Warning: No part of this site may be reproduced, stored in a retrieval system or transmitted in any form without the prior permission of the website owner is strictly prohibited

ప్రభుత్వ ఉద్యోగుల సందేహాలు - సమాధానాలు (04-09-2021)

 

ప్రభుత్వ ఉద్యోగుల సందేహాలు - సమాధానాలు (04-09-2021)

===========================

1. ప్రశ్న:

భార్యాభర్తలు ఇద్దరు ఉద్యోగస్తులైనపప్పుడు, వారిలో ఎవరైనా ఒకరు మరణించిన సందర్భంలో ఆ కుటుంబ సభ్యులలో ఒకరికి కారుణ్య నియామకం ఇస్తారా? ఏదైనా జీవో ఉన్నదా?

జవాబు:

కారుణ్య నియామకం హక్కు కాదు. చనిపోయిన ఉద్యోగి కుటుంబం రోడ్డున పడకుండా ఇచ్చిన Social Welfare Scheme.  కుటుంబానికి ఆదాయ మార్గాలున్నప్పుడు కారుణ్య నియామకం ఇవ్వరు.

============================

2. ప్రశ్న:

సార్ నాకు ఇంక్రిమెంట్ జనవరి నెలలో వస్తుంది కానీ నేను 2020 అక్టోబర్ లో లీవ్ వెళ్లినాను. జూన్ 2021 నెలలో జాయిన్ అయ్యాను. ఇంక్రిమెంట్ డేట్ జనవరి లోనా? జూన్ లోనా? చెప్పండి.

జవాబు:

జనవరిలో ఇంక్రిమెంట్ తేదీన మీరు లీవ్ లో ఉన్నారు కాబట్టి, ఆ లీవ్ నుండి జాయిన్ అయిన తర్వాత మాత్రమే, జాయినింగ్ తేదీన వస్తుంది. మెడికల్ లీవులో వెళ్ళారు కాబట్టి, ఈ సంవత్సరం, జూన్ లో వస్తుంది. తర్వాత జనవరికి వస్తుంది.

=============================

3. ప్రశ్న:

నేను 10వ తరగతి తర్వాత ఇంటర్ చదవకుండా ఓపెన్ యూనివర్సిటీ ద్వారా డిగ్రీ చేశాను. తదుపరి బి.ఎడ్ చేసి ప్రస్తుతం Sgt గా పనిచేస్తున్నాను. నాకు పదోన్నతి ఇస్తారా? ఇవ్వరా?

జవాబు:

స్కూల్ అసిస్టెంట్ పదోన్నతికి మీకు ఈ అర్హతలు సరిపోతాయి.

=============================

4. ప్రశ్న:

డిపార్ట్మెంట్ పరీక్షలకు హాజరయ్యే ఉపాధ్యాయులు/ ఉద్యోగులు ఎన్నిసార్లు Onduty సౌకర్యం ఏ ఉత్తర్వుల ప్రకారం ఉంటుంది ?

============================

జవాబు:

AP ట్రావలింగ్ రూల్స్ లో 73 ప్రకారం , F.R 9(6)(B)(iii) ప్రకారం ఒక అభ్యర్థి డిపార్ట్ మెంట్ పరీక్షలకు హాజరగుటకు DA లేకుండా రెండుసార్లు TA మరియు OD సౌకర్యాన్ని వినియోగించవచ్చును.

=============================

5. ప్రశ్న:

SA(Hindi) గా పనిచేయుచున్న నేను HM Post ప్రమోషన్ కు అర్హుడనేనా ?

==============================

జవాబు:

అవును. సంబంధిత డిపార్ట్ మెంట్ టెస్టు పాస్ అయి, డైరెక్ట్ స్కూల్ అసిస్టెంట్ అయితే 45 సం.లు దాటినా లేదా స్కూల్ అసిస్టెంట్ గా ప్రమోషన్ పొందినవారు 50సం.లు వయస్సు దాటినా హెచ్.ఎం గా ప్రమోషన్ పొందడానికి అర్హులు. 10వ తరగతి తర్వాత 5 సంవత్సరములు స్టడీ ఉండాలి.

===============================

6. ప్రశ్న:

ఉద్యోగాలలో మహిళలకు రిజర్వేషన్లు ఎలా అమలు చేస్తారు?

===============================

జవాబు:

రూల్-22A ప్రకారం అన్ని కేటగిరీలకు చెందిన రిజర్వేషన్ స్థానాలలో మహిళలు కి 33 1/2 % రిజర్వ్ చేయబడి ఉన్నది. sc/st/bc/oc కేటగిరీల వారికి కేటాయించబడిన స్థానాలలో ఆయా కేటగిరీకి చెందిన మొదటి స్థానం, ఆ తదుపరి ప్రతి మూడవ స్థానం మహిళలకి రిజర్వ్ చేయబడింది. పై రెండు రకాల రిజర్వేషన్లు వర్తింపజేస్తూ కమ్యూనల్ రోస్టర్ తయారు చేయబడుతుంది.

Previous
Next Post »

1 comment

  1. సార్ స్కూల్ అసిస్టెంట్ నుండి Headmaster ప్రమోషన్ కోసం 10+2+3 కావాల్సిందానా 10 తరువాత ఓపెన్ డిగ్రీ మరియు పీజీ వాళ్ళు (ఇంటర్ లేకుండా) అర్హులు కాలేరా?

    ReplyDelete