What's Model Code of Conduct? – Check the Terms and Conditions

 

What's Model Code of Conduct? – Check the Terms and Conditions

మోడల్ కోడ్ ఆఫ్ కండక్ట్ అంటే ఏమిటి? ఎన్నికల కోడ్ అమల్లోకి వచ్చాక నిబంధనలు & సూచనలు ఇవే

=====================

ఎన్నికలు పారదర్శకంగా , నిష్పక్షపాతంగా జరిగేందుకు ఎన్నికల కోడ్ తప్పనిసరి. అన్ని రాజకీయ పార్టీలు తప్పకుండా పాటించాల్సి ఉంటుంది. ఈ సందర్భంగా ఎన్నికల సంఘం నుంచి వివిధ రాజకీయ పార్టీలు, అభ్యర్ధులు, ఓటర్లకు నియమ, నిబంధనలుంటాయి.

ఎన్నికల కోడ్ నిబంధనలు, నియమాలు & సూచనలు ఇవే

> ప్రభుత్వ కార్యాలయాల్లో ప్రదాని, ముఖ్యమంత్రి, మంత్రుల ఫోటోలు ఉండకూడదు.

> ప్రభుత్వ భవనాలు, ఆస్థుల వద్ద రాజకీయ నేతల పోస్టర్లు, కటౌట్‌లు, హోర్డింగులు, పోస్టర్లు, వాల్ పోస్టర్లు తొలగించాలి.

> బస్డాండ్లు, రైల్వే స్టేషన్లు, రహదారులు, బస్సులు, విద్యుత్ స్థంభాలు, మున్సిపల్ కార్యాలయాల స్థలాల్లో ప్రకటనలు, హోర్డింగులు ఉండకూడదు.

> ప్రభుత్వ అధికారిక వెబ్‌సైట్ల నుంచి మంత్రులు, ప్రజా ప్రతినిధుల ఫోటోలు తొలగించాలి.

> మంత్రుల అధికార వాహనాల వినియోగం నిలిపివేయాలి.

> ఎన్నికల ప్రక్రియలో పాల్గొనే అధికారులు, సిబ్బంది బదిలీలపై పూర్తిగా నిషేధం ఉంటుంది.

> మంత్రులు, రాజకీయ నేతలతో అధికారుల వీడియో కాన్ఫరెన్సులు ఉండవు.

> లబ్దిదారులకు ఇచ్చే పత్రాలపై ముఖ్యమంత్రి, మంత్రుల ఫోటోలు ఉండకూడదు.

> ప్రభుత్వ అధికారులు, ఉద్యోగులు ఎన్నికల ప్రచారంలో పాల్గొనకూడదు.

> దేవాలయం, మసీదు, ప్రార్ధనా స్థలాల్లో ప్రచారం చేయకూడదు.

> కులాలు, వర్గాల ఆధారంగా ఓటు అడగకూడదు.

> పోలింగ్ కేంద్రానికి 100 మీటర్ల దూరంలో ప్రచారం నిషిద్ధం.

> ఓటింగుకు 48 గంటల ముందు ఎన్నికల ప్రచారం, బహిరంగసభలపై నిషేధం.

> ర్యాలీలు, సమావేశాల ముందస్తు సమాచారాన్ని పోలీసులకు ఇవ్వాలి.

> లౌడ్ స్పీకర్ వినియోగానికి అనుమతి తీసుకోవాలి.

> మీడియాలో రాజకీయ పార్టీలు, వ్యక్తులకు అనుకూలంగా, పక్షపాతంగా ప్రచార కథనాలపై నిషేధం ఉంటుంది. అధికార పార్టీకి అనుకూలంగా వ్యవహరించకూడదు.

> ఓటర్లను ప్రభావితం చేసేందుకు కుల, మతపరమైన వ్యాఖ్యలు చేయకూడదు. పుకార్లు వ్యాప్తి చేయడం నిషేధం. ఓటర్లకు డబ్బులు పంచడం, భయపెట్టడానికి వీల్లేదు.

> ఎన్నికల షెడ్యూల్ విడుదలయ్యాక అభ్యర్థులు ఆర్థిక గ్రాంట్లు ప్రకటించడం నిషేధం.

> ప్రభుత్వం కొత్త ప్రాజెక్టులను ప్రారంభించకూడదు. కొత్త ప్రాజెక్టులకు శంకుస్థాపన చేయకూడదు.

> ఓటర్లను ప్రభావితం చేసే విధంగా ప్రభుత్వ, ప్రభుత్వ అనుబంధ సంస్థలలో తాత్కాలిక నియామకాలు చేపట్టకూడదు.

> ఎన్నికల్లో పోటీ చేసే మంత్రులు లేదా అభ్యర్థులు తమ పరిధిలోని నిధులను మంజూరు చేయకూడదు.

> ఎన్నికల ప్రచారం కోసం ప్రభుత్వ వనరులను ఉపయోగించకూడదు. రవాణా, యంత్రాలు, భద్రతా సిబ్బందితో సహా దేనిని ఉపయోగించకూడదు.

> ప్రభుత్వ గెస్ట్ హౌస్‌లు, భవనాలు, ఇతర ప్రభుత్వ వసతులను ఏ రాజకీయ పార్టీ లేదా అభ్యర్థులు ఎన్నికల్లో తమ ప్రయోజనం కోసం ఉపయోగించుకోవడానికి వీలుండదు.

=====================

భారత సార్వత్రిక ఎన్నికలు 2024: నోటిఫికేషన్ విడుదల - ముఖ్యమైన తేదీల వివరాలు ఇవే

CLICK HERE

=====================