PPF, NSC, SSY & Small Savings
Scheme Interest Rates Kept Unchanged By Govt
PPF, సుకన్య సమృద్ధి అకౌంట్‌లో
డబ్బులు పెట్టేవారికి శుభవార్త!
కేంద్ర ప్రభుత్వం కీలక నిర్ణయం
తీసుకుంది. స్మాల్ సేవింగ్ స్కీమ్స్‌లో డబ్బులు దాచుకునే వారికి ఊరట కలిగించే
నిర్ణయాన్ని ప్రకటించింది. దీంతో వడ్డీ రేట్లలో కోత లేదు.
కేంద్రం కీలక నిర్ణయం
స్మాల్ సేవింగ్ స్కీమ్స్‌లో చేరిన
వారికి ఊరట
వడ్డీ రేట్లు కొనసాగింపు
రిజర్వు బ్యాంక్ ఆఫ్ ఇండియా (RBI) కీలక వడ్డ రేటు రెపో రేటు దిగువ స్థాయిల్లోనే ఉంది. దీంతో బ్యాంకులు కూడా
వడ్డీ రేట్లను తగ్గిస్తూ వస్తున్నాయి. దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా
(SBI) సహా ప్రైవేట్ రంగ దిగ్గజ బ్యాంక్ హెచ్‌డీఎఫ్‌సీ,
ఐసీఐసీఐ బ్యాంక్ వంటివి ఫిక్స్‌డ్ డిపాజిట్లపై (FD) వడ్డీ రేట్లను ఇప్పటికే తగ్గించేశాయి.
ఇలాంటి పరిస్థితుల్లో కేంద్ర
ప్రభుత్వం కూడా చిన్న మొత్తాల పొదుపు పథకాలపై వడ్డీ రేట్లను తగ్గిస్తుందని చాలా
మంది అంచనా వేశారు. అయితే ఇప్పుడు మోదీ సర్కార్ స్మాల్ సేవింగ్ స్కీమ్స్‌పై వడ్డీ
రేట్లను తగ్గించకుందా అలానే స్థిరంగా కొనసాగించింది. మార్కెట్‌లో వడ్డీ రేట్లు
తగ్గుతున్న నేపథ్యంలో కేంద్ర ప్రభుత్వం నిర్ణయం స్మా్ల్ సేవింగ్ స్కీమ్స్‌లో చేరిన
వారికి ఊరట కలిగించేదని చెప్పుకోవచ్చు.
కేంద్ర ప్రభుత్వ నిర్ణయంతో గత
త్రైమాసికంలోని వడ్డీ రేట్లు ప్రస్తుత త్రైమాసికంలోనూ కొనసాగుతున్నాయి. అక్టోబర్-
డిసెంబర్ త్రైమాసికంలోనూ జూలై-సెప్టెంబర్‌లోని వడ్డీ రేట్లు ఉంటాయి. పబ్లిక్
ప్రావిడెంట్ ఫండ్ (PPF), నేషనల్ సేవింగ్స్ సర్టిఫికెట్ (NSC),
సుకన్య సమృద్ధి యోజన (SSY) వంటి సేవింగ్
స్కీమ్స్‌లో చేరిని వారికి ఊటర కలుగనుంది.
ప్రస్తుతం పబ్లిక్ ప్రవిడెంట్ ఫండ్
అకౌంట్‌పై 7.1 శాతం, నేషనల్ సేవింగ్స్
సర్టిఫికెట్ స్కీమ్‌పై 6.8 శాతం వడ్డీ లభిస్తుంది. ఆర్థిక
మంత్రిత్వ శాఖ ప్రతి మూడు నెలలకు ఒకసారి స్మాల్ సేవింగ్ స్కీ మ్స్‌పై వడ్డీ
రేట్లను సవరిస్తూ ఉంటుంది. వడ్డీ రేట్లను పెంచొచ్చు. లేదంటే తగ్గించొచ్చు. లేదంటే
స్థిరంగా కూడా కొనసాగించొచ్చు.
ఇక సీనియర్ సిటిజన్స్ సేవింగ్స్
స్కీమ్‌పై 7.4 శాతం, సేవింగ్స్ డిపాజిట్లపై 4 శాతం, సుకన్య సమృద్ధి యోజన పథకంపై 7.6 శాతం వడ్డీ వస్తుంది. అలాగే కిసాన్ వికాస్ పత్ర (KVP) స్కీమ్‌పై 6.9 శాతం వడ్డీ పొందొచ్చు. పోస్టాఫీస్
టర్మ్ డిపాజిట్లపై 5.5 శాతం నుంచి 6.7
శాతం వరకు వడ్డీ వస్తుంది.
0 Komentar