CPGET 2020 Examination will be Conducted
from December 2 to 11
TS: డిసెంబరు 2 నుంచి ఉమ్మడి పీజీ ప్రవేశ పరీక్ష
పీజీ కోర్సుల్లో ప్రవేశానికి నిర్వహించే సీపీగెట్ పరీక్షలు డిసెంబరు 2 నుంచి మొదలుకానున్నాయి.
రాష్ట్రంలోని ఏడు విశ్వవిద్యాలయాల
పరిధిలోని పీజీ కోర్సుల్లో ప్రవేశానికి నిర్వహించే సీపీగెట్ పరీక్షలు డిసెంబరు 2
నుంచి మొదలుకానున్నాయి. ఈ ఉమ్మడి పీజీ ప్రవేశ పరీక్ష (సీపీగెట్)కు 85,262 మంది పోటీపడనున్నారు. గత ఏడాదికంటే ఈసారి సుమారు 6,000 దరఖాస్తులు తగ్గినట్లు సమాచారం.
ముఖ్యంగా ఉత్తర భారతం నుంచి ఏటా 5,000 మంది వరకు దరఖాస్తు చేసేవారు. ఈసారి 665 మందే ముందుకొచ్చారని.. కరోనాతో రవాణా సదుపాయాల సమస్యే కారణమని సీపీగెట్ కన్వీనర్‌ ఆచార్య కిషన్‌ తెలిపారు. రోజుకు 3 విడతల చొప్పున 10 రోజులపాటు పరీక్షలు జరగనున్నాయి.
హైదరాబాద్‌తోపాటు పాత జిల్లా కేంద్రాల్లో పరీక్షా కేంద్రాలు ఏర్పాటు చేశారు. పరీక్షల మధ్య 2గంటల వ్యవధి ఉన్నందున ఆ సమయంలో పరీక్షా కేంద్రాలను శానిటైజ్‌ చేస్తారు. సీట్ల కంటే తక్కువ దరఖాస్తులు వచ్చినందున ఎంఏ కన్నడ, మరాఠీ, పర్షియన్‌ సబ్జెక్టులకు పరీక్ష నిర్వహించడం లేదు.
ఈ ప్రవేశ పరీక్ష ద్వారా ఉస్మానియా, కాకతీయ,
తెలంగాణ, పాలమూరు, శాతవాహన,
మహాత్మాగాంధీ విశ్వవిద్యాలయాల పరిధిలోని ఎంఏ, ఎంకాం,
ఎమ్మెస్సీ, పీజీ డిప్లొమా, అయిదేళ్ల ఇంటిగ్రేటెడ్‌ కోర్సులు, జేఎన్టీయూహెచ్‌లోని
రెండేళ్ల ఎమ్మెస్సీ కోర్సుల్లో ప్రవేశాలు కల్పిస్తారు.
0 Komentar