Warning: No part of this site may be reproduced, stored in a retrieval system or transmitted in any form without the prior permission of the website owner is strictly prohibited

Health Benefits of Eating Guavas

 


Health Benefits of Eating Guavas

జామ కాయ తింటే జలుబు తగ్గుతుందా? చలికాలంలో తినొచ్చా?

జలుబు చేసినవారు జామ కాయలను తినొచ్చా? ఆరోగ్యానికి జామ మేలు చేస్తుందా? తదితర సందేహాలకు ఇదిగో సమాధానం.

చలికాలం వచ్చేసింది.. జలుబు, దగ్గుల సీజన్ కూడా మొదలైంది. మరి, ఈ సమయంలో ఎలాంటి జాగ్రత్తలు తీసుకోవాలి? చలి కాలంలో జామ కాయలు లేదా జామ పండ్లను తినడం ద్వారా జలుబు నుంచి ఉపశమనం పొందవచ్చని ఆయుర్వేద నిపుణులు చెబుతున్నారు. ఇందులో వాస్తవం ఎంత? జలుబు చేసినప్పుడు జామ పండు తింటే.. పరిస్థితి మరింత దారుణంగా మారుతుందా? దీనిపై నిపుణులు ఏమన్నారు? తదితర వివరాలను ఇప్పుడు చూద్దాం.

జలుబుతో బాధపడేవారు జామ తినొద్దని చాలామంది చెబుతుంటారు, కానీ అది నిజం కాదు. ఎందుకంటే.. జామ కాయలో జలుబును తగ్గించే లక్షణాలున్నాయని పరిశోధకులు తెలుపుతున్నారు. తీవ్రమైన జలుబుతో బాధపడేవారు ఒక పెద్దసైజు జామకాయను తీసుకుని.. అందులో గింజలు తీసేసి తినాలి. ఆ తర్వాత గ్లాసు నీళ్లు తాగితే ఔషదంలా పనిచేసి గొంతులోనూ, ఊపిరితిత్తుల్లోని కఫాన్ని తగ్గిస్తుంది. ఫలితంగా జలుబు నుంచి ఉపశమనం పొందవచ్చు.

కొయంబతూర్‌లోని తమిళనాడు అగ్రీకల్చరల్ యూనివర్శిటీకి చెందిన బయోకెమిస్ట్రీ మాజీ ప్రొఫెసర్ దాయుమనావన్ బాలస్వామి.. జామకాయ ప్రయోజనాలు గురించి వివరిస్తూ ఈ విషయాన్ని స్పష్టం చేశారు. ‘‘జామలో కాల్షియం, పొటాషియం, ఐరన్, ఫోలిక్ యాసిడ్, విటమిన్-ఎ, విటమిన్-బి, ఫైబర్, విటమిన్-సి ఉంటాయి. ముఖ్యంగా తాజా జామ కాయల్లో ఆరెంజ్‌లో 6 రెట్లు ఎక్కువ విటమిన్-సి ఉంటుంది. అరటి పండ్ల కంటే 20 రెట్లు అధికంగా ఉంటుంది. ఇవి శరీరానికి ఎంతో మేలు చేస్తాయి. చలి కాలంలో జామను తినడం ఎంతో మంచిది. జామలోని ఐరన్, విటమిన్-సి జలుబు, వైరల్ ఇన్ఫెక్షన్ల నుంచి కాపడతాయి’’ అని తెలిపారు.

జామ వల్ల కలిగే మరిన్ని ఆరోగ్య ప్రయోజనాలు మంచి పరిష్కారంగా పనిచేస్తోంది: 

తలనొప్పి, మైగ్రేన్ సమస్యలతో బాధపడేవాళ్లు పచ్చిజామకాయను ముద్దలా చేసుకుని.. రోజులో మూడు నాలుగుసార్లు నుదుటి మీద పెట్టుకుంటే నొప్పి తగ్గుతుంది.

గుండె సంబంధ సమస్యలతో బాధపడేవారు గింజలు తీసిన జామకాయ ముక్కలకు పంచదార కలిపి, వాటిని మెత్తగా ఉడికించి రోజుకు రెండుసార్లు తీసుకుంటే మంచిదట. దీనివల్ల గుండె పనితీరు మెరుగుపడుతోంది. అయితే, డయాబెటీస్ (మధుమేహం) రోగులు మాత్రం ఇలా చేయొద్దు.

ఆర్థరైటిస్‌ సమస్యతో బాధపడేవారు జామ ఆకులను ముద్దగా నూరి... నొప్పి ఉన్నచోట పెడితే ఉపశమనం లభిస్తుందట.

జామ నుంచి లభించే పీచు డయాబెటీస్ వ్యాధిగ్రస్తులకు మంచి ఆహారంగా పనిచేస్తుందట.

జామకాయలో ఉండే బి3, బి6 విటమిన్లు మెదడుకు రక్త సరఫరాను పెంచి, మెదడు పనితీరును మెరుగుపరుస్తాయట.

జామను ఎక్కువగా తినేవారి చర్మం ఎలాంటి మచ్చలు, ముడుతలు లేకుండా మెరుస్తూ.. ఉంటుందట.

జామ వృద్ధాప్య చాయలను దూరం చేస్తోందట.

జామలో ఉంటే కాపర్, థైరాయిడ్ సమస్యలకు మంచి పరిష్కారంగా పనిచేస్తోందట.

జామ ఆకు రసాన్ని వెన్నెముక మీద రాస్తే... మూర్ఛవ్యాధి సమస్య ఉన్నవారికి ఉపశమనం లభిస్తుంది. 

Previous
Next Post »
0 Komentar