NTSE Stage 2 Exam 2021 Postponed Due to
Amid Covid 19 Surge
NTSE 2021: ఎన్‌టీఎస్‌ఈ
స్టేజ్‌-2 పరీక్ష వాయిదా
నేషనల్‌ కౌన్సిల్‌ ఆఫ్‌ ఎడ్యుకేషన్‌ రీసెర్చ్‌ అండ్‌ ట్రైనింగ్‌ (ఎన్‌సీఈఆర్‌టీ) కీలక నిర్ణయం తీసుకుంది. దేశవ్యాప్తంగా కరోనా వ్యాప్తి విపరీతంగా ఉన్న నేపథ్యంలో నేషనల్‌ టాలెంట్‌ సర్చ్‌ ఎగ్జామినేషన్‌ (ఎన్‌టీఎస్‌ఈ)-2021 (స్టేజ్‌-2) పరీక్షను వాయిదా వేసింది. గతంలో ప్రకటించిన షెడ్యూల్‌ ప్రకారం జూన్‌ 13న ఈ పరీక్ష జరగాల్సి ఉంది. తదుపరి పరీక్ష తేదీని తర్వాత వెల్లడిస్తామని ఎన్‌సీఈఆర్‌టీ తెలిపింది.
పైతరగతుల్లో స్కాలర్‌షిప్‌
పొందేందుకు టెన్త్‌ క్లాస్‌ విద్యార్థులకు ఎన్‌సీఈఆర్‌టీ ఈ పరీక్షను
నిర్వహిస్తున్న సంగతి తెలిసిందే. ఇప్పటికే గత ఏడాది డిసెంబర్‌ 13న
నిర్వహించిన స్టేజ్‌-1 పరీక్ష పాసైన విద్యార్థులు స్టేజ్‌-2 పరీక్షకు అర్హత సాధిస్తారు. దేశవ్యాప్తంగా 2 వేల
మందిని ఎంపిక చేసి స్కాలర్‌షిప్‌ ఇస్తారు. ఈ స్కాలర్‌షిప్‌కు ఎంపికైన వారికి 11,12 తరగతుల్లో నెలకు రూ.1250, డిగ్రీ, పీజీలో నెలకు రూ.2000, పీహెచ్‌డీ విద్యార్థులకు
యూజీసీ నిబంధనల ప్రకారం స్కాలర్‌షిప్‌ అందజేస్తారు. అభ్యర్థులు పూర్తి వివరాలకు https://ncert.nic.in/
వెబ్‌సైట్‌ చూడొచ్చు.
0 Komentar