగొనుట.
పటములో కొలత అసలు కొలతలో ఎన్నవ భాగమో సూచించు భిన్నమును సూచక భిన్నము
అంటాము.
సుభాషితం:
ఆపదైన వేళ నరసి బంధుల జూడు
భయమువేళ జూడు బంటుతనము
పేదవేళ జూడు పెండ్లాము గుణమును
విశ్వదాభిరామ వినురవేమ
భావం - ఆపదల్లొ చిక్కుకున్నపుడు సహాయపడేవాడే భందువు.భయముతో ఉన్నపుడు
ధైర్యం చెప్పేవాడే మిత్రుడు.కటిక బీదరికంలోనైనా భర్తను గౌరవించేదే భార్య.
వార్తలలోని ముఖ్యాంశాలు
*పిల్లలకు ఇవ్వగలిగే గొప్ప ఆస్తి చదువేనని, అందుకే పేద
పిల్లలకు మెరుగైన విద్య అందించేలా విద్యా రంగంలో గొప్ప మార్పులకు శ్రీకారం
చుట్టామని ఏ.పి. సీఎం వైఎస్‌ జగన్‌మోహన్‌రెడ్డి అసెంబ్లీలో అమ్మ ఒడి పథకంపై చర్చ
సందర్భంగా అన్నారు.
*ఏ.పి. లోని ప్రభుత్వ పాఠశాలలో అమలౌచున్న మధ్యాహ్న భోజన పధకం పేరు “గోరుముద్ద” గా మారనున్నది.
* ఏ.పి. లోని ప్రభుత్వ
పాఠశాలలోని ప్రతి విద్యార్థికి జూన్‌ 12వ తేదీన నాటికి “విద్యా కానుక” కింద స్కూల్‌ బ్యాగ్‌, టెక్ట్స్‌ బుక్స్‌, నోట్‌బుక్స్‌, 3 జతల యూనిఫాంలు, బూట్లు, 2
జతల సాక్స్‌ లతో కూడిన “విద్యాకిట్‌”అందజేయనున్నారు.
*తీవ్ర ఉత్కంఠ పరిస్థితుల మధ్య పరిపాలన వికేంద్రీకరణ, సీఆర్‌డీఏ చట్టం
ఉపసంహరణ బిల్లులను రాష్ట్ర ప్రభుత్వం మంగళవారం శాసన మండలిలో ప్రవేశపెట్టింది. ఐతే
మొదట రూల్‌–71పై చర్చించి ఆ తర్వాత బిల్లులు ప్రవేశపెట్టనున్నారు.
*తెలంగాణ రాష్ట్రంలోని 120 మున్సిపాలిటీలు, 9 మున్సిపల్‌
కార్పొరేషన్లకు బుధవారం ఎన్నికలు జరగనున్నాయి. ఉదయం 7 గంటల నుంచి సాయంత్రం 5 గంటల
వరకు పోలింగ్‌ నిర్వహించనున్నారు.
*దావోస్‌లో జరుగుతున్న “వరల్డ్‌ ఎకనామిక్‌ ఫోరం” సదస్సులో తెలంగాణ మంత్రి కేటీఆర్‌
మాట్లాడుతూ ప్రపంచ ఆర్థిక పరిస్థితిని ఏఐ పరిజ్ఞానం సమూలంగా మార్చబోతోందని,
ముందుగా ఈ పరిజ్ఞానాన్ని అందిపుచ్చుకున్న వారు ప్రయోజనాలు
పొందుతారని పేర్కొన్నారు.
*ప్రపంచవ్యాప్తంగా ఇళ్ల ధరల వృద్ధిలో హైదరాబాద్‌ 14వ స్థానంలో
నిలిచింది. మన దేశం నుంచి టాప్‌–20లో చోటు దక్కించుకున్న ఏకైక నగరం భాగ్యనగరమేనని గ్లోబల్‌ ప్రాపర్టీ
కన్సల్టెంట్‌ నైట్‌ఫ్రాంక్‌ తెలిపింది.
*చైనాలో వెలుగుచూసిన కరోనా వైరస్‌ విస్తరిస్తూ ఖండాలు దాటి తైవాన్, ఫిలిప్పీన్స్,
ఆస్ట్రేలియాలకూ పాకినట్లు వార్తలు వస్తున్నాయి. మంగళవారం నాటికి
చైనాలో ఈ వైరస్‌ బారిన పడ్డవారు సుమారు ఆరుగురు మరణించగా మరో 300 మంది వైరస్‌
బారిన పడినట్లు తెలుస్తోంది.
*రైల్వేలో భారీ ఈ –టికెట్‌ కుంభకోణం బయటపడింది. ఈ కుంభకోణం సూత్రధారులకు మనీ
ల్యాండరింగ్,
ఉగ్ర సంస్థలతో సంబంధాలు ఉన్నాయని అనుమానిస్తున్నట్లు రైల్వే భద్రతా
దళం (ఆర్‌పీఎఫ్‌) డీజీ అరుణ్‌ కుమార్‌ తెలిపారు.
*అండర్‌–19 క్రికెట్‌ ప్రపంచకప్‌లో భాగంగా మంగళవారం జరిగిన గ్రూప్‌ ‘ఎ’ లీగ్‌ మ్యాచ్‌లో భారత్‌ 10
వికెట్ల తేడాతో జపాన్‌ను చిత్తుగా ఓడించింది. ముందుగా బ్యాటింగ్‌కు దిగిన జపాన్‌
22.5 ఓవర్లలో 41 పరుగులకే కుప్పకూలింది.
School
Assembly 22nd January Information,School Assembly,prayer
songs, Assembly information,historical events,information of the day,news of
the day,golden words,today golden words,moral sentences
0 Komentar