Krishnapatnam Corona Medicine to
Distribute Today (21-05-2021) Onwards
నేటి (21-05-2021) నుంచి ‘కృష్ణపట్నం కరోనా మందు’ పంపిణీ
సర్వేపల్లి ఎమ్మెల్యే కాకాణి
ప్రకటన
- కరోనా రోగుల కోసం ఐదు రకాలు తయారీ
కృష్ణపట్నం కరోనా మందు’ చర్చనీయాంశమైన సంగతి తెలిసిందే. కొవిడ్‌ రోగుల పాలిట దివ్వఔషధంగా పేర్కొంటున్న ఈ మందు కోసం తెలుగు రాష్ట్రాల నుంచే కాక పక్క రాష్ట్రాలైన కర్ణాటక, తమిళనాడు నుంచి కూడా ప్రజలు తరలివస్తున్నారు. కరోనా వైద్యం కోసం రూ.లక్షలకు లక్షలు ధారపోస్తున్న వేళ ఈ మందుపై ప్రజల్లో ఏదో తెలియని ఆశ చిగురించింది. దీంతో కొద్దిరోజులుగా కరోనా ఆయుర్వేద మందు కోసం వేల సంఖ్యలో నెల్లూరు జిల్లా కృష్ణపట్నం‌కు తరలివస్తున్నారు.
అయితే ఈ మందు శాస్త్రీయంగా రుజువు
కాలేదని, పరీక్షల నిమిత్తం ఆయుష్‌ ల్యాబ్‌కు పంపింది. దీనిపై సోషల్‌ మీడియాలో
పెద్ద ఎత్తున చర్చ సాగింది. అయితే పరీక్షల్లో ఈ మందు హానికరమైనది కాదని తేలడంతో, శుక్రవారం నుంచి ఆయుర్వేద మందు పంపిణీని తిరిగి చేపట్టవచ్చని తెలిపింది.
శుక్రవారం నుంచి కృష్ణపట్నం కరోనా మందుని పంపిణీ చేస్తామని సర్వేపల్లి ఎమ్మెల్యే
కాకాణి గోవర్ధన్‌రెడ్డి ప్రకటించారు.
కృష్ణపట్నంలో కరోనా మందు
తయారీదారుడి పేరు బొరిగి ఆనందయ్య. ఈ కుటుంబం వంశపారంపర్యంగా ఆయుర్వేద వైద్యం
చేస్తున్నారని స్థానికులు చెబుతున్నారు. ఈ ఏడాది శ్రీరామనవమి నుంచి ఆనందయ్య
కరోనాకు మందు పంపిణీ చేస్తున్నారు. దీని కోసం మొదట్లో పదుల సంఖ్యలో ప్రజలు రాగా..
ఇప్పుడు నిత్యం 4-5వేల మంది వరకు వస్తున్నారు.
ప్రమాణాలకు లోబడే ఉంది: ఆయుష్‌
ల్యాబ్‌
ఆయుష్‌ ల్యాబ్‌ నుంచి గురువారం
రాత్రి 9 గంటలకు వచ్చిన రిపోర్టుల ప్రకారం ఈ మందులు హానికరం కావని తేలింది. అలాగే
ప్రమాణాలకు లోబడి కూడా ఉందని రిపోర్టులో స్పష్టం చేసినట్లు సమాచారం. ఇంకొన్ని
రిపోర్టులకు రెండు రోజులు పట్టొచ్చు. అప్పటివరకు ప్రభుత్వం ఈ మందుల పంపిణీకి
అనుమతి ఇవ్వదు. అయితే స్థానిక ఎమ్మెల్యే కాకాణి గోవర్ధన్‌రెడ్డి మాత్రం శుక్రవారం
నుంచి మందులు పంపిణీ చేస్తామని ప్రకటించారు.
0 Komentar