Xiaomi Unveils Their First Electric Car - SU7 – Details Here

Xiaomi Unveils Their First Electric Car - SU7 – Details Here

స్మార్ట్ ఫోన్ ల తయారీ సంస్థ షావోమీ తొలి విద్యుత్ కారు SU7 ఆవిష్కరణ – ఫీచర్ల వివరాలు ఇవే

======================

స్మార్ట్ ఫోన్ ల తయారీ సంస్థ షావోమీ గురువారం (Dec 28) తొలి విద్యుత్ కారును ఆవిష్కరించింది. బీజింగ్ జరిగిన కార్యక్రమంలో కంపెనీ సీఈఓ 'లీ జున్' దీన్ని పరిచయం చేశారు. SU7 పేరిట వస్తున్న ఈ సెడాన్ లో ఉన్న ఆపరేటింగ్ సిస్టము.. కంపెనీ ప్రముఖ ఫోన్లతో అనుసంధానమయ్యేలా రూపొందించారు. చైనాలో దిగ్గజ కంపెనీలుగా పేరొందిన 'కాన్టెంపరరీ యాంపరెక్స్ టెక్నాలజీ', బీవైడీ నుంచి తీసుకున్న బ్యాటరీలను ఈ కార్లలో వినియోగిస్తున్నారు.

ఈ కారుని 'సెల్-టు-బాడీ' టెక్నాలజీతో అభివృద్ధి చేసినట్లు తెలిపారు. దీంతో బ్యాటరీని నేరుగా వాహన నిర్మాణానికే అనుసంధానం చేసినట్లు వివరించారు. ఫలితంగా కారు దృఢత్వం పెరిగిందని పేర్కొన్నారు. ఇప్పటికే కంపెనీ రూపొందించిన అనేక యాప్లకు ఈ కారులో యాక్సెస్ ఉంటుందన్నారు.

ఈ కారు SU7, SU7 మ్యాక్స్ పేరిట రెండు వేరియంట్లలో లభించనుంది. SU7 0-100 kmph వేగాన్ని 5.28 సెకన్లలో అందుకుంటుందని కంపెనీ తెలిపింది. అలాగే ఒక్కసారి ఛార్జ్ చేస్తే 668 కిలోమీటర్లు వెళ్తుంది. గరిష్ఠ వేగం 210 కి.మీ/గం. అత్యధికంగా 400 ఎన్ఎం టార్క్ వద్ద 299 పీఎస్ శక్తిని విడుదల చేస్తుంది. మరోవైపు SU7 మ్యాక్స్ 2.78 సెకన్లలో 0-100 kmph వేగాన్ని అందుకుంటుంది. ఒక్క ఛార్జింగ్ తో 800 కిలోమీటర్ల వరకు ప్రయాణిస్తుంది. దీని గరిష్ఠ వేగం 265 కి.మీ/గం. 838 ఎన్ఎం టార్క్ వద్ద 673 పీఎస్ శక్తిని ఉత్పత్తి చేస్తుంది.

తక్కువ ఉష్ణోగ్రతల్లోనూ వేగంగా ఛార్జ్ అయ్యేలా కారుని అభివృద్ధి చేసినట్లు వెల్లడించారు. ఆక్వా బ్లూ, మినరల్ గ్రే, వెర్డెంట్ గ్రీన్ రంగుల్లో ఈ కారు లభిస్తుంది.

======================

At the pinnacle of performance, the ultimate driving experience is our starting point in crafting vehicles.#XiaomiEVTechnologyLaunch pic.twitter.com/tSBthJbZcn

— Xiaomi (@Xiaomi) December 28, 2023