Uber Announces Free Rides for Passengers
to And From COVID-19 Vaccination Centres
వ్యాక్సిన్ వేయించుకునేవారికి
‘ఉబెర్’ ఉచిత క్యాబ్‌ సౌకర్యం – వివరాలు ఇవే
కరోనా సమయంలో క్యాబ్‌ సేవల సంస్థ ఉబెర్ కీలక నిర్ణయం తీసుకుంది. వ్యాక్సినేషన్‌ కేంద్రాలకు వెళ్లే తమ వినియోగదారులకు బంపరాఫర్ అందిస్తున్నట్లు మంగళవారం ప్రకటించింది. కరోనా వ్యాక్సిన్ తీసుకోవడానికి టీకా కేంద్రాలకు వెళ్లేవారికి ఉచిత క్యాబ్‌ సౌకర్యాన్ని అందిస్తోంది. రైడర్స్ టీకా కోసం వెళ్లి, ఇంటికి వచ్చేందుకు రూ .300 విలువైన రైడ్‌లు (వెళ్లడానికి రూ. 150, రావడానికి రూ. 150 వరకు) పొందవచ్చని ఉబెర్ తెలిపింది. ఈ మేరకు అర్హులైన వినియోగదారులకు ఈమెయిల్‌ ద్వారా సమాచారాన్ని ఇచ్చింది.
ఈ ఉచిత రైడ్ ఉబెర్ గో, ఉబెర్ గో సెడాన్, ఉబెర్ ప్రీమియర్లలో మాత్రమే చెల్లుబాటు అవుతుందని ఉబెర్ ప్రకటించింది. ఈ ఫ్రీ రైడ్‌ను వినియోగించుకునేందుకు యూజర్లకు యాప్‌ ఒక ప్రోమోకోడ్‌ను అందిస్తుంది. ఈ సర్వీస్ పనిచేసే 36 నగరాల్లోని అన్ని టీకా కేంద్రాలను ఉబెర్ యాప్‌లో పేర్కొంది.
యాప్‌ ఓపెన్‌ చేసిన తరువాత ఎగువ
ఎడమ మూలలో మెనూని క్లిక్‌ చేసి “వాలెట్” సెలెక్ట్‌ చేసి ఉచిత ప్రయాణానికి యూజర్లు
ప్రోమో కోడ్ (10M21V) ని ఎంచుకోవాలి. ఆ తరువాత
సమీప టీకా కేంద్రానికి పిక్-అప్ లేదా డ్రాప్‌ వివరాలను ఎంటర్‌ చేసి
నిర్ధారించుకోవాలి. అంతేకాదు ఉబెర్ తన యాప్‌ ద్వారా దగ్గరలోని అధీకృత టీకా
కేంద్రాల సమాచారాన్ని కూడా అందిస్తోంది.
0 Komentar